ADផ្ទាំងផ្សព្វផ្សាយពាណិជ្ជកម្ម

Picture

តារា​ពហុ​ជំនាញ ខាត់ សុ​ឃី​ម បង្ហើប​បញ្ហា​ចម្បង​មួយ​ពិបាក​ក្នុង​ការយ​កកូន​ទី​៣

8 ខែ មុន
  • ភ្នំពេញ

តារា​ពហុ​ជំនាញ​អ្នក​នាង ខាត់ សុ​ឃី​ម បាន​បង្ហើប​អំពី​បញ្ហា​ចម្បង​មួយ​ដែល​ធ្វើ​ឲ្យ​រូប​នាង​អាច​នឹង​ពិបាក​នៅ​ក្នុង​ការយ​កកូន​ទី​៣​បន្ថែម​ទៀត ដែល​នោះ​ក៏​បាន​ធ្វើ​ឲ្យ​បំណង​ចង់បាន​កូន​ច្រើន​ក្លាយជា​គ្រួសារ​ធំ​របស់​អ្នក​នាង អាច​នឹង​មិន​សម្រេច

រាជធានី​ភ្នំពេញ ៖ តារា​ពហុ​ជំនាញ​អ្នក​នាង ខាត់ សុ​ឃី​ម បាន​បង្ហើប​អំពី​បញ្ហា​ចម្បង​មួយ​ដែល​ធ្វើ​ឲ្យ​រូប​នាង​អាច​នឹង​ពិបាក​នៅ​ក្នុង​ការយ​កកូន​ទី​៣​បន្ថែម​ទៀត ដែល​នោះ​ក៏​បាន​ធ្វើ​ឲ្យ​បំណង​ចង់បាន​កូន​ច្រើន​ក្លាយជា​គ្រួសារ​ធំ​របស់​អ្នក​នាង អាច​នឹង​មិន​សម្រេច​ដល់​គោលដៅ​ផង​ដែរ​។

អ្នក​នាង ខាត់ សុ​ឃី​ម បាន​បញ្ជាក់​ថា «​បញ្ហា​សុខភាព និង​វ័យ​កាន់តែ​ជ្រេ នោះ​ជា​មូលហេតុ​ចម្បង​សំខាន់​ដែល​ធ្វើ​ឲ្យ​អ្នក​នាង​មិន​អាចយ​កកូន​ទី​៣​បាន តាម​បំណង​នោះ​ឡើយ​»​។ តារា​រូប​នេះ​បាន​បន្ថែម​ថា «​កន្លង​មក នាង​តែងតែមាន​បំណង​ចង់បាន​កូន​ច្រើន ដើម្បី​ក្លាយជា​គ្រួសារ​ធំ​មួយ ដូច​ទៅ​នឹង​ឪពុក​ម្តាយ​របស់​នាង​ដែរ ប៉ុន្តែ​រហូត​មក​ទល់​នា​ពេល​នេះ នាង​មិន​អាច​សម្រេច​គោលដៅ​ឡើយ ដោយសារ​ផែនការ​យក​កូន​ទី​៣​បន្ថែម​នោះ ក៏​នៅ​មិន​ច្បាស់លាស់​»​។

អ្នក​នាង​បន្ត​ថា «​ដោយសារ​ការ​ពន្យា​ពេល​យក​ពី​មួយ​ឆ្នាំទៅ​មួយ​ឆ្នាំ​នោះ​បាន​ធ្វើ​ឲ្យ​នាង​កាន់តែ​មាន​វ័យ​ច្រើន​។ នៅ​ឆ្នាំ​នេះ នាង​មាន​អាយុ​៤៣​ឆ្នាំ​ហើយ ដែល​នោះ​បាន​ធ្វើ​ឲ្យ​អ្នក​នាង​ពិបាក​នៅ​ក្នុង​ការយ​កកូន​ទី​៣​បន្ថែម​ទៀត​»​។

អ្នក​នាង ខាត់ សុ​ឃី​ម បាន​លើក​ឡើង​ទៀត​ថា «​អំឡុង​ពេល​ពិគ្រោះ​ជាមួយ​គ្រូពេទ្យ​នោះ គ្រូពេទ្យ​បាន​ឲ្យ​អ្នក​នាង​ពិចារណា​រឿង​យក​កូន​បន្ថែម​ទៀត ដោយសារ​វ័យ​របស់​នាង​កាន់តែ​ចាស់ ហើយ​អាច​នឹង​ប្រឈម​នូវ​ជំងឺ​មួយ​ចំនួន​ទៀត​ផង​ដែរ​»​។ យ៉ាងណា​បើ​តាម​អ្នក​នាង ខាត់ សុ​ឃី​ម ថា បច្ចុប្បន្ន ក្តី​ប្រាថ្នា​ចុង​ក្រោយ​របស់​អ្នក​នាង នៅ​ក្នុង​ការយ​កកូន​ទី​៣​បន្ថែម​ទៀត​នោះ គឺ​ស្ថិត​នៅ​ក្នុង​ភាគរយ​ហាសិប​ៗ​ប៉ុណ្ណោះ​»​។

គួរ​បញ្ជាក់​ថា អ្នក​នាង ខាត់ សុ​ឃី​ម បាន​រៀប​មង្គលការ​ជាមួយ​ស្វាមី​លោក អ៊ិ​ន ផា​ណូ កាលពី​ថ្ងៃ​ទី​១២ ខែធ្នូ ឆ្នាំ​២០១២ ដែល​គិត​មក​ទល់​នា​ពេល​នេះ ចំណងអាពាហ៍ពិពាហ៍​របស់​អ្នក​នាង​គឺ​មាន​រយៈពេល​ជាង​១០​ឆ្នាំ​មក​ហើយ ខណៈ​ពេល​ដែល​អ្នក​នាង​ក៏​មានកូន​ក្នុង​បន្ទុក​ចំនួន​២​នាក់​ផង​ដែរ​។

គួរ​បញ្ជាក់​ទៀត​ថា បច្ចុប្បន្ន អ្នក​នាង ខាត់ សុ​ឃី​ម ត្រូវ​បាន​គេ​ដឹង​ថា នាង​កំពុង​តែ​មាន​ភាព​ជោគជ័យ​ទាំង​ការងារ​សិល្បៈ និង​ជំនួញ​ផ្ទាល់ខ្លួន ហើយ​អ្នក​នាង​ក៏​មាន​សុភមង្គល​ក្នុង​សង្គម​គ្រួសារ​ផង​ដែរ​។ ដោយសារ​ជា​ញឹកញាប់ អ្នក​នាង​តែងតែ​បង្ហាញ​ពី​ភាព​ផ្អែមល្ហែម និង​ក្តី​ស្រឡាញ់​ទៅ​វិញ​ទៅ​មករ​វាង​អ្នក​នាង​និង​ស្វាមី ។ ជា​ពិសេស​ជាង​នេះ​ទៅ​ទៀត​នោះ នា​ពេល​ខាង​មុខ​នេះ អ្នក​នាង និង​ស្វាមី ក៏​មាន​គម្រោង​ចេញ​ទៅ​ដើរ​លេង​កម្សាន្ត​ជា​ថ្មី​ម្តងទៀត​នៅ​លើ​ទឹកដី​អា​មេ​រិ​ក​ទៀត​ផង​៕

អត្ថបទសរសេរ ដោយ

កែសម្រួលដោយ