ខេត្តបន្ទាយមានជ័យ ៖ ស្រូវដែលមិនទាន់បានប្រមូលផលត្រូវលិចលង់ដោយសារទឹកជំនន់ ដែលមានចំនួន៣,២៦០ហិកតា និងដំណាំរួមផ្សំ១៨ហិកតា គិតត្រឹមថ្ងៃទី១៦ ខែតុលា ឆ្នាំ២០២៣ ស្ថិតនៅក្នុងខេត្តបន្ទាយមានជ័យ។ លោក…
ខេត្តបន្ទាយមានជ័យ ៖ ស្រូវដែលមិនទាន់បានប្រមូលផលត្រូវលិចលង់ដោយសារទឹកជំនន់ ដែលមានចំនួន៣,២៦០ហិកតា និងដំណាំរួមផ្សំ១៨ហិកតា គិតត្រឹមថ្ងៃទី១៦ ខែតុលា ឆ្នាំ២០២៣ ស្ថិតនៅក្នុងខេត្តបន្ទាយមានជ័យ។
លោក រ័ត្ន ដាស៊ីណង់ អភិបាលស្រុកមង្គលបូរីបានប្រាប់ឱ្យដឹងថា ការរងផលប៉ៈពាល់ដោយសារទឹកជំនន់លិចស្រូវមានចំនួន៨ឃុំ (ស្មើ៧២ភូមិ) បានប៉ះពាល់លិចស្រូវមិនទាន់ប្រមូលផលមានផ្ទៃដីចំនួន២,៨៣២ហិកតា មានស្រូវសែនក្រអូប និងស្រូវអ៊ីអ៊ែរ ស្រូវស្រង៉ែ ដែលជាប្រភេទស្រូវ
មិនប្រកាន់រដូច និងដំណាំរួមផ្សំមានផ្ទៃដី៨ហិកតា មានដំណាំប្រចាំថ្ងៃ និងដំឡូងមី និងពោត
លោកបានបញ្ជាក់ទៀតថា រហូតពេលនេះ ទឹកនៅផ្នែកខាងលើត្រូវបានស្រកជាបណ្តើរៗហើយអាចថា ស្រូវដែលរងផលប៉ះពាល់ដែលមិនលិចលង់ធ្ងន់ធ្ងរពេលទឹកស្រកអស់អាចប្រមូលផលបានខ្លះកាលពីទឹកជំនន់ជន់លិចដំបូង ឯកឧត្តមអភិបាលខេត្តបានដឹកនាំកម្លាំងទាំងបីស្ថាប័នរាប់រយនាក់បានជួយប្រមូលផលដណ្តើមពីទឹកលិចបានចំនួនដែរ ។
លោក ស្រេង សុផល អភិបាលក្រុងសិរីសោភ័ណបានបញ្ជាក់ថា នៅក្រុងសិរីសោភ័ណស្ថានភាពដូចជានៅស្រកតិចតួចណាស់ដោយទឹកស្រង់ពីស្រុកមង្គលបូរី និងស្រុកអូរជ្រៅជន់លិចស្រូវមានផ្ទៃដីចំនួន៤២៨ហិកតា ដំណាំរួមផ្សំលិចមាន៨ហិកតា និងស្រូវលិចទាំងស្រុង២២ហិកតា ។
មានព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ