រាជធានីភ្នំពេញ ៖ ការបោះជំហានលើវិថីសិល្បៈសម្តែងតាមនិស្ស័យស្រឡាញ់ចូលចិត្តសិល្បៈរបស់កញ្ញាដានី អារីយា ពិតជាមិនខុសបំណងទេ គឺនាងរីកចំរើនជាលំដាប់ ។ ក្នុងទឹកមុខញញឹមស្រស់ នាងមានវ័យ២១ឆ្នាំ ជានិស្សិតឆ្នាំទី២នៃសាកលវិទ្យាល័យជាតិគ្រប់គ្រង ផ្នែកទេសចរណ៍
រាជធានីភ្នំពេញ ៖ ការបោះជំហានលើវិថីសិល្បៈសម្តែងតាមនិស្ស័យស្រឡាញ់ចូលចិត្តសិល្បៈរបស់កញ្ញាដានី អារីយា ពិតជាមិនខុសបំណងទេ គឺនាងរីកចំរើនជាលំដាប់ ។ ក្នុងទឹកមុខញញឹមស្រស់ នាងមានវ័យ២១ឆ្នាំ ជានិស្សិតឆ្នាំទី២នៃសាកលវិទ្យាល័យជាតិគ្រប់គ្រង ផ្នែកទេសចរណ៍ ។
ដានី អារីយា និយាយពីដំណើរជីវិតលើវិថីសិល្បៈឱ្យដឹងថា នាងបានចាប់ផ្តើមបណ្តែតជីវិតចូលប្រឡូកក្នុងវិស័យសិល្បៈនៅដើមឆ្នាំ២០១០ថ្មីៗនេះទេ ប៉ុន្តែដោយសារមានទេពកោសល្យសម្តែងល្អ ក្រៅពីសម្តែងកាយវិការខារ៉ាអូខេឱ្យផលិតកម្មទាំងក្នុង និងក្រៅប្រទេស កញ្ញាដានី អារីយា បានចូលរួមសម្តែងភាពយន្តមួយចំនួនដូចជារឿងល្មមហើយលោកប្តីចាក់ផ្សាយតាមទូរទស្សន៍ប៉ុស្តិ៍លេខ៥ រឿងរង្គសាលផ្តាច់ព្រលឹង រឿងរលកសម្លេង និងរឿងមួយចំនួនទៀត តែនាងភ្លេចចំណងជើង។
កញ្ញាដានី អារីយា និយាយថា រឿងទាំងអស់ ដែលនាងចូលរួមសម្តែងនោះមានខ្លះនាងសម្តែងជាតួឯក។ ក្នុងនាមជានិស្សិត និងជាអ្នកសម្តែងកាយវិការ និងភាពយន្តថ្មីទើបរះនាងតាំងចិត្តយ៉ាងមុតមាំថា នឹងនឹងបោះជំហានក្នុងវិស័យសិល្បៈឱ្យពេញទំហឹងក្រោយពេលនាងបញ្ចប់ការ សិក្សានៅ សាកលវិទ្យាល័យ។ សព្វថ្ងៃនាងមមាញឹកក្នុងវិស័យសិល្បៈសម្តែងខ្លាំងណាស់ដែរ។
កញ្ញាដានី អារីយា សំណូមពរឱ្យនិស្សិត និងយុវវ័យនាំគ្នាបណ្តែតជីវិតចូលប្រឡូកក្នុងវិស័យសិល្បៈដូចនាងដើម្បីនាំគ្នាពួតដៃលើកស្ទួយវិស័យសិល្បៈវប្បធម៌ជាតិឱ្យកាន់តែរីកចំរើន ហើយម្យ៉ាងវិញទៀតសូមឱ្យយុវវ័យនាំគ្នាចៀសវាងឱ្យផុតពីអំពើអបាយមុខ និងចៀសឱ្យផុតការជួញដូរ និងសេពគ្រឿងញៀន ហើយងាកមកសម្តែងសិល្បៈ។
កញ្ញាដានី អារីយា មានស្រុកកំណើត នៅរាជធានីភ្នំពេញ។ នាងជាកូនពៅក្នុងចំណោមបងប្អូន៣នាក់។ នាងចេះនិយាយភាសាអង់គ្លេសបានល្អសមជានិស្សិតផ្នែកទេសចរណ៍ ហើយទៅថ្ងៃអនាគតនាងចង់ចាប់អាជីពតាមជំនាញសិក្សាផង ចង់ក្លាយជាតារាភាពយន្តមានកេរ្តិ៍ឈ្មោះល្បីផង ៕
ចែករំលែកព័តមាននេះ