រាជធានីភ្នំពេញ ៖ តារាសម្តែងនាង រចនា រ៉ាវ៉ាឌី បានប្រកាសដោយការស្ម័គ្រចិត្តជួយផ្សព្វផ្សាយពីផលិតផលក្នុងស្រុកបន្តដោយមិនគិតថ្លៃ ដើម្បីអោយបងប្អូនខ្មែរយើងបានដឹងជំនួសការប្រើប្រាស់ផលិតផលមកពីប្រទេសថៃ ក្នុងពេលដែលប្រជាជនកម្ពុជាកំពុងធ្វើពហិការមិនប្រើប្រាស់ផលិតផលរបស់ប្រទេសថៃ ។ តាមរយៈបណ្តាញសង្គមតារាស្រីរូបនេះបានលើកឡើងថា…
រាជធានីភ្នំពេញ ៖ តារាសម្តែងនាង រចនា រ៉ាវ៉ាឌី បានប្រកាសដោយការស្ម័គ្រចិត្តជួយផ្សព្វផ្សាយពីផលិតផលក្នុងស្រុកបន្តដោយមិនគិតថ្លៃ ដើម្បីអោយបងប្អូនខ្មែរយើងបានដឹងជំនួសការប្រើប្រាស់ផលិតផលមកពីប្រទេសថៃ ក្នុងពេលដែលប្រជាជនកម្ពុជាកំពុងធ្វើពហិការមិនប្រើប្រាស់ផលិតផលរបស់ប្រទេសថៃ ។
តាមរយៈបណ្តាញសង្គមតារាស្រីរូបនេះបានលើកឡើងថា នាងខ្ញុំអាចជួយទទួលផលិតផលក្នុងស្រុកទាំងអស់យកមកផ្សព្វផ្សាយ ដើម្បីចែករំលែកឲ្យបងប្អូនដឹងពីផលិតផលក្នុងស្រុកឲ្យកាន់តែច្រើន ជាពិសេស ផលិតផលមួយចំនួនដែលប្រទេសថៃមានប្រទេសកម្ពុជាយើងក៏មានហើយជាផលិតផលចាំបាច់ដែលត្រូវប្រើប្រាស់ប្រចាំថ្ងៃ ។
នាងបន្តថា ក្នុងអំឡុងពេលនេះ បងប្អូនយើងកំពុងធ្វើពហិការមិនប្រើប្រាស់ និងនាំចូលផលិតផលថៃមកកាន់កម្ពុជាចាប់ពីពេលនេះតទៅ ដូច្នេះ អំឡុងពេលនេះយើងក៏អាចពិបាករកផលិតផលណាមកជំនួសផលិតផលថៃភ្លាមៗ ហេតុនេះ ក្នុងនាមជាសិល្បការិនី និងជាអ្នកផ្សព្វផ្សាយនូវសម្លេងមួយរូបគឺអាចជួយយកផលិតផលក្នុងស្រុកទាំងអស់យកមកផ្សព្វផ្សាយបន្ត ។
នាងបញ្ជាក់ថា ការធ្វើបែបនេះគឺដើម្បីជួយផ្សព្វផ្សាយអោយបងប្អូនទាំងអស់បានស្គាល់ពីផលិតផលក្នុងស្រុកឲ្យកាន់តែច្រើន ជាពិសេស ផលិតថៃណាមាន ផលិតផលខ្មែរយើងក៏មាន ងហើយក៏ជាផលិតផលចាំបាច់ដែលយើងអាចប្រើប្រាស់ប្រចាំថ្ងៃ ។
យ៉ាងណា បើតាម រចនា រ៉ាវ៉ាឌី យើងចាប់ផ្តើមជាតិនិយមគឺល្អ ប៉ុន្តែយើងគួរទុកពេលវេលាឲ្យសហគ្រិនខ្មែររបស់យើងខ្លះ ដោយចាត់ទុកថា នេះគឺជាការជួយសេដ្ឋកិច្ចក្នុងស្រុករបស់យើងជាបណ្តោះអាសន្ន ក៏ដូចជាទុកឱកាសឲ្យបងប្អូនដែលជាសហគ្រិនរបស់យើងបង្កើតផលិតផលក្នុងស្រុកឲ្យបានច្រើន ។
គួរបញ្ជាក់ថា តារាសម្តែងនាង រចនា រ៉ាវ៉ាឌី គឺជាអ្នកសិល្បៈមួយ ក៏ដូចជាអ្នកសិល្បៈជាច្រើនទៀតបានចូលរួមយ៉ាងសកម្មភាពនៅក្នុងយុទ្ធនាការនានា ក៏ដូចសកម្មភាពសប្បុរសធម៌ ចូលរួមជាមួយរាជរដ្ឋាភិបាលលើកទឹកចិត្តកងទ័ពជួរមុខ និងប្រជាពលរដ្ឋដែលរងគ្រោះពីការឈ្លានពានរបស់ប្រទេសថៃ ៕
ចែករំលែកព័តមាននេះ