នៅទីបំផុត តារាស្រី រ៉ូស បានយល់ព្រមចេញមុខសុំទោសជាសាធារណៈហើយ ចំពោះកំហុសឆ្គងនៃការប្រើប្រាស់ពាក្យសម្ដីមិនសមរម្យមួយមកលើអតីតតារាចម្រៀងលោក ឃុំ ប៉ុណ្ណាដែត និងក្រុមគ្រួសាររបស់លោក។ ការចេញមុខសុំទោសពីកញ្ញា រ៉ូស នាពេលនេះ ធ្វើឡើងបន្ទាប់ពី
រាជធានីភ្នំពេញ ៖ នៅទីបំផុត តារាស្រី រ៉ូស បានយល់ព្រមចេញមុខសុំទោសជាសាធារណៈហើយ ចំពោះកំហុសឆ្គងនៃការប្រើប្រាស់ពាក្យសម្ដីមិនសមរម្យមួយមកលើអតីតតារាចម្រៀងលោក ឃុំ ប៉ុណ្ណាដែត និងក្រុមគ្រួសាររបស់លោក។ ការចេញមុខសុំទោសពីកញ្ញា រ៉ូស នាពេលនេះ ធ្វើឡើងបន្ទាប់ពីលោក ឃុំ ប៉ុណ្ណាដែត បានធ្វើការព្រមា.នឱ្យនាងចេញមុខសុំទោសរូបលោក និងក្រុមគ្រួសារ ក្រោយពីនាងបានប្រើប្រាស់ភាសាមិនគប្បី និងការប្រមា.ថមើលងា.យដល់កូនៗរបស់លោក។
តាមរយៈវីដេអូឃ្លីប ដែលបានបង្ហោះតាមបណ្តាញសង្គមកាលពីថ្ងៃទី២៩ ខែកក្កដា ឆ្នាំ២០២៣នេះ កញ្ញា រ៉ូស បានលើកឡើងថា «នាងពិតជាមានការសោកស្តាយចំពោះការយល់ច្រឡំទៅលោក ឃុំ ប៉ុណ្ណាដែត និងអ្នកនាង យក់ ឋិតរដ្ឋា»។ នាងបញ្ជាក់ថា «ដោយសារក្នុងន័យផ្សារភ្ជាប់របស់បងប្រុស ឃុំ ប៉ុណ្ណាដែត នោះ មានភ្ជាប់នឹងរូបភាពខ្ញុំ ទើបខ្ញុំយល់ច្រឡំថា គាត់ថាឱ្យខ្ញុំ តែតាមពិតគាត់មិនមែនសំដៅមកខ្ញុំទេ គឺគាត់និយាយតែទៅលើបុគ្គលមួយចំនួនតែប៉ុណ្ណោះ។ អញ្ចឹង ខ្ញុំសុំទោសទៅដល់បង ដែត និងបង រដ្ឋា ព្រមទាំងកូនៗរបស់គាត់ផងដែរ ដោយខ្ញុំមានការភាន់ច្រឡំមកលើពួកគាត់»។
យ៉ាងណា កញ្ញា រ៉ូស ក៏បានស្នើឱ្យលោក ឃុំ ប៉ុណ្ណាដែត និងគ្រួសារ កុំមានការប្រកាន់មកលើរូបនាង ដោយសារមួយរយៈនេះ នាងមានអារម្មណ៍បាក់ទឹក និងរងសម្ពាធច្រើន ដូច្នេះប្រសិនបើមានអ្នកណានិយាយអ្វីប៉ះពាល់ គឺខឹងឆាវឆាវភ្លាមៗ។
តាមរយៈការសុំទោសខាងលើនេះ កញ្ញា រ៉ូស ក៏បានភ្ជាប់ជាមួយនឹងសំណេរមួយបន្ថែមទៀតថា «បើសិនជាអាចជួយបង្រៀនឱ្យខ្ញុំច្រៀងបានពីរោះជាងមុនផង ខ្ញុំចង់ឱ្យពេលចម្រៀងខ្ញុំចេញមកពីរោះដូចបងចឹង ខ្ញុំនឹងខំហាត់ច្រៀងអោយល្អដូចបង»។
គួរបញ្ជាក់ផងដែរថា អតីតតារាចម្រៀងលោក ឃុំ ប៉ុណ្ណាដែត បានប៉ះសម្តីគ្នាយ៉ាងស្រួចស្រាលជាមួយនឹងតារាសម្តែង រ៉ូស ផ្អើលពេញបណ្តាញសង្គម បន្ទាប់ពីលោក ឃុំ ប៊ុណ្ណាដែត បានលូ.កមាត់ចូលជាយោបល់ពាក់ព័ន្ធរឿងរ៉ាវរបស់តារាសម្តែងស្រីរូបនេះ ដែលបានបង្ហោះរូបភាពនៅលើគ្រែជាមួយបុរសម្នាក់ ហើយចោ.ទប្រកាន់ថា ករណីរំលោ.ភសេពសន្ថវៈ។ រឿងរ៉ាវមួយនេះ បានធ្វើមហាជន ជាពិសេសបណ្តាអ្នកលេងហ្វេសប៊ុកមានការភ្ញាក់ផ្អើល ខណៈពេលចង្កោមសិល្បៈមួយចំនួនបានចេញមុខរិះគន់ចំៗទៅកញ្ញារ៉ូសថា «បើតាំងខ្លួនជាតារា នាងមិនគួរបង្ហាញរឿងអាស្រូវខ្លួនជាសាធារណៈបែបនេះឡើយ»។
ពេលនោះ លោក ឃុំ ប៉ុណ្ណាដែត ក៏បានចេញមុខជាយោបល់ទៅកាន់រឿងខាងលើនេះដែរថា« ពាក្យថា តារាគេខំការពារកេរ្តិ៍ឈ្មោះណាស់ គេមិនដែលបើកចំហរ ឬហែកកេរ្តិ៍ខ្លួនឯងទេ។ ខ្ញុំសូមសំណូមពរបងប្អូន និងអ្នកសារព័ត៌មានទាំងអស់ មុននឹងឱ្យតម្លៃតួណាម្នាក់ ឬក៏អ្នកចម្រៀងណាម្នាក់ជាតារា សូមជួយគិតផងថា តើគាត់ស្ថិតក្នុងលំដាប់ណា? បើមិនដូច្នោះទេ គឺខូចតារារៀមច្បងចាស់ៗ និងតារាដែលគេខំសាងប្រជាប្រិយភាពអស់ហើយ»។
តាមរយៈពាក្យសម្តីនេះផងដែរ ក៏បានធ្វើឱ្យកញ្ញា រ៉ូស សម្តែងការមិនពេញចិត្ត ដោយនៅក្នុងនោះ នាងក៏ធ្វើការវា.យបកដោយពាក្យសម្តីធ្ងន់ៗទៅកាន់លោក ឃុំ ប៉ុណ្ណាដែត វិញដែរ។ នាងបានបង្ហោះសារនៅលើបណ្តាញសង្គមថា «ឃើញគេធ្លាក់ទឹកជាន់គេ យកខ្លួនឯងល្អ ពូកែរិះគន់គេ ប្រមា.ថមើលងា.យគេ ប្រយ័ត្នកម្មពារធ្លាក់ដល់កូន»។ ខណៈពេលនោះនាងក៏បានប្រើពាក្យពេចន៍ជេរប្រមា.ថដោយសម្តីអសុរមួយចំនួនទៀត ជាការវា.យបកមកលើលោក ឃុំ ប៉ុណ្ណាដែត ផងដែរ។
កញ្ញា រ៉ូស បន្ថែមទៀតថា «បើតាំងខ្លួនថា ជាតារារៀមច្បង ជាមនុស្សល្អ គួរតែហៅទៅប្រាប់ ឬហៅទៅប្រដៅស្ងាត់ស្ងាត់ ឬក៏តទល់នឹងមុខ ហើយមនុស្សនិយាយគ្នាស្តាប់បានតើ មិនមែនមកបំបាក់មុខអ្នកដទៃ យកខ្លួនអែងល្អនៅមុខមហាជនទេ នេះគេហៅថា ពេលគេធ្លាក់យកមុខខ្លួនអែងល្អ មនុស្សបែបនេះគេមិនហៅថា ជាមនុស្សល្អទេ គេហៅថាជាមនុស្សអាត្មានិយម ហើយខ្ញុំចង់ប្រាប់ពូថា ខ្ញុំមិនមែនតារាចម្រៀងល្បី ច្រៀងដូចអានអក្សរសល់ពីសម័យមុន ឬជំនាន់មុនដូចពូទេ ខ្ញុំគ្រាន់តែចូលចិត្តច្រៀង ហើយធ្វើអ្វីដែលខ្ញុំចូលចិត្ត ហើយឈប់ទើស ឬរិះគន់ខ្ញុំទៀត ប្រយ័ត្នកម្មពារវាឆ្លងកូនពូ កើតមកអត់គ្រប់ទឹក ឬកើតមកពិការដៃជើង ឬក៏ពិការទាំងខួរក្បាលទៀត»។
ក្រោយការបង្ហោះសារវា.យបកពីកញ្ញា រ៉ូស ខាងលើនេះ អតីតតារាចម្រៀងលោក ឃុំ ប៉ុណ្ណាដែត បានបញ្ចេញសំណេរបង្ហោះលើបណ្តាញសង្គមទៅតារាសម្តែងស្រីរូបនេះវិញថា »បងអត់មានថាឱ្យប្អូនដោយចំទេ គឺបងនិយាយជារួម បងក៏មិនមានចេតនាជាន់ពន្លិចប្អូនទេ ជាការពិតគោលដៅបង គឺចង់លើកតម្លៃតារារៀមច្បងដែលគេប្រឹងប្រែងសាងកេរ្តិ៍ឈ្មោះ ហើយបងនិយាយនេះ គឺដើម្បីអោយប្អូនៗទាំងអស់គ្នាពង្រឹងសមត្ថភាពខ្លួន។ តែបែរជាប្អូនមកជេរបង សែនពិបាកស្តាប់ ប្អូនយកអីមកគិត?»។
លោកបញ្ជាក់ថា «ប្អូនគួរតែទុកបងជាតារារៀមច្បងរបស់ប្អូន ហើយអោយតម្លៃបងផង យល់ទេប្អូនស្រី។ ចង់ក្លាយខ្លួនជាតារាគេរៀបចំខ្លួន និងការនិយាយស្តីបែបណាខ្លះ»។
គួររំលឹកផងដែរថា ៖ អតីតតារាចម្រៀង ឃុំ ប៉ុណ្ណាដែត ប៉ះសម្តីគ្នាជាមួយកញ្ញា រ៉ូស ផ្អើលពេញបណ្តាញសង្គម ៕
ចែករំលែកព័តមាននេះ