អតីតតារាចម្រៀងលោក ឃុំ ប៉ុណ្ណាដែត បានប៉ះសម្តីគ្នាជាមួយនឹងតារាសម្តែង រ៉ូស ធ្វើឱ្យភ្ញាក់ផ្អើលពេញបណ្តាញសង្គម បន្ទាប់ពីលោក ឃុំ ប៊ុណ្ណាដែត បានលូកមាត់ចូលជាយោបល់ពាក់ព័ន្ធនឹងរឿងរ៉ាវរបស់តារាសម្តែងស្រីរូបនេះ ដែលបង្ហោះរូបនៅ
រាជធានីភ្នំពេញ ៖ អតីតតារាចម្រៀងលោក ឃុំ ប៉ុណ្ណាដែត បានប៉ះសម្តីគ្នាជាមួយនឹងតារាសម្តែង រ៉ូស ធ្វើឱ្យភ្ញាក់ផ្អើលពេញបណ្តាញសង្គម បន្ទាប់ពីលោក ឃុំ ប៊ុណ្ណាដែត បានលូកមាត់ចូលជាយោបល់ពាក់ព័ន្ធនឹងរឿងរ៉ាវរបស់តារាសម្តែងស្រីរូបនេះ ដែលបង្ហោះរូបនៅលើគ្រែជាមួយបុរសម្នាក់ ហើយចោ.ទប្រកាន់ករណីរំលោ.ភ។
រឿងរ៉ាវខាងលើមួយនេះ បានធ្វើមហាជន ជាពិសេសបណ្តាអ្នកលេងហ្វេសប៊ុកមានការភ្ញាក់ផ្អើលយ៉ាងខ្លាំង ខណៈពេលចង្កោមសិល្បៈមួយចំនួនក៏បានចេញមុខរិះគន់ចំៗទៅលើកញ្ញា រ៉ូស ផងដែរថា «បើតាំងខ្លួនជាតារា នាងមិនគួរបង្ហាញរឿងអាស្រូវខ្លួនជាសាធារណៈបែបនេះឡើយ»។
តួយ៉ាងសម្រាប់ អតីតតារាចម្រៀងលោក ឃុំ ប៉ុណ្ណាដែត ក៏បានចេញមុខជាយោបល់ទៅកាន់រឿងខាងលើនេះដែរថា «ពាក្យថា តារា គេខំការពារកេរ្តិ៍ឈ្មោះណាស់ គេមិនដែលបើកចំហរ ឬហែកកេរ្តិ៍ខ្លួនឯងទេ។ ខ្ញុំសូមសំណូមពរបងប្អូន និងអ្នកសារព័ត៌មានទាំងអស់ មុននឹងអោយតម្លៃតួណាម្នាក់ ឬក៏អ្នកចម្រៀងណាម្នាក់ជាតារា សូមជួយគិតផងថា តើគាត់ស្ថិតក្នុងលំដាប់ណា? បើមិនដូចច្នោះទេ គឺខូចឈ្មោះតារារៀមច្បងចាស់ៗ និងតារាដែលគេខំសាងប្រជាប្រិយភាពអស់ហើយ»។
តាមរយៈពាក្យសម្តីខាងលើនេះ បានធ្វើអោយកញ្ញា រ៉ូស សម្តែងការមិនពេញចិត្ត ដោយក្នុងនោះនាងក៏ធ្វើការវា.យបកដោយពាក្យសម្តីធ្ងន់ៗទៅកាន់លោក ឃុំ ប៉ុណ្ណាដែត វិញដែរ។ ហើយនាងបានបង្ហោះសារនៅលើបណ្តាញសង្គមថា «ឃើញគេធ្លាក់ទឹក ជាន់គេ យកខ្លួនឯងល្អ ពូកែរិះគន់គេ ប្រមា.ថមើលងា.យគេ ប្រយ័ត្នកម្មពារធ្លាក់ដល់កូន»។
ខណៈពេលនោះនាងក៏បានប្រើពាក្យពេចន៍ជេរប្រមា.ថ ដោយសម្តីអសុរមួយចំនួនទៀត ជាការវា.យបកមកលើលោក ឃុំ ប៉ុណ្ណាដែត ផងដែរ។ ដោយកញ្ញា រ៉ូស បានបន្ថែមថា «បើតាំងខ្លួនថា ជាតារារៀមច្បង ជាមនុស្សល្អ គួរតែហៅទៅប្រាប់ ឬហៅទៅប្រដៅស្ងាត់ស្ងាត់ ឬត.ទល់នឹងមុខ។ ហើយមនុស្សនិយាយគ្នាស្តាប់បានតើ មិនមែនមកបំបាក់មុខអ្នកដទៃ យកខ្លួនឯងល្អនៅមុខមហាជនទេ។ នេះគេហៅថា ពេលគេធ្លាក់ យកមុខខ្លួនឯងល្អ មនុស្សបែបនេះគេមិនហៅថា ជាមនុស្សល្អទេ គេហៅថាជាមនុស្សអាត្មានិយម។ ហើយខ្ញុំចង់ប្រាប់ពូថា ខ្ញុំមិនមែនតារាចម្រៀងល្បីច្រៀងដូចអានអក្សរសល់ពីសម័យមុន រឬជំនាន់មុនដូចពូទេ ខ្ញុំគ្រាន់តែចូលចិត្តច្រៀង ហើយធ្វើអីដែលខ្ញុំចូលចិត្ត ហើយឈប់ទើស ឬរិះគន់ខ្ញុំទៀត ប្រយ័ត្នកម្មពារវាឆ្លងកូនពូកើតមក អត់គ្រប់ទឹក ឬកើតមកពិការដៃជើង ឬពិការទាំងខួរក្បាលទៀត»។
នាងបញ្ជាក់ថា «និយាយមែន បទចម្រៀងពូសល់ពីជំនាន់មុន អាបទ «ចិត្តស្រី» នឹងច្រៀងដូចគេសូត្រមេលេខ និយាយទៅដូចអានអក្សរស្បថ»។ នាងបន្ថែមថា «ពីមុនខ្ញុំស្លូត អ្នកណាថាអីអោយខ្ញុំ ក៏ខ្ញុំមិនដែលតប.តដែរ តែពេលនេះខ្ញុំប្រែ១០០ដឺក្រេ តែប៉ះខ្ញុំគឺខ្ញុំជេរវិញហើយ មានមាត់ដូចគ្នាតើ ចង់អ្នកណាគាំទ្រ ឬមិនគាំទ្រ ខ្ញុំលែងខ្វល់ហើយ ព្រោះរាល់ថ្ងៃខ្ញុំស៊ីបាយផ្ទះខ្ញុំ»។
ក្រោយការបង្ហោះសារវា.យបកពីកញ្ញា រ៉ូស ខាងលើនេះរួចមក អតីតតារាចម្រៀងលោក ឃុំ ប៉ុណ្ណាដែត ក៏បានបញ្ចេញសំណេរខ្លះបង្ហោះនៅលើបណ្តាញសង្គមទៅតារាសម្តែងស្រីរូបនេះវិញថា «បងអត់មានថាអោយប្អូនដោយចំទេ គឺបងនិយាយជារួម បងក៏មិនមានចេតនាជាន់ពន្លិចប្អូនទេ ជាការពិតគោលដៅបង គឺចង់លើកតម្លៃតារារៀមច្បង ដែលគេប្រឹងប្រែងសាងកេរ្តិ៍ឈ្មោះ ហើយបងនិយាយនេះ គឺដើម្បីអោយប្អូនៗទាំងអស់គ្នាពង្រឹងសមត្ថភាពខ្លួន។ តែបែរជាប្អូនមកជេរបង សែនពិបាកស្តាប់ ប្អូនយកអីមកគិត?»។
លោកបញ្ជាក់ថា «ប្អូនគួរតែទុកបងជាតារារៀមច្បងរបស់ប្អូន ហើយអោយតម្លៃបងផង យល់ទេប្អូនស្រី។ ចង់ក្លាយខ្លួនជាតារាគេរៀបចំខ្លួន និងការនិយាយស្តីបែបណាខ្លះ? យប់នេះ ខ្ញុំនឹងប្រាប់ទៅប្អូន»។ លោក ឃុំ ប៉ុណ្ណាដែត បានបន្ថែមថា «សន្ដានមនុស្សគេមើលតាមកាយវិការ និងការនិយាយស្តី ព្រមទាំងសំណេរ ការនិយាយស្តី ត្រូវតែមានសីលធម៌ ទើបគេគោរព និងអោយតម្លៃ»៕
ចែករំលែកព័តមាននេះ