មហាជន ជាពិសេសបណ្តាអ្នកលេងបណ្តាញសង្គមបានសម្តែងការភ្ញាក់ផ្អើលក្នុងពេលដែលឃើញតារាចម្រៀង ពេជ្រ សោភា បានចេញមុខលើកសរសើរពេញៗមាត់ ដោយមិនលាក់លៀមចំពោះទង្វើល្អៗ និងការយកចិត្តទុកដាក់ចំពោះនាងពីតារាចម្រៀងរួមទ្រនំ គឺលោក
រាជធានីភ្នំពេញ ៖ មហាជន ជាពិសេសបណ្តាអ្នកលេងបណ្តាញសង្គមបានសម្តែងការភ្ញាក់ផ្អើលក្នុងពេលដែលឃើញតារាចម្រៀង ពេជ្រ សោភា បានចេញមុខលើកសរសើរពេញៗមាត់ ដោយមិនលាក់លៀមចំពោះទង្វើល្អៗ និងការយកចិត្តទុកដាក់ចំពោះនាងពីតារាចម្រៀងរួមទ្រនំ គឺលោក ឆន សុវណ្ណរាជ អស់រយៈពេលជាច្រើនឆ្នាំមកនេះ។
ការបញ្ចេញអាម្មណ៍ពិត និងការលើកសរសើរចំពោះលោក ឆន សុវណ្ណរាជ ពីតារាចម្រៀង ពេជ្រ សោភា នាពេលនេះ បានធ្វើឡើងនៅពេលដែលនាង ទើបតែបញ្ចេញសារប្លែកមួយនៅលើបណ្តាញសង្គម ហាក់បីដូចជាចង់បង្ហាញពីការបែកបាក់ជាថ្មីជាមួយគូស្នេហ៍ គឺតារាសម្តែងលោក ឆឹម សក្កដា ។
ជាមួយនឹងរូបថតចាស់ជាមួយតារាចម្រៀងលោក ឆន សុវណ្ណរាជ កាលពីអតីតកាល តារាចម្រៀងនាង ពេជ្រ សោភា ក៏បានភ្ជាប់ជាមួយនឹងសារបង្ហោះតាមបណ្តាញសង្គមថា «ជាមិត្ត តែ u care me ជិត១០ជាងហើយ ការពារគ្នា ខួបខ្ញុំមិនដែលបាត់ u ទេ ពាក្យជូនពរតែងតែមកមុនគេ ទង្វើល្អ ១ដល់១០»។
តាមរយៈសារខាងលើនេះ ធ្វើឱ្យមានការចាប់អារម្មណ៍យ៉ាងខ្លាំងពីផងដែរពីបណ្តាអ្នកគាំទ្ររបស់តារាចម្រៀងនាង ពេជ្រ សោភា ខណៈពេលដែលម្នាក់ៗបានដាក់ជាសំណួរថា តើទំនាក់ទំនងរបស់អ្នកទាំងពីរ អាចក្លាយពីមិត្តភក្តិរួមអាជីពទៅជាគូស្នេហ៍ពិតប្រាកដនាពេលអនាគតដែរឬយ៉ាងណា?។ ទោះជាយ៉ាងណា រហូតមកទល់នាពេលនេះ ទាំង ពេជ្រ សោភា និង លោក ឆន សុវណ្ណរាជ មិនដែលបានបញ្ចេញអារម្មណ៍ពិតណាមួយបញ្ជាក់ថា ទំនាក់ទំនងរបស់ពួកគេលើសពីមិត្តភក្តិនោះឡើយ។
ជាការកត់សម្គាល់ នៅមុនពេលដែលតារាចម្រៀង ពេជ្រ សោភា បានបញ្ចេញសារបង្ហោះនៅលើបណ្តាញសង្គមលើកសរសើរពេញៗមាត់ចំពោះលោក ឆន សុវណ្ណរាជ នាពេលនេះ នាងក៏ធ្លាប់បានបញ្ចេញសារប្លែកៗពាក់ព័ន្ធនឹងជីវិតស្នេហារបស់នាងផងដែរ។ ជាក់ស្តែងកាលពីពេលថ្មីៗនេះ ពេជ្រ សោភា បានបញ្ចេញសារភ្ញាក់ផ្អើលថា «បើមិនអាចទៅមុខជាមួយគ្នាបានទេ ប្តូរឈ្មោះជាមិត្តភក្តិវិញទៅ ទោះយើងបែកគ្នា តែយើងអាចរាប់អានគ្នា យើងទាំងពីរប្រហែលមិនមែនជាគូនឹងគ្នាទេ មិត្តភាពល្អ បងប្រុសល្អ កុំចងគ្នាទាំងដែលយើងគ្មានពេលអោយគ្នា ចងចាំ»។
ជាងនេះទៅទៀត ជាមួយនឹងរូបភាពថត MV ជាមួយគូស្នេហ៍ កឺលោក ឆឹម សក្កដា កាលពីពេលកន្លងទៅ តារាចម្រៀង ពេជ្រ សោភា ក៏បានភ្ជាប់ជាមួយនឹងសារដែរថា «ត្រឹមឈ្មោះជាមិត្តភក្តិនឹងហើយល្អ ឈ្មោះនេះពីរោះ យើងមានសេរីភាពទៀត យ៉ាងណាយើងជាមិត្តល្អ ថ្ងៃមុនថត MV ទេ ចាំខ្ញុំមានស្នេហាមែនទែន ចាំខ្ញុំបង្ហាញមុខ»។
តាមរយៈសកម្មភាពទាំងអស់ខាងលើនេះ គេនៅមិនទាន់ដឹងច្បាស់នៅឡើយទេថា តើចំណងមិត្តភាពក្នុងអាជីពរួមទ្រនំរវាង ពេជ្រ សោភា និងលោក ឆន សុវណ្ណរាជ អាចក្លាយមកជាគូស្នេហ៍នាពេលអនាគតឬយ៉ាងណា? ហើយចំណងស្នេហ៍រាប់ឆ្នាំរវាងនាង និងតារាសម្តែងលោក ឆឹម សក្កដា ពិតជាដល់ផ្លូវបំបែកពិតមែនឬទេ?៕
ចែករំលែកព័តមាននេះ