គូស្នេហ៍របស់តារាចម្រៀងនាង អ៊ីវ៉ា បានដាច់ចិត្តបញ្ចេញរូបភាពច្បាស់ៗរួមគ្នាមួយសន្លឹកជាសាធារណៈហើយ បន្ទាប់ពីអ្នកទាំងពីរតែងតែព្យាយាមលាក់បាំងនូវរូបភាព និងសកម្មភាពខាងក្រៅរួមគ្នានាពេលកន្លងមក ព្រមទាំងទំនាក់ទំនងស្នេហាក្រៅឆាកជាមួយគ្នានាពេល
រាជធានីភ្នំពេញ ៖ គូស្នេហ៍របស់តារាចម្រៀងនាង អ៊ីវ៉ា បានដាច់ចិត្តបញ្ចេញរូបភាពច្បាស់ៗរួមគ្នាមួយសន្លឹកជាសាធារណៈហើយ បន្ទាប់ពីអ្នកទាំងពីរតែងតែព្យាយាមលាក់បាំងនូវរូបភាព និងសកម្មភាពខាងក្រៅរួមគ្នានាពេលកន្លងមក ព្រមទាំងទំនាក់ទំនងស្នេហាក្រៅឆាកជាមួយគ្នានាពេលកន្លងមកនេះ។ មិនត្រឹមតែបញ្ចេញរូបភាពច្បាស់ៗបង្ហាញពីសកម្មភាពនៃការស្រឡាញ់ និងការយកចិត្តទុកដាក់ចំពោះគ្នាប៉ុណ្ណោះទេ ប៉ុន្តែគូស្នេហ៍របស់ អ៊ីវ៉ា ក៏បានភ្ជាប់ជាមួយនឹងសំណេរប្រកបដោយពាក្យពេចន៍បង្ហាញក្តីស្រឡាញ់យ៉ាងចាក់ដោតទៅកាន់តារាចម្រៀងស្រីរូបនេះថែមទៀតផង។
គូស្នេហ៍របស់តារាចម្រៀង អ៊ីវ៉ា ដែលត្រូវគេស្គាល់ឈ្មោះថា គឺលោក លី សេងហួរ បានបញ្ចេញរូបភាពកំពុងចងស្បែកជើងអោយស្រីស្រស់ អ៊ីវ៉ា អមជាមួយនឹងសំណេរបង្ហោះតាមហ្វេសប៊ុកថា «សួរថា ហេតុអ្វីខ្ញុំអាចធ្វើរឿងទាំងអស់នេះបាន…? – ជាជំនួយការ, – អ្នកប្រឹក្សា, – ជា Admin, – ជាអ្នកថតរូប, – ជាអ្នកបើកឡាន, – ជាអង្គរក្ស, – ជាអ្នកចាក់ភ្លេង, – ជាអ្នកបំពេញបំណង, – ជាអ្នកធ្វើអោយសប្បាយចិត្ត, – ជាចុងភៅ, – ជាអ្នកដឹងគ្រប់រឿងទាំងល្អ និងអាក្រក់, – ជាអ្នកឃើញស្នាមញញឹម និងទឹកភ្នែក, – ជាអ្នកផ្តល់យោបល់, – ជាអ្នកស្តាប់ឃ្មុំ (រអ៊ូ), – ជាអ្នកទទួលខុសត្រូវ, – ជាអ្នកមើលថែទាំ …»។-។
លោកបញ្ជាក់ថា «ចម្លើយ គឺព្រួយបារម្ភ មិនចង់អោយនាងពិបាក ហត់នឿយ គិតច្រើន ខាតពេលវេលា ក្តៅស្អុះស្អាប់ មិនសប្បាយចិត្ត អ្វីដែលអាចធ្វើបានខ្ញុំនឹងធ្វើ ទោះការធ្វើនោះត្រូវចិត្តខ្លះ មិនត្រូវចិត្តខ្លះ អន់ចិត្តខ្លះ ខឹងខ្លះ ពិបាកចិត្តខ្លះ មិនសមបំណងខ្លះ យំខ្លះ… ក៏ដោយ។ តែអ្វីៗសុទ្ធតែជារឿងល្អ ដែលមិនបានក្បត់ មិនកុហក មិនលាក់លៀម ធ្វើចេញដោយភាពស្មោះត្រង់…»។
ជាការកត់សម្គាល់ នេះចាត់ទុកថា ជាលើកដំបូងហើយ ដែលគូស្នេហ៍របស់តារាចម្រៀង អ៊ីវ៉ា ព្រមបញ្ចេញអារម្មណ៍ពិតរបស់ខ្លួនបង្ហាញពីក្តីស្រឡាញ់ដ៏ស្មោះស្ម័គ្រចំពោះតារាចម្រៀងរូបនេះ។ យ៉ាងណានិយាយពីរឿងគូស្នេហ៍នេះ រហូតមកទល់នាពេលនេះ តារាចម្រៀងនាង ឃីន ស្រីនាថ ហៅ អ៊ីវ៉ា មិនដែលចេញមុខសារភាព ឬទទួលស្គាល់ថា ខ្លួនកំពុងមានម្ចាស់ចិត្តដែលបានសាងទំនាក់ទំនងស្នេហ៍ជាមួយបុរសខាងលើអស់រយៈពេលជាច្រើនឆ្នាំនោះឡើយ។ ប៉ុន្តែនាងក៏មិនធ្លាប់ចេញមុខបដិសេធចំពោះការចុះផ្សាយពីបណ្តាសារព័ត៌មាននៅស្រុកនានាជុំវិញចំណងស្នេហ៍របស់នាង និងលោក សេង លីហួរ ដែលជាម្ចាស់ក្លិបបាល់ទាត់មួយក្នុងខេត្តសៀមរាបនាពេលនេះដែរ។
ដោយឡែក អ្វីជាការកត់សម្គាល់ទៀតនោះ ពាក់ព័ន្ធរឿងមួយនេះ តារាចម្រៀងលោក កែវ វាសនា ក៏ធ្លាប់ព្រលយពាក្យនៅលើបណ្តាញសង្គមដែរថា «អ៊ីវ៉ា ជិត បានប្តីហើយ»។ ក្នុងពេលដែលមហាជនបានឃើញការបង្ហោះសំណេរមួយនេះពីលោក កែវ វាសនា ក៏បាននាំគ្នាចូលទៅធ្វើការខំមិន ដោយម្នាក់ៗបានចូលរួមសម្តែងការអបអរសាទរចំពោះ អ៊ីវ៉ា គ្រប់ៗគ្នា។
ទោះជាយ៉ាងណា ពាក្យមួយនេះក៏ត្រូវបាន អ៊ីវ៉ា ធ្វើការចែកចាយបន្ត ដោយភ្ជាប់ជាមួយនឹងសំណេរឆ្លើយតបថា «ឱ! បងស្នាអើយជាកំហុសអ្នកណា…? ហេតុអ្វីគេនាំគ្នាអបអរសាទអោយខ្ញុំមានប្ដីម្ល៉េះ Comment សុទ្ធតែ Congratulations កំពុងតែគិតថា គួរឬមិនគួរ បើមនុស្សមិនទាន់ចង់បានប្ដីផងនឹង សុំ Single ៥ឆ្នាំទៀតសិន»៕
ចែករំលែកព័តមាននេះ