តារាកំប្លែងនាង ណាំ វ៉ា បានចេញមុខបកស្រាយប្រាប់មហាជនអោយដឹងច្បាស់ៗ ក្រោយពីមានស្ត្រីម្នាក់ទម្លាយរឿងរ៉ាវថា នាងបានដណ្តើមប្តីគេ ក្នុងពេលដែលរឿងរ៉ាវមួយនេះ បង្កអោយមានការភ្ញាក់ផ្អើលយ៉ាងខ្លាំងនៅលើបណ្តាញសង្គម។ ហើយស្ត្រីម្នាក់ដែលចេញមុខមកប្រកាសនៅលើបណ្តាញសង្គមនោះ បានលើកឡើងថា
រាជធានីភ្នំពេញ ៖ អតីតតារាកំប្លែងនាង ណាំ វ៉ា បានចេញមុខបកស្រាយប្រាប់មហាជនអោយដឹងច្បាស់ៗ ក្រោយពីមានស្ត្រីម្នាក់ទម្លាយរឿងរ៉ាវថា នាងបានដណ្តើមប្តីគេ ក្នុងពេលដែលរឿងរ៉ាវមួយនេះ បង្កអោយមានការភ្ញាក់ផ្អើលយ៉ាងខ្លាំងនៅលើបណ្តាញសង្គម។ ហើយស្ត្រីម្នាក់ដែលចេញមុខមកប្រកាសនៅលើបណ្តាញសង្គមនោះ បានលើកឡើងថា «តារាកំប្លែងនាង ណាំ វ៉ា បានលួចលាក់សា.ហា.យស្មន់ជាមួយប្តីគេ និងបានឆាតមកប្រពន្ធគេអោយផ្តឹតមេដៃលែងលះ និងចែកទ្រព្យគ្នាថែមទៀតផង»។
ស្ត្រីខាងលើនេះដែរ មានឈ្មោះតាមគណនីហ្វេសប៊ុក «Pechvann Ny» បានបង្ហោះសារថា «ជាតារាកំប្លែងមួយរូបក្នុងសង្គមសិល្បៈមួយដែរ ប្រើសម្តីអសុរ លួ.ចសា.ហា.យស្មន់ជាមួយប្តីគេ ហើយឆាតមកប្រពន្ធពេញច្បាប់អោយផ្តិតមេដៃលែងលះ ចែកទ្រព្យអោយវាទៀត ល្មមៗ បានហើយ»។ នាងបញ្ជាក់ថា «នាងឈ្មោះ (សន ស្រីលីន) ហៅណាំវា រូបរាងស្អាតបាតដែរ តែគ្មានសមត្ថភាពរកប្តីខ្លួនឯង ចាំយកតែរបស់គេស្រាប់ សម្បត្តិត្រឹមស្រីស៊ីអោយលុយៗសោះខ្លាំងម្ល៉េះនាង ប្តីប្រពន្ធខ្ញុំ លែងមិនលែងជារឿងរបស់ខ្ញុំ ចាំទៅនាង លឺហើយចង់តែសើច ហាស ហាស ជួយស៊ែរផងបងប្អូនអោយគេដឹងពីចរិតសន្ដានគាត់»។
យ៉ាងណាជុំវិញរឿងរ៉ាវខាងលើនេះ កាលពីថ្ងៃទី១៦ ខែកក្កដា ឆ្នាំ២០២៣ គេក៏បានឃើញអតីតតារាកំប្លែងនាង ណាំ វ៉ា បានចេញមុខធ្វើការបកស្រាយប្រាប់មហាជន ក៏ដូចជាធ្វើការឆ្លើយតបទៅកាន់ស្ត្រីខាងលើនេះវិញដែរ។
អ្នកនាង ណាំ វ៉ា បានបង្ហោះសារនៅលើបណ្តាញសង្គមថា «ឆ្លើយតបទៅកាន់បងស្រី Pechvann Ny ផងដែរ មានមនុស្សជាច្រើនដែលចង់ដឹងរឿងរបស់ពួកខ្ញុំ ហើយពួកខ្ញុំមិនទម្លាប់យករឿងដែលអវិជ្ជមានបង្ហាញនៅលើបញ្ដាញសង្គមទេ»។ នាងបញ្ជាក់ថា «ពួកខ្ញុំខំស្ងាត់កន្លងមក ក៏ដោយសារតែគិតថា រឿងរបស់ពួកខ្ញុំ អ្នកណាខុស អ្នកណាត្រូវ ក៏ជារឿងរបស់ពួកខ្ញុំ ជីវិតរបស់ពួកខ្ញុំ កាពិតបែបណា វានៅតែខុសហើយក៏ជារឿងពិត ហើយដោះស្រាយសម្រាប់ពួកខ្ញុំចុះ»។
នាងថា «រយៈពេលជាយូមកហើយ រហូតខ្ញុំពពោះ និងជិតគ្រប់ខែ ចម្លែកអីបងស្រីនៅសុខៗយករឿងមួយនេះ មកវែកញ៉ែក រកហេតុផលនៅពេលនេះទៅវិញ។ បងស្រីនិយាយថា ខ្ញុំទៅឌឺដងបងស្រី ទៅជួលអីណា សម្លា.ប់អី ខ្ញុំអត់ដឹង ហើយខ្ញុំធ្វើអីបានទាំងដែលខ្ញុំពពោះនៅតែផ្ទះមិនបានដឹងអ្វីសោះ។ ជីវិតមួយរស់ៗនឹង តែបែរជាបងស្រីមកវា.យប្រ.ហា.រ ខ្ញុំចំមុខតែម្ដង» ។
នាងបន្ថែមថា «បងស្រីដឹងលឺច្បាស់ណាស់ទៅហើយថា រឿងនឹងវាបែបណាខ្លះរវាងខ្ញុំ និងគ្រួសារបងស្រី ចឹងហើយនៅតែបងស្រីនៅស្ងាត់ៗនៅមកភ្ជាប់ប្រធានបទ យកកូនខ្ញុំចូលមកទៀត។ ខ្ញុំបញ្ជាក់ប្រាប់បងស្រីដោយបើកចំហរដែរចុះថា ទោះកូនខ្ញុំមិនមែនសាច់ឈា.មគ្រួសារបង ឬក៏អត់? យ៉ាងណាគ្នាក៏ជាកូនរបស់ខ្ញុំ បងស្រីមិនអោយខាងគ្រួសារបងទទួលស្គាល់កន្លងមកនេះ ក៏ខ្ញុំអត់បានទៅសុំស្រែកទាមទារអ្វីដែរ សំខាន់ខ្ញុំមានទំនួលខុសត្រូវសម្រាប់ក្មេងហើយថា ខ្ញុំដើរតួជាម្ដាយគេបានល្អដល់កំរឹតណា ខ្ញុំដាច់ខាតមិនអាចបោះបង់ក្មេងដែលមិនដឹងអីចោលទេ។ ខ្ញុំបញ្ចប់ ឬនៅ គឺបងប្រុសគាត់សុំតែអោយសំរាលកូនអោយហើយៗចុះ រួចបញ្ចប់ដោយស្ងប់ស្ងាត់ ព្រោះរឿងមួយនេះវាខុសខ្លាំងទៅហើយ ខ្ញុំនិងគាត់បានដោះស្រាយគ្នា ហើយសូមបញ្ចប់នៅពេលនេះចុះ ឈប់យកខ្ញុំនិងកូនខ្ញុំទៅវែកញ៉ែកក្នុងរឿងនឹងទៀតទៅ សូមបញ្ចប់ប្រធានបទម៉ែកូនខ្ញុំទៅ កុំអោយពួកខ្ញុំក្លាយទៅជាជនជាប់ចោទទៅវិញ។ ក្នុងរឿងមួយនេះដែរ ខ្ញុំនិងកូនក៏ជាអ្នករងគ្រោះមួយដែរ ខ្ញុំក៏ឈឺចាប់កន្លងមក ក៏វាគ្រប់គ្រាន់ពេកហើយដែរ បញ្ចប់ទៅ ជេរខ្ញុំបែបណាក៏តាមចិត្ត តែសុំកុំជេរក្មេងដែលគ្នាមិនដឹងអី គ្មានអ្នកណាម្នាក់ចង់មានរឿងឈឺក្បាល ហើយពួកខ្ញុំក៏មិនទម្លាប់ចង់ល្បីដោយសាររឿងមិនល្អដែរ»។
បើតាមនាង ណាំ វ៉ា ថា «ខ្ញុំពិតជាសោកស្ដាយនូវកំហុសរបស់ខ្ញុំដែលធ្វើជាម្ដាយគេមិនបានល្អ ហើយអោយគេលើកយកកូនមកធ្វើជាប្រធានបទបែបជេរពេបជ្រាយគាត់ ទាំងដែលគាត់មិនទាន់ដឹងអី។ សូមបញ្ចប់ ហើយពាក្យបងស្រីនិយាយដោយចោទមកខាងខ្ញុំ នាងខ្ញុំមិនទទួលស្គាល់ជាដាច់ខាត ព្រោះខ្ញុំមិនបាននិយាយ និងធ្វើអីទាំងអស់»។
តាមរយៈបទសម្ភាសន៍ជាមួយសារព័ត៌មានកោះសន្តិភាព អ្នកនាង សន ស្រីលីន ហៅណាំវ៉ា ក៏បានធ្វើការបកស្រាយដែរថា «នៅពេលនេះ នាងខ្ញុំ សន ស្រីលីន សុំតបទៅម្ចាស់អាខោន Penhvann Ny ថា សម្រាប់គ្រប់រឿងមួយនេះ បងស្រីដឹងច្បាស់ណាស់ បងដឹងហើយទទួលស្គាល់។ ហើយបងស្រីក៏ដឹងលឺចំពោះរឿងមួយនេះ រហូតដល់ខ្ញុំសែន បងស្រីក៏ដឹងច្បាស់ណាស់ថា សែនថ្ងៃណាខែណា មកដល់ពេលនេះ។ តែចុងក្រោយ បងស្រីបែរជាចោទថា នាងខ្ញុំលួ.ចសា.ហា.យស្ម.ន់ជាមួយប្ដីបងស្រីទៅវិញ ចឹងអ្វីដែលបងស្រីដឹងលឺ បែបណាវិញបង? រហូតខ្ញុំមានកូន បងស្រីបែរជាមករករឿងខ្ញុំទៅវិញ។ សម្រាប់ពាក្យសម្ដី បងស្រីឆាតមកនាងខ្ញុំនិយាយស្រួលបួលទេ តែចុងក្រោយប៉ះសម្ដីគ្នា បងស្រីលុបចោលទុកតែសំឡេងដែលខ្ញុំជេរបងស្រី ហើយបងស្រីក៏អោយបងប្អូនអេតមកនាងខ្ញុំ ដោយមានការជេរគ្រប់បែបយ៉ាង ចឹងខ្ញុំសុំសួរទៅបងស្រីថា តើបងចង់បានអ្វី? បងអត់តបទេ ស្រាប់តែបងស្រីផុសយកតែម្តង ដោយមិនមានខ្ញុំ និងគ្រួសារខាងបងស្រីសោះ»។
អ្នកនាង សន ស្រីលីន ហៅណាំវ៉ា បកស្រាយបន្តថា «មួយទៀតពាក្យប្ដឹង តើមានទេថា បងស្រីហៅខ្ញុំ ឬគ្រួសារបងស្រីទៅនិយាយថា អោយឈប់ពាក់ព័ន្ធ? ដូចជា ខ្ញុំមិនបានទទួលសោះ ហើយបងស្រីមានតែក្រដាសផ្ដិចមេដៃតែម្នាក់ឯង បែបនេះ? ខ្ញុំបានជាជ្រុលជាដើរផ្លូវនឹងខុសហើយ ខ្ញុំអត់ខ្លាចនឹងរស់នៅការពិតទេ តែសុំចិត្តបងស្រីនិយាយអ្វីកុំលាបពណ៌អោយខាងខ្ញុំអាក្រក់ពេក ខ្ញុំសុំអ្វីដែលជាកាពិតទៅ ការពិតមកទេ»។
បន្ថែមពីនេះ អ្នកនាង ណាំវ៉ា ក៏សុំចិត្តដល់សារព័ត៌មានក្នុងស្រុក ដែលបានចុះពីអ្នកនាង សូមធ្វើការសួរខ្លួនអ្នកនាងផង ព្រោះរឿងដែលបានចុះផ្សាយកាលពីមក វាដូចជាប៉ះពាល់ជីវិតឯកជនរបស់អ្នកនាងជាខ្លាំង។
គួរបញ្ជាក់ផងដែរថា អ្នកនាង ណាំវ៉ា ក៏បានឈប់ពីសិល្បៈហើយដែរ ដោយនាពេលនេះ អ្នកនាង ណាំវ៉ា គ្រាន់តែប្រកបរបរកស៊ីធម្មតាតែប៉ុណ្ណោះ។ ហើយរាល់បញ្ហាខាងលើ អ្នកនាងសុំបញ្ចប់ត្រឹមនេះ ព្រោះអ្នកនាងពុំចង់អោយប៉ះដល់កូនក្នុងផ្ទៃ ជាពិសេសសូមកុំអោយយកកូនមកពាក់ព័ន្ធក្នុងរឿងមួយនេះ៕ ដោយ ៖ សុខ វាសនា + លីហួ គីមឆាយ
ចែករំលែកព័តមាននេះ