តារាសម្តែងជើងចាស់អ្នកនាង ច័ន្ទ តារាទី បានទម្លាយរឿងរ៉ាវដ៏ហួសចិត្តមួយជាមួយតារាសម្តែងរួមជំនាន់ គឺលោក ទេព រិន ដារ៉ូ ក្រោយពីអ្នកទាំងបានចាប់អាជីពសិល្បៈអស់រយៈពេលជាច្រើនឆ្នាំមកនេះ
រាជធានីភ្នំពេញ ៖ តារាសម្តែងជើងចាស់អ្នកនាង ច័ន្ទ តារាទី បានទម្លាយរឿងរ៉ាវដ៏ហួសចិត្តមួយជាមួយតារាសម្តែងរួមជំនាន់ គឺលោក ទេព រិន ដារ៉ូ ក្រោយពីអ្នកទាំងបានចាប់អាជីពសិល្បៈអស់រយៈពេលជាច្រើនឆ្នាំមកនេះ។
រឿងរ៉ាងដ៏ហួសនោះ ត្រូវបានអ្នកនាង ច័ន្ទ តារាទី បញ្ជាក់ថា «រូបអ្នកនាងមិនដែលបានឱបគ្នានៅក្រៅឆាកម្តងណាឡើយ បន្ទាប់ពីការថតភាពយន្តចប់មួយរឿងៗ»។ ហើយជាមួយរូបថតឱបរឹតគ្នានៅក្រៅឆាកមួយសន្លឹកនឹង បានបង្ហោះនៅលើបណ្តាញសង្គម ត្រូវអ្នកនាង ច័ន្ទ តារាទី ភ្ជាប់ជាមួយនឹងសារថា «សុំឱបបង្អួតក្មេងៗបន្តិចចុះ»។ អ្នកនាងបញ្ជាក់ថា «កាលនៅពីក្មេង ថតចប់មិនដែលបានឱបគ្នាទេ ដល់ពេលអស់អារម្មណ៍ទើបបានឱបគ្នាលេង»។
យ៉ាងណា បើទោះជាការទម្លាយរឿងរ៉ាវខាងលើនេះពីអ្នកនាង ច័ន្ទ តារាទី ជាការលេងសើច ឬក៏ជាការពិតក៏ដោយ ប៉ុន្តែវាបានធ្វើអោយមហាជនហាក់សម្តែងការភ្ញាក់ផ្អើល និងហួសចិត្តក្នុងពេលដែលអ្នកទាំងពីរបានប្រឡូកក្នុងសិល្បៈអស់ជាច្រើនឆ្នាំទៅហើយ តែមិនដែលបានបង្ហាញភាពស្និទ្ធស្នាលនៅពីក្រោយឆាកទៅវិញ។
ជាការកត់សម្គាល់ រហូតមកទល់នាពេលនេះ ទាំងអ្នកនាង ច័ន្ទ តារាទី និងលោក ទេព រិនដារ៉ូ គឺនៅតែបន្តមានវត្តមានសម្តែងដដែល ខុសពីតារារួមជំនាន់មួយចំនួនដែលបញ្ចប់អាជីពសម្តែងហើយសាងគ្រួសារ និងចេញទៅរស់នៅក្រៅប្រទេស។ បើទោះបីជាវត្តមានរបស់អ្នកទាំងពីរក្នុងបច្ចុប្បន្ននេះត្រឹមជាតួម្តាយ និងឪពុកក៏ដោយ ប៉ុន្តែអ្នកទាំងពីរនៅតែអាចទាក់ទាញផលិតករហៅអោយមកចូលរួមសម្តែងជាបន្តបន្ទាប់ស្ទើរមិនដាច់សូរឡើយ។
ជាក់ស្តែងអ្នកនាង ច័ន្ទ តារាទី និងលោក ទេព រិនដារ៉ូ ក៏បានបង្ហាញវត្តចូលរួមសម្តែងនៅក្នុងរឿង «កូនប្រុសក្រោមពន្លឺព្រះចន្ទពេញបរមី» ដែលជាភាពយន្តប្រវត្តិសាស្ត្ររៀបរាប់ពីដំណើរតស៊ូរបស់សម្តេចតជោ និងសម្តេចកិត្តិព្រឹត្តបណ្ឌិត ខណៈពេលភាពយន្តនេះ កំពុងតែចាក់ផ្សាយនៅលើកញ្ចក់ទូរទស្សន៍បាយ័នផងដែរ៕
ចែករំលែកព័តមាននេះ