តារាសម្តែងអ្នកនាង ព្រំ រដ្ឋា បានសម្រេចចិត្តចេញទៅរស់នៅសហរដ្ឋអាមេរិកវិញហើយ បន្ទាប់ពីផ្ទុះរឿងនាងជំពាក់គេជុំទិស ដោយមិនទាន់ទូទាត់សងគេអស់នៅឡើយ។ ហើយនៅមុនពេលចាកចេញទៅរស់នៅ
រាជធានីភ្នំពេញ ៖ តារាសម្តែងអ្នកនាង ព្រំ រដ្ឋា បានសម្រេចចិត្តចេញទៅរស់នៅសហរដ្ឋអាមេរិកវិញហើយ បន្ទាប់ពីផ្ទុះរឿងនាងជំពាក់គេជុំទិស ដោយមិនទាន់ទូទាត់សងគេអស់នៅឡើយ។ ហើយនៅមុនពេលចាកចេញទៅរស់នៅអាមេរិកពីម្ចាស់ផលិតកម្ម «PR Production» អ្នកនាង ព្រំ រដ្ឋា នាពេលនេះ មានម្ចាស់បំណុល ជាពិសេសតារាសម្តែងជាបន្តបន្ទាប់បានចេញមុខទម្លាយរឿងរ៉ាវពីការជំពាក់លុយមិនសងរបស់អ្នកនាង ព្រំ រដ្ឋា ទាំងការខ្ចីក្រៅផ្លូវការ និងថ្លៃថតកុន។
បើគិតពីចំនួនលុយសរុបដែលអ្នកនាងជំពាក់គេនោះ គឺមានរហូតរាប់សិបម៉ឺនដុល្លារឯណោះ ដែលម្ចាស់បំណុលទាំងអស់បានទាមទារអោយអ្នកនាងចេញមុខសងជាចាំបាច់។
យ៉ាងណាម៉ិញ ក្រោយពេលផ្ទុះរឿងរ៉ាវមួយនេះ គេក៏បានឃើញវត្តមានរបស់អ្នកនាង ព្រំ រដ្ឋា នៅលើទឹកដីសហរដ្ឋអាមេរិក ជាទីដែលនាងបានកសាងគ្រួសារនៅទីនោះយ៉ាងព្រងើយ ដូចមិនមានរឿងអ្វីកើតឡើងឡើយ។ ពេលទៅដល់អាមេរិក អ្នកនាង ព្រំ រដ្ឋា ក៏បានចេញមុខបញ្ជាក់អំពីមូលហេតុមួយចំនួន ដែលនាងសម្រេចចិត្តមករស់នៅលើទឹកដីអាមេរិកនាពេលនេះ ខណៈពេលដែលនាងនៅតែប្រកាន់ជំហរយ៉ាងរឹងមាំក្នុងជីវិត បើទោះមានរឿងរ៉ាវចាក់ស្រះនាពេលនេះក៏ដោយ។
អ្នកនាង ព្រំ រដ្ឋា បានលើកឡើងតាមរយៈវីដេអូឃ្លីបខ្លីមួយថា «នាងមកនៅទីនេះ (អាមេរិក) គឺធ្វើអោយនាងអាចធ្វើការងារបានច្រើន បើសិនជាយើងមិនគិតពីរឿងអវិជ្ជមាន»។ នាងបញ្ជាក់ថា «នៅទីនេះ នាងជឿថា យើងអាចរកលុយបាននៅជុំវិញខ្លួនយើង សំខាន់អោយតែយើងចេះចាប់ឱកាស ពោលគឺវាត្រូវការពេលវេលា និងការខិតខំប្រឹងប្រែង»។ នាងថា «ការត្រឡប់មកវិញរបស់ខ្ញុំនេះ គឺខ្ញុំត្រូវការខិតខំប្រឹងប្រែងខ្លាំងមែនទែន ដោយទី១ ខ្ញុំមានបញ្ហាត្រូវដោះស្រាយ ទី២ ខ្ញុំត្រូវមើលថែកូន និងធ្វើការងាររកលុយ ដូចនេះនាងត្រូវធ្វើការងារច្រើន»។
យ៉ាងណា បើតាមអ្នកនាង ព្រំ រដ្ឋា ថា «បើទោះបីជានាងត្រូវធ្វើការងារច្រើនក៏ដោយ ប៉ុន្តែនាងនៅតែមានកម្លាំងចិត្ត ដូច្នេះភាពនឿយហត់ គឺមិនមានសម្រាប់នាងឡើយ»។
ជាការកត់សម្គាល់ បន្ទាប់ពីធ្លាយរឿងរ៉ាវដ៏ក្តៅគគុកពីការជំពាក់បំណុលគេជុំទិសនោះ អ្នកនាង ព្រំ រដ្ឋា ក៏ធ្លាប់បានចេញមុខមកធ្វើការបកស្រាយខ្លះៗជុំវិញមូលហេតុដែលនាំអោយនាងធ្លាក់ផុងចូលទៅក្នុងរឿងបំណុលវ័ណ្ឌ.កនាពេលនេះ។
អ្នកនាង ព្រំ រដ្ឋា ធ្លាប់បានលើកឡើងថា «រយៈពេល២ឆ្នាំហើយ ដែលខ្ញុំបានបាត់បង់គ្រប់យ៉ាង កិត្តិយស ការងារ ទ្រព្យសសម្បត្តិ សឹងទាំងជីវិត ដោយការទទួលមិនបាន… កូវីដបានបំផ្លាញខ្ញុំ។ ឆ្នាំ២០១៩ ការចាប់ផ្ដើមកូវីដ ទោះមិនទាន់មកដល់ប្រទេសយើង តែយើងគ្រប់គា្នគឺខ្លាច ការងាររបស់ខ្ញុំចាប់ផ្ដើមជួបបញ្ហា ព្រោះតួមួយចំនួនគាត់ខ្លាច ទោះជាយើងមានវិធីការពារ… ខាង TV ក៏តម្រូវអោយខ្ញុំកាត់សាច់ ព្រោះគាត់ខ្លាចខ្ញុំថតមិនចប់ ខណៈរឿងកំពុងតែចាក់ផ្សាយ ទាំងដែលខ្ញុំថតជិតចប់»។
អ្នកនាង ព្រំ រដ្ឋា លើកឡើងបន្តថា «ខ្ញុំចាប់ផ្ដើមខាតបង់ ខ្ញុំតស៊ូធ្វើការងារដែលជាបេះដូងរបស់ខ្ញុំ ទីបំផុតខ្ញុំត្រូវបាត់បង់ការងារមួយនេះនៅចុងឆ្នាំ២០២១ ខាងអ្នកធ្វើការឲ្យទូរទស្សន៍លើកឡើងខ្ញុំធ្វើលើសកុងត្រា៥ខែ ត្រូវបញ្ចប់កុងត្រាទាំងដែលប្រទេសត្រូវបិទក្រុង ចុះការខាតបង់របស់ខ្ញុំដែលគិតថា ចប់កូវីដនឹងប្រឹងប្រែងជាថ្មី ។ ខ្ញុំគិតថា មិននិយាយ តែពេលនេះខ្ញុំមានអារម្មណ៍ថា ហេតុអីពេលដែលយើងស្លូតត្រូវគេធ្វើបាបបែបនេះ? តែយ៉ាងណា ខ្ញុំក៏សូមអរគុណប្អូនស្រី Thyda Pnn ខាងទូរទស្សន៍ PNN ដែលនៅតែផ្តល់ឱកាស និងខ្វល់ខ្វាយពីសុខទុក្ខខ្ញុំ បានផ្តល់ការងារដល់ខ្ញុំ។ ខ្ញុំពិតជាចង់ live និយាយរឿងក្នុងចិត្ត និងភាពអយុត្តិធម៌ដែលខ្ញុំជួបបានបៀមទុក្ខ២ឆ្នាំមកនេះណាស់»៕
ចែករំលែកព័តមាននេះ