តារាចម្រៀងស្រី Lisa ដែលមានឈ្មោះល្បីល្បាញមិនធម្មតា និងត្រូវបានគេស្គាល់យ៉ាងច្បាស់ថា គឺជាសមាជិកក្រុម BLACKPINK នោះ បានក្លាយជាតារា K-pop ដំបូងគេ ដែលមានអ្នក Follow រហូតដល់ទៅ ៩៥លាននាក់ នៅលើគណនី Instagram របស់នាង
ប្រទេសថៃ ៖ តារាចម្រៀងស្រី Lisa ដែលមានឈ្មោះល្បីល្បាញមិនធម្មតា និងត្រូវបានគេស្គាល់យ៉ាងច្បាស់ថា គឺជាសមាជិកក្រុម BLACKPINK នោះ បានក្លាយជាតារា K-pop ដំបូងគេ ដែលមានអ្នក Follow រហូតដល់ទៅ ៩៥លាននាក់ នៅលើគណនី Instagram របស់នាង។
មិនត្រឹមតែប៉ុណ្ណោះ នៅថ្ងៃទី១៧ ខែមិថុនា ឆ្នាំ២០២៣ ស្រីស្អាត Lisa សមាជិកក្រុម BLACKPINK បានឈានដល់ដំណាក់កាលដ៏គួរឱ្យចាប់អារម្មណ៍មួយ ដោយទទួលបានអ្នកគាំទ្រទាំងប្រុសទាំងស្រីចំនួន៩៥លាននាក់ នៅលើប្រព័ន្ធផ្សព្វផ្សាយសង្គមដ៏ពេញនិយម គឺInstagram ។ សមិទ្ធផលមួយនេះ បានពង្រឹងឋានៈរបស់នាង ដែលជាតារា K-pop មានការតាមដានច្រើនជាងគេ និងជាសក្ខីភាពនៃភាពទាក់ទាញ ព្រមទាំងឥទ្ធិពលសកលរបស់នាងផងដែរ។ ជាពិសេស តារាស្រី Lisa មិនត្រឹមតែជាតារា K-pop ដំបូងគេដែលសម្រេចបាននូវសមិទ្ធផលនោះទេ ប៉ុន្តែនាងថែមទាំងលេចធ្លោជាងតារាថៃឯទៀត ដោយរក្សាភាពខុសប្លែកពីគេ ដែលមានអ្នកតាមដានច្រើនជាងគេផងដែរ។
លើសពីនេះ ស្រីស្អាត Lisa បានជាប់ចំណាត់ថ្នាក់លេខ៣ ក្នុងចំណោមតារាអាស៊ី ដែលបង្ហាញពីប្រជាប្រិយភាពដ៏ទូលំទូលាយរបស់នាង ហើយការព្យាករណ៍កំណើនអ្នកតាមដានរបស់នាងឃើញថា នាងនឹងឈានទៅដល់ដំណាក់កាលសំខាន់មួយទៀត ដោយប្រមូលអ្នកតាមដាន ១០០លាននាក់ នៅក្នុងឆ្នាំ២០២៤ខាងមុខនេះ។
ក្រោយពេលឃើញដូច្នេះរួចមក ក៏មានមហាជន ដូចជាអ្នកគាំទ្ររបស់នាងផ្ទាល់ នាំគ្នាចូលទៅបញ្ចេញមតិថា «ខ្ញុំពិតជាមិននឹកស្មានទាល់តែសោះហើយថា Lisa ទទួលបាននៅការគាំទ្របានយ៉ាងច្រើនដល់ថ្នាក់នេះ»។ អ្នកខ្លះទៀតក៏បញ្ចេញមតិថា «សូមចូលរួមអបអរសាទរផងអាយដល ដែលទទួលបានអ្នក Follow អ្នកតាមដានយ៉ាងច្រើនសន្ធឹកសន្ធាប់បែបនេះ»។ ចំណែកអ្នកខ្លះទៀតក៏និយាយដែរថា «នេះអាចនិយាយបានថា ថៃខ្លាំងហើយដែលមានសំណាងក្លាយជាតារាស្រី kpop ដ៏ល្បីឈ្មោះប្រចាំអាស៊ី»។
សូមជំរាបផងដែរថា ស្រីស្អាត Lalisa Manobal កើតនៅ Pranpriya Manobal ក្នុងថ្ងៃទី២៧ ខែមីនា ឆ្នាំ១៩៩៧ ហើយនាងត្រូវគេស្គាល់ថា ជា Lisa គឺជាតារាចម្រៀងរ៉េប តារាចម្រៀង និងជាអ្នករាំជនជាតិថៃ។ មិនត្រឹមប៉ុណ្ណោះ នាងក៏ជាសមាជិកក្រុមចម្រៀងនារីកូរ៉េខាងត្បូង Blackpink ផងដែរ ដែលបានបង្ហាញខ្លួនដំបូងក្រោមផលិតកម្ម YG Entertainment ក្នុងឆ្នាំ២០១៦។
ស្រីស្អាត Lisa បានចេញអាល់ប៊ុមទោលរបស់នាង ក្នុងខែកញ្ញា ឆ្នាំ២០២១ ដែលធ្វើអោយនាងក្លាយជាសិល្បករស្រីដំបូងគេ ដែលលក់អាល់ប៊ុមបាន 736,000 កូពី ក្នុងសប្តាហ៍ដំបូងនៅប្រទេសកូរ៉េខាងត្បូង។ ចំណែកវីដេអូចម្រៀងវិញ បទចម្រៀងដែលនាំមុខគេ មានឈ្មោះ «ដូចគ្នា» បានកត់ត្រាការចូលមើលចំនួន 73.6 លានដង ក្នុងរយៈពេល២៤ម៉ោងនៅលើ YouTube ដែលបង្កើតកំណត់ត្រាសម្រាប់វីដេអូតន្ត្រីមានអ្នកមើលច្រើនបំផុតក្នុងរយៈពេល២៤ម៉ោងដំបូងនៅលើវេទិកា ដោយសិល្បករទោល។ មិនតែប៉ុណ្ណោះ ស្រីស្អាត Lisa បានក្លាយជាសិល្បករ K-pop ដែលមានអ្នកតាមដានច្រើនបំផុតនៅលើ Instagram ចាប់តាំងពីឆ្នាំ២០១៩ផងដែរ៕ ដោយ ៖ សុភា ដានេត
ចែករំលែកព័តមាននេះ