រាជធានីភ្នំពេញ ៖ បន្ទាប់ពីមានសំណើពីរដ្ឋមន្ត្រីក្រសួងការពារជាតិសម្តេចតេជោ ហ៊ុន សែន នាយឧត្តមសេនីយ៍ផុតលេខផ្កាយមាស៥ បានស្នើឱ្យមានការសិក្សាឱ្យបានច្បាស់ជាមួយអ្នកច្បាប់ចំពោះសំណើបង្កើតច្បាប់ស្ដីពីប្រវត្តិសាស្ត្រយោធាថា«យើងអាចធ្វើទៅរួចឬទេ?»។ ការលើកឡើងរបស់សម្តេចតេជោ ហ៊ុន សែន…
រាជធានីភ្នំពេញ ៖ បន្ទាប់ពីមានសំណើពីរដ្ឋមន្ត្រីក្រសួងការពារជាតិសម្តេចតេជោ ហ៊ុន សែន នាយឧត្តមសេនីយ៍ផុតលេខផ្កាយមាស៥ បានស្នើឱ្យមានការសិក្សាឱ្យបានច្បាស់ជាមួយអ្នកច្បាប់ចំពោះសំណើបង្កើតច្បាប់ស្ដីពីប្រវត្តិសាស្ត្រយោធាថា«យើងអាចធ្វើទៅរួចឬទេ?»។
ការលើកឡើងរបស់សម្តេចតេជោ ហ៊ុន សែន បន្ទាប់ពីមានសំណើរបស់សម្តេចពិជ័យសេនា ទៀ បាញ់ ធ្វើឡើងក្នុងឱកាសអញ្ជើញជាអធិបតីក្នុងពិធីខួបអនុស្សាវរីយ៍ខួបទី៤៦ ទិវានៃការចងចាំដំណើរឆ្ពោះទៅផ្តួលរំលំរបបប្រល័យពូជសាសន៍ប៉ុល ពត (២០ មិថុនា ១៩៧៧- ២០ មិថុនា ២០២៣ )នាព្រឹកថ្ងៃទី២០ ខែមិថុនា នៅក្រសួងការពារជាតិ ។
ថ្លែងក្នុងពិធី សម្តេចតេជោ ហ៊ុនសែន បានគូសបញ្ជាក់យ៉ាងដូច្នេះថា ៖«ឆ្លើយតបសំណូមពរទាំងប្រាំរបស់សម្ដេចពិជ័យសេនា ទៀ បាញ់ ជាទូទៅជាគោលការណ៍ខ្ញុំយល់ស្រប ប៉ុន្តែចំណុចទី៣ ទាក់ទិននឹងការស្នើបង្កើតច្បាប់ស្ដីពីប្រវត្តិសាស្ត្រយោធាខ្ញុំស្នើឱ្យសិក្សាជាមួយអ្នកច្បាប់ថា យើងអាចធ្វើទៅរួចឬទេ?» ។
ជាមួយគ្នានោះដែរ សម្តេចតេជោ ហ៊ុន សែន បានលើកឡើងថា ៖កម្រិតការចេញអនុក្រឹត្យសម្រាប់កំណត់តំបន់ប្រវត្តិសាស្ត្រយោធា គឺយើងអាចធ្វើទៅបាន ។ ការសុំអនុសាសន៍ធ្វើសួនប្រវត្តិកាលនៃវិមានឈ្នះឈ្នះ នៅតាមបណ្តាខេត្តយើងអាចធ្វើបាន ។ យើងអាចរៀបចំជាសួនកម្សាន្តសម្រាប់ប្រជាពលរដ្ឋហើយវាមិនថ្លៃហួសដែលយើងអាចធ្វើបាន ។
ឯការរៀបចំតំបន់ប្រវត្តិសាស្ត្រយោធា នៅយោធភូមិភាគ១ យោធភូមិភាគ២ ក៏ជា ការរៀបចំដែលយើងអាចធ្វើទៅបាន តែយើងអាចសិក្សាឱ្យបានទូលំទូលាយជាងនេះទៀត ។ ព្រោះនៅប្រទេសរបស់យើងស្ថានភាពយោធាមិនត្រឹមវា.យជាមួយខ្មែរក្រហមនោះទេ ។ប្រវត្តិរបស់យោធារបស់យើង គឺមានចាប់ផ្ដើមតាំងពីរដ្ឋប្រហារយោធាថ្ងៃទី១៨ មីនា ១៩៧៥ ។ យើងគួរពង្រីកការសិក្សានេះ ឱ្យគ្របដណ្ដប់ទៅលើទិដ្ឋភាពទាំងមូលបានឬទេ?។
សម្ដេចតេជោ នាយករដ្ឋមន្ត្រីបានបន្តថា គួរទុកលទ្ធភាពឱ្យគណៈកម្មការធ្វើការសិក្សាបន្តទៀត ព្រោះយើងចង់និយាយពីដើមដល់ចប់អំពីស្ថានភាពយោធានៅក្នុងប្រទេសរបស់យើងនាពេលកន្លងទៅនេះ ដើម្បីងាយស្រួលយើងឯកភាពគ្នា ។ កន្លងមកយើងបានជ្រើសរើសយកថ្ងៃទី៩ វិច្ឆិកា ឆ្នាំ១៩៥៣ ជាថ្ងៃបង្កើតកងយោធពលខេមរភូមិន្ទ គឺយកថ្ងៃឯករាជ្យចេញពីអាណានិគមនិយមបារាំងធ្វើជាថ្ងៃកំណើត កងយោធពលខេមរភូមិន្ទ ។ ក៏ប៉ុន្តែប្រវត្តិនៃការបង្កើតកងទ័ពនៃភាគីនីមួយៗ គឺខុសៗគ្នា ៕
ចែករំលែកព័តមាននេះ