ថ្មីៗនេះ តារាស្រី Bow Maylada បើកបង្ហាញនៅរឿងរ៉ាវខ្លះៗ រហូតធ្វើអោយអ្នកគាំទ្រចង់លើសជាតិស្ករ ក្រោយពីតារាសម្ដែងស្រីថៃ គឺកញ្ញា Bow Maylada បង្ហើបខ្ទេចគ្មានសល់នៅក្នុងកម្មវិធីមួយ ចំពោះមុខអ្នកសារព័ត៌មាន ក្រោយមាន
ប្រទេសថៃ ៖ ថ្មីៗនេះ តារាស្រី Bow Maylada បើកបង្ហាញនៅរឿងរ៉ាវខ្លះៗ រហូតធ្វើអោយអ្នកគាំទ្រចង់លើសជាតិស្ករ ក្រោយពីតារាសម្ដែងស្រីថៃ គឺកញ្ញា Bow Maylada បង្ហើបខ្ទេចគ្មានសល់នៅក្នុងកម្មវិធីមួយ ចំពោះមុខអ្នកសារព័ត៌មាន ក្រោយមានអ្នកសួរមិនឈប់អំពីទំនាក់ទំនងរបស់ខ្លួនជាមួយនឹងកំពូលតារាសម្ដែងប្រុសដ៏ស្រស់សង្ហា គឺលោក Alex Teeradetch ។
នេះយើងអាចនិយាយបានថា ជារឿយៗអ្នកទាំងពីរពិតជាស្រលាញ់គ្នា ផ្អែមល្ហែមគ្រប់ពេល មិនថា ទៅទីណា នៅកន្លែងណានោះទេ សម្រាប់តួឯកស្រីវ័យក្មេង រាងខ្ពស់ស្រឡះ កញ្ញា Bow Maylada និងមិត្តប្រុសរបស់នាង លោក Alek Theeradetch ដែលអ្នកទាំងពីរតែងតែមានពេលវេលាផ្អែមល្ហែមឱ្យគ្នាទៅវិញទៅមក ថតរូបបង្ហោះជាមួយគ្នាមិនថាដើរលេង ឬមួយក៏ទៅញ៉ាំអ្វីនោះទេ ពួកគេតែងតែបង្ហាញអោយហ្វេនៗបានទស្សនាជានិច្ច។
លើសពីនេះទៅទៀតនោះ មានព័ត៌មានចុងក្រោយ ដែលទើបតែចេញបទចម្រៀងថ្មីមានចំណងជើងថា «សុំធ្វើជាសង្សារយើង» ចេញមកផ្គាប់ចិត្តអ្នកនៅលីវម្តងទៀត។ ហើយចុងក្រោយ តារាស្រី Bow Maylada ក៏ចេញមុខមកអាប់ដេតនិយាយនៅរឿងស្នេហារបស់ខ្លួនតែម្ដង ព្រោះវាដូចទៅក្នុងចម្រៀងនឹងខ្លាំងពេក។
បន្ទាប់មកតារាស្រីរូបនេះ ក៏ទម្លាយខ្ទេចគ្មានសល់យ៉ាងដូច្នេះថា «បន្ទាប់ពីម្តាយរបស់ខ្ញុំ គាត់បានត្អូញត្អែរថា ចង់កាន់ចៅ ចង់មានចៅបីដូចគេ ខ្ញុំលឺហើយក៏ញញឹម តែមិនបានឆ្លើយតបជាមួយគាត់នោះទេ។ រួចមក ខ្ញុំថែមទាំងបាននិយាយជាមួយមិត្តប្រុសរបស់ខ្ញុំឈ្មោះ Alek អំពីរ៉ូបអាពាហ៍ពិពាហ៍សម្រាប់ពួកយើងទាំងពីរផងដែរ»។
ចំពោះរឿងនេះ បើតាមរយៈការលាតត្រដាងនោះ ស្រីស្រស់ Bow Maylada ក៏និយាយបន្តអោយដឹងទៀតថា «មែនហើយ ម្តាយរបស់ខ្ញុំគាត់បានប្រាប់ខ្ញុំជាច្រើនដងទៀតថា កាលគាត់មានអាយុ២៧ ២៨ឆ្នាំ វាជាអាយុដែលគាត់គួរមានកូនហើយ មិនដែលនៅយូរពេកទេ។ ដោយសារតែស្ថានភាពរាងកាយរបស់គាត់មិនអាចនៅយូរបាន បើមិនឆាប់យកកូនទេនោះ។ បន្ទាប់មកគាត់ក៏បានត្រៀមខ្លួនរួចរាល់ហើយសម្រាប់មានដៃគូរ។ ប៉ុន្តែដោយសារយើងក៏ចង់ធ្វើការមុនដែរ និយាយឲ្យត្រង់ទៅ អ្វីដែលម្ដាយខ្ញុំនិយាយ គឺគួរឲ្យអស់សំណើចខ្លាំងណាស់ គាត់និយាយមកកំប្លែងតែម្ដង»។
ស្រីស្រស់ Bow Maylada បន្តថា «ប៉ុន្តែអ្វីដែលធ្វើអោយអ្នកទាំងអស់គ្នាស្ទើរមិនគួរអោយជឿជាងនេះទៅទៀតនោះ ថ្ងៃមួយគាត់បានមកសួរខ្ញុំថា ហើយឬនៅ? ប្រញាប់ទៅណា? អ្វីដែលម៉ាក់របស់ខ្ញុំនិយាយសួរខ្ញុំនោះដែរ គាត់ក៏បានប្រាប់ខ្ញុំទៀតថា គាត់និយាយនេះមិនមែនជាការបង្ខិតបង្ខំអ្វីនោះទេ កូនមិនចាំបាច់ប្រញាប់ក៏បាន»។
នៅពេលបានលឺដូច្នេះរួចមក តារាស្រី Bow Maylada ក៏បន្តប្រាប់ទៀតថា «ចំណែកបង Alex ពេលបានលឺរួចមក គាត់ក៏មិនបានគិតអីទេ តែគាត់បែរជានិយាយថា វាគួរឱ្យអស់សំណើចណាស់ ពេលដែលគាត់បានលឺម៉ាក់ខ្ញុំនិយាយអញ្ចឹង។ និយាយអោយខ្លីទៅ នៅសម្ដីដែលគាត់បានសួរនោះ គឺគាត់ចង់មានចៅបីដូចគេ។ ពីព្រោះគាត់ខ្លាចខ្ញុំទៅថ្ងៃអនាគត បើខ្ញុំចាស់ពេកវានឹងពិបាកមានកូន ព្រោះសម័យនេះ មនុស្សជាច្រើនគេការរួចតែងតែឆាប់យកកូន»។
ពេលឮស្រីស្រស់និយាយដូច្នេះ អ្នកកាសែតក៏សួរទៅនាងទៀតថា «ចុះចំពោះតារាប្រុស Alex ហាក់ដូចជាចង់រៀបការខ្លាំងណាស់ បើតាមសង្កេតមើលទៅ?»។ ភ្លាមៗនោះ កញ្ញា Bow Maylada ក៏បានឆ្លើយថា «ចា៎ពិតប្រាកដណាស់ គាត់ពិតជាចង់រៀបការខ្លាំងណាស់ តែដោយសារខ្ញុំមិនទាន់ព្រម។ គាត់ចង់រៀបការ ព្រោះតែអាយុគាត់៣៣ឆ្នាំទៅហើយ អញ្ចឹងហើយបានជាគាត់ចង់រៀបការ»។
ពេលបានឃើញដូច្នេះរួចមក ក៏មានអ្នកចូលទៅខមិនថា «កុំនៅយូរពេកអីអាយដល ឆាប់រៀបការអោយលឿនៗទៅ គូស្នេហ៍គេផ្សេងៗគេរៀបការមានកូនជិតអស់ហើយ» «បង Alex ប្រហែលជាចង់រៀបការខ្លាំងហើយ ព្រោះអាយុគាត់ក៏រាងច្រើនហើយដែរ ពេលណាបង ព្រមរៀបការជាមួយគាត់ កុំនៅយូរពេលអី អត់ល្អទេ»៕ ដោយ ៖ សុភា ដានេត
ចែករំលែកព័តមាននេះ