រាជធានីភ្នំពេញ ៖ ប្រភពព័ត៌មាននៅសាលាដំបូងរាជធានី កាលពីព្រឹកថ្ងៃទី៤ ឧសភា ឱ្យដឹងថា លោកព្រះរាជអាជ្ញាដែលជាតំណាងអយ្យការនៅសាលាដំបូងនៅមានការសន្តោសប្រណីដល់តារាសិល្បៈ គឺនាងក្អយ ដែលកំពុងវ័ណ្ឌ.ករឿងឆបោកជួលរថយន្តគេជិះ១០គ្រឿងហើយយកទៅបញ្ចាំ ដោយមិនទាន់ចេញដីកាឱ្យសមត្ថកិច្ចនាំខ្លួននាងឡើងសាលានៅឡើយទេ
រាជធានីភ្នំពេញ ៖ ប្រភពព័ត៌មាននៅសាលាដំបូងរាជធានី កាលពីព្រឹកថ្ងៃទី៤ ឧសភា ឱ្យដឹងថា លោកព្រះរាជអាជ្ញាដែលជាតំណាងអយ្យការនៅសាលាដំបូងនៅមានការសន្តោសប្រណីដល់តារាសិល្បៈ គឺនាងក្អយ ដែលកំពុងវ័ណ្ឌ.ករឿងឆបោកជួលរថយន្តគេជិះ១០គ្រឿងហើយយកទៅបញ្ចាំ ដោយមិនទាន់ចេញដីកាឱ្យសមត្ថកិច្ចនាំខ្លួននាងឡើងសាលានៅឡើយទេ ។
ប្រភពព័ត៌មានបានឱ្យដឹងថា នាងក្អយដែលជាតារាកំប្លែង បាននិងកំពុងវ័ណ្ឌ.កជំពាក់ប្រាក់រឿងយករថយន្តគេទៅបញ្ចាំប្រមាណជិត១០គ្រឿង ត្រូវម្ចាស់រថយន្តប្តឹងទៅសាលាដំបូងដើម្បីសុំដីកាឱ្យនាងក្អយចូលខ្លួនទៅដោះស្រាយបំណុលនោះវិញ ។
សំណុំរឿងទាំងប៉ុន្មានបានស្ថិតនៅលើដៃលោកព្រះរាជអាជ្ញារង៣រូប គឺលោកហៀង សុភ័ក្រ លោកគ្រី សុខអ៊ី និងលោកហ៊ឹង ប៊ុនជា កាន់រឿងផ្សេងពីគ្នាតាមដើមបណ្តឹងជាជនរងគ្រោះនីមួយៗ។ ប៉ុន្តែទោះបីជាយ៉ាងណាក្តី លោកហៀង សុភ័ក្រ ព្រះរាជអាជ្ញារងធ្លាប់បានចេញដីកាកោះហៅនាងក្អយឱ្យចូលខ្លួនបំភ្លឺលើបណ្តឹងជនរងគ្រោះ២-៣លើកមកហើយ តែនាងជួន ច័ន្ទរតនា ហៅក្អយ មិនបានចូលខ្លួនតាមការកំណត់ឡើយ និងមានព័ត៌មានថា ពេលតំណាងអយ្យការចេញដីកាកោះហៅឱ្យចូលខ្លួន នាងក្អយតែងគ្មានវត្តមានជានិច្ច ។
បន្ទាប់ពីចេញដីកាកោះហៅជាច្រើនលើកហើយនាងក្អយមិនចូលខ្លួន លោកព្រះរាជអាជ្ញារងហៀង សុភ័ក្រ បានធ្វើរបាយការណ៍ចោទប្រកាន់ដាក់ជូនទៅលោកព្រះរាជអាជ្ញា ដើម្បីសុំការអនុញ្ញាតចេញដីកាឱ្យនាំខ្លួន។ របាយការណ៍នោះបានដល់ដៃលោកព្រះរាជអាជ្ញា យ៉េត ចរិយា ហើយ ប៉ុន្តែពេលនេះលោកកំពុងពិចារណា ឬ ក៏អាចថា អាណិតអ្នកសិល្បៈ។ ដូច្នេះលោកព្រះរាជអាជ្ញាអាចបង្អង់ចំណាត់ការក្តៅ ដោយទុកលទ្ធភាពឱ្យនាងក្អយរកឱកាសជួបជនរងគ្រោះដើម្បីដោះស្រាយសំណងនោះ ។ ប្រភពបន្តទៀតថា ដើមបណ្តឹងទាំងអស់ពេលទទួលបានព័ត៌មានថា នាងក្អយមិនចូលខ្លួនតាមដីកាកោះរបស់តំណាងអយ្យការ ពួកគេបាននិងកំពុងជំរុញទៅតំណាងអយ្យការ ឱ្យពន្លឿនចំណាត់ការនោះ ដើម្បីបានប្រាក់មកប្រកបរបរអាជីវកម្មវិញ ។ ប៉ុន្មានថ្ងៃនេះមានព័ត៌មានពីក្រុមសាច់ញាតិនាងក្អយថា ពួកគេចង់នាំគ្នាទៅជួបតំណាងអយ្យការដើម្បីសម្រុះសម្រួលសងទៅដើមបណ្តឹងបន្តិចបន្តួចម្នាក់ និងដើម្បីទប់ស្កាត់ការចេញដីកាចុងក្រោយដែលអាចឱ្យសមត្ថកិច្ចនាំខ្លួន ចៀសវាងជាប់ពន្ធនាគារ តែព័ត៌មាននេះតំណាងអយ្យការមិនទាន់ជ្រាបជាផ្លូវការទេ ។
នាងជួន ច័ន្ទរតនា ហៅក្អយ បានរងនូវបណ្តឹងរបស់ជនរងគ្រោះ៣នាក់ ពាក់ព័ន្ធជួលរថយន្ត៧គ្រឿងទៅធ្វើអាជីវកម្ម និងដឹកសំភារសម្អាងការ តែរថយន្តទាំងនោះត្រូវនាងក្អយយកទៅដាក់បញ្ចាំ ទីបំផុតត្រូវវ័ណ្ឌ.ករកលុយសងគេមិនបាន ។ តារាកំប្លែងដែលបាត់មុខរូបនេះ មានសំណាងបន្តិច ព្រោះបានលោកព្រះរាជអាជ្ញាមានការសន្តោសប្រណីទុកពេលវេលាឱ្យច្រើនសម្រាប់ឱ្យនាងរកមធ្យោបាយដោះបំណុលគេ បើខុសពីនាងក្អយវិញ ប្រហែលជាប់គុកយូរហើយ ។ ទោះជាបែបណាតម្លៃរថយន្តដែលវ័ណ្ឌកក៏ច្រើនដែរ ៕
ចែករំលែកព័តមាននេះ