រាជធានី​ភ្នំពេញ ៖ អ្នក​តាមដាន​បេក្ខភាព​ប្រកួត​កម្មវិធី Miss Grand Cambodia 2023 ឆ្នាំ​នេះ បាន​ចាប់អារម្មណ៍​ខ្លាំង​ថា មិន​ទាន់​ចាប់ផ្តើម​ប្រកួត​ពេញលេញ​ផង បេក្ខភាព​ដែល​មក​ដាក់​ពាក្យ​ប្រកួត គឺ​ស្អាត​ៗ មុខមាត់​សិច​ស៊ី​ទាក់ទាញ​តែ​ម្តង រហូត​អ្នក​តាមដាន​នៅ​ក្នុង​ប្រទេស​ថៃ ក៏​លាន់មាត់​សរសើរ​ផង​ដែរ​។ ក្នុង​នោះ កញ្ញា​មួយ​រូប​ត្រឹមតែ​បោះ​ជំហាន​ជា​បេក្ខភាព​ប្រកួត​ដូច​គេឯង​ទេ តែ​ញាក់សាច់​សាហា​.​វ ដែល​ហ៊ាន​បង្ហាញ​សាច់​បង្អួត​ដើមទ្រូង រាង​ស្រ​ឡូ​ន​សិច​ស៊ី​អម​ជាមួយ​ទឹកមុខ​ទាក់ទាញ ហើយ​ហ្វេ​ន​ៗ​នៅ​លើ​បណ្តាញ​សង្គម​ហ្វេ​ស​ប៊ុ​ក​យ៉ាង​ភ្លូកទឹកភ្លូកដី​ហួស​ស្មាន​។

បើ​តាម​ការ​អោយ​ដឹង​ពី​មួយ​ថ្ងៃ​ទៅ​មួយ​ថ្ងៃ កញ្ញា Koy Anna កាន់តែ Updated ទៅ​ៗ ទោះបីជា​ខ្លួន​ជា​បេក្ខភាព​ម្នាក់​ដែល​ទើបតែ​ប្រឡូក​ក្នុង​វិស័យ​ប្រកួត​បវរកញ្ញា​ជា​លើក​ដំបូង​ក៏​ពិតមែន ប៉ុន្ដែ​កញ្ញា​មក​ឆ្នាំ​នេះ គឺ​ពិតជា​មិនធម្មតា​នោះ​ទេ គឺ​កញ្ញា​មក​ដើម្បី​ក្លាយជា​ម្ចាស់​ម្កុដ Miss Grand Cambodia 2023 ។ នេះ​បើ​យោង​តាម​ការ​ព្យាករណ៍​ទុក​មុន​របស់​អ្នក​តាម​ដានដែល​ស្រួល​មិន​ស្រួល នាង​អាច​បន្ត​តំណែង​ពី​រៀមច្បង ពេជ្រ វ​ត្តី​សា​រ៉ាវ​ឌ្ឍី​ក៍ ក៏​ថា​បាន​ដែរ​។

ឆ្នាំ​នេះ គេ​អ៊ុត​ថា កុយ អេ​ណា និង អ៊ិ​ន ល​ក្ខិ​ណា ជា​បេក្ខភាព​ឡើង​មក​កាន់​ដៃ​គ្នា​ដណ្តើម​មកុដ​ឆ្នាំ​២០២៣​នេះ ព្រោះ​មាន​តែម​ម្យ៉ាង​ម្នាក់ លើ​វិស័យ​បវរកញ្ញា​នេះ​។ លើស​ពី​នេះ ស្ងាត់​ៗ​នាង បាន​ទៅ​រៀន​ដើរ​ម៉ូ​ដ​ជាមួយនឹង​គ្រូបង្រៀន​ដ៏​ល្បី​នៅ​ឯ​ប្រទេស​ថៃ ដែល​ធ្លាប់​បាន​បង្រៀន Queen Pich Votey Saravody កាលពី​លើក​មុន​នោះ ។ ទាំងនេះ​បាន​ហៅ​ថា អ្នក​ប្រយុទ្ធ​មែន ចង់បាន​មកុដ Miss Grand Cambodia 2023 ទាល់តែ​ត្រៀម​អោយ​ច្បាស់លាស់​មុន ទើប​ទុកចិត្ត​បាន​។

គួរ​ឱ្យ​កត់​សម្គាល់ថា ស្រី​ស្អាត កុយ អេ​ណា មាន​អាយុ​២២​ឆ្នាំ មាន​កម្ពស់​1m73 សញ្ជាតិ​ខ្មែរ និង​មាន​អាជីព​ជា​តារា​បង្ហាញ​ម៉ូ​ដ ហើយ​អាច​និយាយ​ភាសា​បាន​។ អេ​ណា ធ្លាប់​និយាយ​ប្រាប់​ហ្វេ​ន​ៗ​ថា នាង​ទទួលយក​ចំណុច​ខ្វះខាត​របស់​ខ្លួនឯង ដើម្បី​កែ​លំអរ និង​អភិវឌ្ឍ​ខ្លួន​ឲ្យ​កាន់តែ​ប្រសើរ​ជាង​នេះ​។ អគុណ​បង​ៗ ដែល​បាន​ចែករំលែក​បទ​ពិសោធន៍​ថ្មី​ៗ​។ ហើយ​ចាំ​មើល​ថា Miss Grand Cambodia 2023 candidate ស្រី​ស្អាត អេ​ណា មក​ហ្វឹកហាត់​គ្រូបង្វឹក ដែល​ហាត់​តែ​មួយ​ជាមួយ​បងស្រី វ​ត្តី តើ​អាច​ក្លាយជា​ម្ចាស់​មកុដ​ដូច​តី​បាន​ដែរ​ឬទេ?​។