រាជធានីភ្នំពេញ ៖ ព្រឹត្តិការណ៍កំពង់ស្ពឺសង្ក្រាន្តឆ្នាំនេះទទួលបានភ្ញៀវទេសចរជាតិ និងអន្តរជាតិជាង៥០ម៉ឺននាក់ ។
យោងតាមរបាយការណ៍របស់មន្ទីរទេសចរណ៍ខេត្តបានឲ្យដឹងថា ក្នុងរយៈពេលបុណ្យចូលឆ្នាំថ្មីប្រពៃណីជាតិខ្មែររយ:ពេល៣ថ្ងៃភ្ញៀវទេសចរមកលេងកម្សាន្តតាមរមណីយដ្ឋាន សហគមន៍ទេសចរណ៍ និងស្នាក់នៅក្នុងភូមិសាស្ត្រខេត្តកំពង់ស្ពឺ ជាពិសេសកំពង់ស្ពឺសង្ក្រាន្តថ្ងៃទី១៤-១៥-១៦ ខែមេសា ឆ្នាំ២០២៣ រួមមាន ៖១.ថ្ងៃទី១ ត្រូវនឹងថ្ងៃ១៤ ខែមេសា ឆ្នាំ២០២៣ ភ្ញៀវមកលេងកម្សាន្តកំពង់ស្ពឺសង្ក្រាន្ត៥៧.៤៦២នាក់ ។
ភ្ញៀវទេសចរណ៍ដើរលេងកម្សាន្តតាមរមណីយដ្ឋាន និងស្នាក់នៅចំនួន ៧.១៥៨ នាក់ ភ្ញៀវទេសចរអន្តរជាតិផ្ទៃក្នុងចំនួន២.១០៥ នាក់។ ២.ថ្ងៃទី២ ត្រូវនឹងថ្ងៃ១៥ ខែមេសា ឆ្នាំ២០២៣ ភ្ញៀវទេសចរណ៍ ភ្ញៀវមកលេងកម្សាន្តកំពង់ស្ពឺសង្ក្រាន្ត១៨៧.១០២ នាក់។
ភ្ញៀវទេសចរដើរលេងកម្សាន្តតាមរមណីយដ្ឋាន និងស្នាក់នៅចំនួន ១៤.៣៩០នាក់ ។ ភ្ញៀវទេសចរអន្តរជាតិផ្ទៃក្នុងចំនួន៦៧០នាក់ ។ និង ៣.ថ្ងៃទី៣ ត្រូវនឹងថ្ងៃ១៦ ខែមេសា ឆ្នាំ២០២៣ ភ្ញៀវទេសចរមកលេងកម្សាន្តកំពង់ស្ពឺសង្ក្រាន្ត២៣៥.៧៤១នាក់ ។ ភ្ញៀវទេសចរដើរលេងកម្សាន្តតាមរមណីយដ្ឋាន និងស្នាក់នៅចំនួន៧.២៤៥ នាក់។
ភ្ញៀវទេសចរណ៍អន្តរជាតិផ្ទៃក្នុងចំនួន ១.០២៥ នាក់ ។ របាយការណ៍បានគូសបញ្ជាក់ថា សរុបចំនួនភ្ញៀវទេសចររយ:ពេល៣ថ្ងៃមាន ៥០៩.០៩៨នាក់ ក្នុងនោះ ភ្ញៀវទេសចរមកលេងកម្សាន្តព្រឹត្តិការណ៍កំពង់ស្ពឺសង្ក្រាន្តចំនួន៤៨០.៣០៥ នាក់ ។ ភ្ញៀវទេសចរដើរលេងកម្សាន្តតាមរមណីយដ្ឋាន និងស្នាក់នៅចំនួន ២៨.៧៩៣ នាក់ ។ភ្ញៀវទេសចរអន្តរជាតិផ្ទៃក្នុងចំនួន ៣.៨០០ នាក់៕
ចែករំលែកព័តមាននេះ