នៅពេលនិយាយដល់រឿងបុរសឯកកម្ពុជា ប្រាកដជាបងប្អូនប្រិយមិត្តជ្រាបហើយថា បុរសឯករូបនេះពិតជាស្រស់សង្ហា ហើយអ្នកគាំទ្រពោលសរសើររូបលោកមិនដាច់ពីមាត់ឡើយ។ ក្រោយការប្រកួតត្រូវបិទបញ្ចប់ភ្លាមៗ
រាជធានីភ្នំពេញ៖ នៅពេលនិយាយដល់រឿងបុរសឯកកម្ពុជា ប្រាកដជាបងប្អូនប្រិយមិត្តជ្រាបហើយថា បុរសឯករូបនេះពិតជាស្រស់សង្ហា ហើយអ្នកគាំទ្រពោលសរសើររូបលោកមិនដាច់ពីមាត់ឡើយ។ ក្រោយការប្រកួតត្រូវបិទបញ្ចប់ភ្លាមៗ លោក ធុល មករា ជាម្ចាស់ជ័យលាភីលំដាប់រងទី១ នឹងត្រូវធ្វើដំណើរទៅមុខមួយជំហានទៀត នោះគឺលោកត្រូវទៅប្រកួតនៅទីក្រុងហាណូយ ប្រទេសវៀតណាម ក្នុងកម្មវិធី Mister Grand International 2023 ។
ប្រាកដណាស់ មហាជនជាច្រើននាំគ្នាកោតសរសើរពីរបុរសឯងរូបនេះ ដោយគ្រប់គ្នារំពឹងថា បុរសឯករូបនេះ នឹងធ្វើបានល្អ បូករួមជាមួយទេពកោសល្យ និងសមត្ថភាពរបស់លោក ព្រោះកាលពីអំឡុងពេលប្រឡង បុរសឯកលំដាប់រងទី១ លោក ធុល មករា អាចធ្វើបានគ្រប់វិញ្ញាសាទាំងអស់ ដោយមិនធ្វើអោយអ្នកគាំទ្រខកបំណងនោះឡើយ។
តាមរយៈបទសម្ភាសន៍ជាមួយសារព័ត៌មានកោះសន្តិភាព ដោយលោក ធុល មករា ដែលជាបុរសឯកកម្ពុជា បានជម្រាបជូនថា លោកពិតជាសប្បាយចិត្តខ្លាំងណាស់ ក្រោយពេលដែលលោកជាប់ជាម្ចាស់ជ័យលាភីលំដាប់រងទី១ ដោយលោកនឹងត្រៀមទៅប្រកួតនៅទីក្រុង ហាណូយ នៃប្រទេសវៀមណាមឆាប់ៗខាងមុខនេះ នៅក្នុងកម្មវិធី Mister Grand International 2023 ។
បុរសឯកស្រស់សង្ហារូបនេះ បន្តថា នាពេលពេលឆាប់ៗខាងមុខ ក្នុងខែតុលា លោកនឹងចេញទៅប្រកួតនៅហាណូយ ដោយលោកសន្យាថា នឹងធ្វើអោយបានល្អជាទីបំផុត ដោយមិនអោយពុកម៉ែបងប្អូនខកបំណងនោះឡើយ។
នាពេលបច្ចុប្បន្ននេះ លោកបន្តថា លោកខិតខំពង្រឹកសមត្ថភាពខ្លួនឱ្យបានច្រើន ដូចជាបង្វឹកភាសាបរទេសអោយខ្លាំងក្នុងការសន្ទនា ព្យាយាមហាត់ប្រាណបន្ថែម ដោយត្រូវធ្វើយ៉ាងណា អោយមានរូបសម្បត្តិល្អ មានភាពវៃឆ្លាត ក្លាហាន ជាពិសេសគឺការរួសរាយរាក់ទាញ ព្រោះនេះអត្តសញ្ញាណរបស់ខ្មែរ។
បន្ថែមពីនេះ លោកបន្តថា លោកមានរឿងជាច្រើនដែលចង់បង្ហាញដល់ពិភពលោក ដូចជាការរំលេចនូវវប្បធម៌ អរីយធម៌ដ៏ល្អផូរផង់របស់កម្ពុជាអោយបរទេសបានឃើញ ជាពិសេសគឺលោកនឹងយកភាពអង់អាចក្លាយហានរបស់លោក ក៏ដូចជាទេពកោសល្យ និងសមត្ថភាពដែលលោកមាន បញ្ចេញនៅលើឆាកអន្តរជាតិដ៏អស្ចារ្យមួយនេះ។
បើទាក់ទងនឹងការប្រកួតកាលពីកន្លងទៅវិញ លោកក៏បានទម្លាយតិចទិចថា នៅពេលឡើងឆាកប្រកួត ដាច់ខាតត្រូវមានភាពជឿជាក់លើខ្លួនឯង ព្រោះភាពជឿជាក់អាចជាកម្លាំងចិត្ត អាចនាំយើងទទួលបានភាពជោគជ័យ។
គួររម្លឹងដែរថា ការប្រកួតកាលពីកន្លងទៅ លោកនិយាយអះអាងថា ពិតជាមានភាពសុក្រឹត្យចំពោះបេក្ខភាព ដោយឆ្លងកាត់ពីមួយវគ្គទៅមួយវគ្គ ពិតជាល្អិតល្អន់ និងចម្រាញ់យកបុរសឯកដែលល្អ។ បន្ថែមពីនេះ បុរសឯកដែលជាលំដាប់រងទី១ លោកសង្ឃឹមថា នឹងអាចឈានជើងចូលក្នុង Top ណាមួយ ដោយមិនអោយពុកម៉ែបងប្អូនអ្នកគាំទ្រអស់សង្ឃឹមនោះឡើយ។
ជាចុងក្រោយ លោក ធុល មករា ដែលជាលំដាប់រងទី១ ពិតជាអគុណខ្លាំងចំពោះការគាំទ្រនាពេលកន្លងមក ជាពិសេសក្នុងឱកាសចូលឆ្នាំខាងមុន សូមបងប្អូនធ្វើដំណើរទៅទីជិតឆ្ងាយអោយជួបតែសុខសុវត្ថិភាព៕ ដោយ ៖ លីហួ គីមឆាយ
ចែករំលែកព័តមាននេះ