មានមនុស្សម្នាក់…ដែលដឹងពីរឿងជីវិត សាន ស្រីឡៃជាមួយប្តី
រាជធានីភ្នំពេញ ៖ បន្ទាប់ពីអតីតបេក្ខនារីកូនក្រុមThe Voice Cambodia សាន ស្រីឡៃ ត្រូវអតីតស្វាមីបា.ញ់សម្លា.ប់
រាជធានីភ្នំពេញ ៖ បន្ទាប់ពីអតីតបេក្ខនារីកូនក្រុមThe Voice Cambodia សាន ស្រីឡៃ ត្រូវអតីតស្វាមីបាញ់សម្លាប់ កាលពីវេលាល្ងាចថ្ងៃទី១៦ តុលា ស្ថិតនៅក្បែរទូរទស្សន៍អប្សរា បង្កឱ្យសង្គមសិល្បៈភ្ញាក់ផ្អើល និងមហាជនពេញផ្ទៃប្រទេស មានការរន្ធត់និងសោកស្តាយយ៉ាងខ្លាំង ។ អ្វីដែលកាន់តែខ្លោចចិត្ត គេឃើញអ្នកនាង ពេជ្រ សោភា ដែលជាអ្នកស្និទ្ធិជាមួយ សាន ស្រីឡៃ ជាងគេនោះ មានភាពសោកសង្រេគជាពន់ពេក ក្រោយទទួលឮណឹងនេះ ។
អ្នកនាងពេជ្រ សោភា បានរៀបរាប់ទាំងទឹកភ្នែកនៅចំពោះមុខសាកសព សាន ស្រីឡៃ ដែលតម្កល់នៅវត្តសែនសុខ រាជធានីភ្នំពេញថា អ្នកនាងពីដំបូងមិនជឿទេ ស្មានតែគេថតMV តែដោយឃើញគេបង្ហោះព្រោងព្រាត ហើយថ្មីគិតតែមិនអាចដល់ឃើញខាងប្រុសទើបដឹងថា ការណ៍ពិតបានមកដល់ហើយស្រឡាំងកាំងទន់ដៃជើង សូម្បីតែខ្លួនឯងឈឺត្រៀមទៅពេទ្យក៏លែងទៅដែរ ។ សម្រាប់ប្រវត្តិ សាន ស្រីឡៃ នាងអាចដឹងច្រើន ព្រោះថានាងជាកូនក្រុមនាងតាំងពីប្រឡងហើយជីវិតនាងកម្សត់ណាស់។
ពេជ្រ សោភា បន្តទាំងទប់អារម្មណ៍មិនបានថា ស្រីឡៃជាមេគ្រួសារជាបង្គោលគ្រួសារដ៏រឹងមាំម្នាក់ ដែលចិញ្ចឹមម្តាយពិការជាស្ត្រីមេម៉ាយ មើលថែរប្អូនស្រីម្នាក់ និងសំខាន់ចិញ្ចឹមកូនប្រុសពីរនាក់ក្នុងបន្ទុក ដល់ពេលជួបរឿងជនដៃដល់ផ្តាច់ជីវិតគាត់ទៅចឹង គឺអស់បាត់ហើយអ្នកនៅក្នុងបន្ទុកគាត់ ។ ម្យ៉ងទៀត ស្រីឡៃ ជាហ្វ្រេនរបស់នាងតាំងពីតូចមកនាងរក្សារូបថតៗ ជាមួយខ្ញុំនៅប៉ោយប៉ែតឱ្យនាងមើលពេលប្រឡងខ្ញុំមិននឹកស្មានថា នាងទៅលឿន ។ រហូតមកទល់ពេលនេះ សាន ស្រីឡៃ ដ្បិតថា ក្លាយជាតារាមែន តែកម្រិតជីវភាពនាង នៅតែលំបាករាល់ពេលឡើងប៉ុស្តិ៍ច្រៀង នាងតែងតែមកខ្ចីខោអាវស្បែកជើងនាងយកទៅសម្តែង ហើយនាងមិនដែលបដិសេធនោះទេ មានតែឱ្យស្រីឡៃ យកទុកប្រើការតែម្តងអាណិតគ្នា បើទោះពេលខ្លះនាងខ្លាចចិត្តនាង ហើយសុំបង់រំលោះក៍នាងមិនទទួលដែរ ព្រោះតែកំហឹងមួយពេលនេះហើយធ្វើឲ្យស្ត្រីម្នាក់ដែលជាមេគ្រួសារត្រូវចាកឆ្ងាយពីកូនៗម្តាយបងប្អូនបន្សល់នៅភាពអាឡោះអាល័យជាពន់ពេក។
សាន ស្រីឡៃ បានបន្សល់ទុកនៅស្នាដៃរឿងភាគមួយរបស់ហង្សមាសមានចំណងជើងថា «រាជនីភូមិគ្រឹះ» ដែលថតជាមួយចន ច័ន្ទលក្ខិណា សូដា នីតា ណុប ប៉ាយ៉ារិទ្ឋិ និងតារាជាច្រើនទៀត ដោយរឿងនោះ មិនទាន់ថតចប់នៅឡើយទេ តែបែរជាជួបរឿងអកុសលបែបនេះទៅវិញ បង្កឲ្យក្រុមការងារទាំងអស់តក់ស្លុតទទួលយកមិនបាន។ សោភាថា សូមមេត្តាកុំថាឱ្យ ស្រីឡៃ ដោយសារតែចូលសិល្បៈ ទើបបែកបាក់ជាមួយស្វាមី ទើបបានកើតរឿងអ៊ីចឹង ។ អ្នកទាំងអស់គ្នាត្រូវដឹងថា ភ្លើងចង្កៀងផ្ទះនរណា គឺភ្លឺផ្ទះអ្នកហ្នឹង ។
យ៉ាងណាមិញ អតីតគ្រូបង្វឹករូបនេះ បានបញ្ជាក់បន្ថែមថា កូនក្រុមរបស់អ្នកនាង ត្រូវបានអតីស្វាមីប្រើអំពើហិង្សាលើរូបនាងជារៀងរាល់ថ្ងៃ ពេលខ្លះ អ្នកនាងបានឃើញស្នាមជាំលើរាងកាយ សឹងតែទទួលយកមិនបាន ហើយមិនសប្បាយចិត្ត នៅពេលដែលស្រីឡៃ ព្យាយាមបិទបាំងស្នាមជាំ រងគ្រោះដោយសារអំពើហិង្សាលើស្ត្រីបែបនេះ ។ ពេជ្រ សោភា បានចោលជាសំណួរទាំងទឹកភ្នែក និងរកកលខ្យល់.គ បន្ដផងថា «នាងបានប្រាប់ខ្ញុំផ្ទាល់ថា ស្វាមីស្រីឡៃពិតជាប្រើអំពើហិង្សាលើរូបនាង តើអ្នកទាំងអស់គ្នាទទួលបានឬអត់ ចំពោះអំពើហិង្សាជារៀងរាល់ថ្ងៃ?» ។
ចែករំលែកព័តមាននេះ