ផ្តន្ទាទោសនីហ្សេរីយ៉ា២នាក់ខ្មែរម្នាក់ ដាក់ពន្ធនាគាររឿងជួញគ្រឿងញៀ.ន
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញលោក អ៊ឹម វណ្ណៈ ប្រធានក្រុមជំនុំជម្រះ
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញលោក អ៊ឹម វណ្ណៈ ប្រធានក្រុមជំនុំជម្រះ នៅព្រឹកថ្ងៃទី១០ តុលា ២០១៧ បានសម្រេចប្រកាសសាលក្រមផ្តន្ទាទោសបុរសនីហ្សេរីយ៉ា២នាក់ និងខ្មែរម្នាក់ ដាក់ពន្ធនាគារពី៤ឆ្នាំដល់៨ឆ្នាំ ពីបទជនដូរគ្រឿងញៀន និងពិន័យជាប្រាក់ចូលថវិការដ្ឋម្នាក់១២លានរៀល។ ជនជាប់ចោទ ១.ឈ្មោះ Onwoka chibosor អាយុ៣៣ឆ្នាំ ២.ឈ្មោះ Samsun Friday អាយុ២៩ឆ្នាំ និង ៣.ឈ្មោះ Onwoka chibosor អាយុ៣៣ឆ្នាំ។ បុរសស្បែកខ្មៅសញ្ជាតិនីហ្សេរីយ៉ា២នាក់ និងខ្មែរម្នាក់ ត្រូវបានសាលាដំបូងរាជធានីភ្នំពេញ លើកយកមកបើកសវនាការ កាលពីព្រឹកថ្ងៃទី២៧ កញ្ញា២០១៧។
ជនត្រូវចោទទាំង៣នាក់ត្រូវបានសមត្ថកិច្ចមន្ទីរប្រឆាំងគ្រឿងញៀនចាប់ខ្លួនកាលពីថ្ងៃទី០៤ មេសា ២០១៧ នៅក្នុងសង្កាត់ចោមចៅ ខណ្ឌពោធ៍សែនជ័យ ដោយរឹបអូសគ្រឿងញៀនបានចំនួនពីរប្រភេទ មេតំហ្វេតាមីនទម្ងន់១០.៤១ក្រាម ម៉ាទឹកកកទម្ងន់២៨.៥០ក្រាម។ នៅពេលសវនាការថ្ងៃទី២៧ កញ្ញា ឈ្មោះ ប៊ុត សុបិន បានសារភាពថា ខ្លួនគេបានសម្រេចចិត្តរកស៊ីលក់គ្រឿងញៀនបានចំនួន៣ដងមកហើយ ដោយទិញពីស្ត្រីម្នាក់យកទៅលក់ឲ្យម៉ូយដោយក្នុងម្ដងៗចំណេញបានប្រាក់១០០ដុល្លារ។
ចំណែកឈ្មោះ Friday ជនជាតិនីហ្សេរីយ៉ា បានសារភាពថា ខ្លួនគេជាអ្នកស៊ីឈ្នួលយកគ្រឿងញៀនឲ្យឈ្មោះ ប៊ុត សុបិន ដោយក្នុងម្ដងៗបានប្រាក់កម្រៃចំនួន២០ដុល្លារ។ រីឯឈ្មោះ Onwoka chibosor បានសារភាពថា ខ្លួនគេជាអ្នករកស៊ីវេលុយ មិនដឹងថាមិត្តភក្តិយកគ្រឿងញៀនឲ្យគេទេ ហើយនៅថ្ងៃកើតហេតុខ្លួនគេជិះម៉ូកង់បីតាមផ្លូវពីស្ទឹងមានជ័យទៅចោមចៅ ឃើញមិត្តភក្តិស្បែកខ្មៅដូចគ្នាក៏ហៅឲ្យជិះជាមួយក៏ត្រូវប៉ូលីសចាប់ខ្លួនតែម្ដង៕
ចែករំលែកព័តមាននេះ