ចេះនាំគ្នាសម្ងំធ្វើរឿងបែបហ្នឹងក្នុងផ្ទះសំណាក់កើត
រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌមានជ័យដឹកនាំដោយលោក ម៉េង វិមានតារា
រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌមានជ័យដឹកនាំដោយលោក ម៉េង វិមានតារា
រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌមានជ័យដឹកនាំដោយលោក ម៉េង វិមានតារា អធិការរងទទួលបន្ទុកនគរបាលយុត្តិធម៌ បានសហការជាមួយនឹងសមត្ថកិច្ចប៉ុស្តិ៍នគរបាលបឹងទំពុន បានចុះប្រតិបត្តិការឆែកឆេរផ្ទះសំណាក់ ឃាត់ខ្លួនបានមនុស្សប្រុសស្រីចំនួន១២នាក់ ព្រមទាំងគ្រឿងញៀនចំនួន៤កញ្ចប់តូចធំ រួមនឹងឧបករណ៍សម្រាប់ប្រើប្រាស់យកទៅសាកសួរ កាលពីវេលាម៉ោង៧យប់ថ្ងៃទី១៥ កញ្ញា នៅក្នុងផ្ទះសំណាក់ ឌីមនោរម្យ ដែលមានទីតាំងនៅតាមផ្លូវលេខ៣៧១ ភូមិត្នោតជ្រុំ១ សង្កាត់បឹងទំពុន២ ខណ្ឌមានជ័យ ។
តាមសម្តីលោក ម៉េង វិមានតារា អធិការរងទទួលបន្ទុកនគរបាលយុត្តិធម៌ បានឱ្យដឹងថា មុននឹងឈានទៅការបង្ក្រាបជាក់ស្តែង ព្រមទាំងឃាត់ខ្លួនជនសង្ស័យទាំងនោះ ដោយរូបលោកផ្ទាល់បានទទួលដំណឹងពីប្រជាពលរដ្ឋថា ទីតាំងខាងលើ មានក្រុមក្មេងប្រុសស្រី បានពពាក់ពពួនគ្នាប្រមូលផ្តុំគ្នាចែកចាយ និងប្រើប្រាស់គ្រឿងញៀន ។ ឮដូចនេះរូបលោកក៏បានធ្វើការស៊ើបអង្កេតរហូតដល់មានតម្រុយច្បាស់លាស់រួចហើយ ក៏បានដឹកនាំកម្លាំងនគរបាលនៃអធិការដ្ឋានខណ្ឌ ព្រមទាំងមានការចូលរួមសហការជាមួយនឹងកម្លាំងប៉ុស្តិ៍នគរបាលបឹងទំពុនបានធ្វើការឆ្មក់ចូលផ្ទះសំណាក់ខាងលើ ព្រមទាំងត្រួតពិនិត្យកបន្ទប់ចំនួន៣ ឃាត់ខ្លួនបានមនុស្សប្រុសស្រីចំនួន១២នាក់ បូករួមទាំងនារីភេទទី៣ចំនួន២នាក់ទៀតផង ។ ការឃាត់ខ្លួនេះបានដកហូតថ្នាំប្រភេទក្រាមពណ៌សថ្លា ចំនួន៤កញ្ចប់តូចធំ រួមនិងឧបករណ៍សម្រាប់ប្រើប្រាស់គ្រឿងញៀនមួយចំនួន និងម៉ូតូម៉ាក TODAY ពណ៌ក្រហមមួយគ្រឿង នាំខ្លួនយកទៅធ្វើការសាកសួរនៅប៉ុស្តិ៍នគរបាលបឹងទំពុន ។
នៅចំពោះមុខសមត្ថកិច្ចជនសង្ស័យទាំងនោះបានសារភាពថា ពួកគេពិតជាបានជួញដូរនិងប្រើប្រាស់គ្រឿងញៀនទាំងនេះពិតប្រាកដមែន ដោយគ្រឿងញៀនទាំងនេះគឺពួគគេបានទិញ នៅម្តុំរោងចក្រគួងហុង ក្នុងសង្កាត់ផ្សារដើមថ្កូវ ខណ្ឌចំការមន ។ ក្រោយពេលកើតហេតុ ជនសង្ស័យព្រមទាំងវត្ថុតាង ត្រូវបានសមត្ថកិច្ចកសាងសុំណុំរឿងបញ្ជួនខ្លួននៅអធិការដ្ឋានខណ្ឌមានជ័យដើម្បីចាត់ការបន្តតាមនីតិវិធី ។ ចំណែកផ្ទះសំណាក់ខាងលើត្រូវបានសមត្ថកិច្ចបិទទ្វារជាបណ្តោះអាសន្នសិន ៕
ចែករំលែកព័តមាននេះ