ដេកផ្ទះមិនចង់ ចង់ដេកគុក…កាត់.តបង្ហោះជេរប្រមាថព្រះមហាក្សត្រ សម្តេចម៉ែ និងរាជរដ្ឋាភិបាល
ខេត្តបន្ទាយមានជ័យ ៖ កាលពីរសៀលកាលថ្ងៃទី១៥ ខែកញ្ញា ឆ្នាំ២០១៧
ខេត្តបន្ទាយមានជ័យ ៖ កាលពីរសៀលកាលថ្ងៃទី១៥ ខែកញ្ញា ឆ្នាំ២០១៧ កម្លាំងកងរាជអាវុធហត្ថខេត្តបន្ទាយមានជ័យសហការជាមួយកម្លាំងកងរាជអាវុធហត្ថក្រុងប៉ោយប៉ែតបានឃាត់ខ្លួនស្ត្រីម្នាក់ឈ្មោះ មឿន លីហ័រ អាយុ២០ឆ្នាំ មុខរបបលក់ផ្លែឈើផ្សារ៉ុងក្លឿរប្រទសថៃ ស្នាក់នៅភូមិចាន់គីរី សង្កាត់-ក្រុងប៉ោយប៉ែត ។ ក្រោយពេលឃាត់ខ្លួនស្ត្រីជាប់សង្ស័យពីបទជេរប្រមាថព្រះមហាក្សត្រ និងសម្តេចម៉ែព្រមទាំងប្រមុខរាជរដ្ឋាភិបាលកម្ពុជាតាមបណ្តាញប្រព័ន្ធហ្វេសប៊ុកដោយប្រើអាខនឈ្មោះ ជល ស្សៃនានាងកូនពៅស៊ីអារម្មរណ៍ ។
នៅពេលកម្លាំងកងរាជអាវុធហត្ថខេត្តធ្វើការសាកសួរស្ត្រីជនសង្ស័យឈ្មោះ មឿន លីហ័រ បានសារភាពថា ខ្លួនពិតជាបានយករូបភាពកាត់តដែលជារូបភាពព្រះមហាក្សត្រ និងសម្តេចម៉ែ ព្រមទាំងប្រមុខរាជរដ្ឋាភិបាលកម្ពុជា ហើយសរសេរខ្លឹបសារមួយចំនួនដែលជេរប្រមាថ និងរិះគន់ទៅលើរាជរដ្ឋាភិបាលកម្ពុជា ។ ធ្វើតាមបញ្ជា និងណែនាំពីឈ្មោះ អ៊ា គឹមស្រេង ភេទប្រុស អាយុប្រហែលជា៥៦ឆ្នាំ ដែលជាជនជាតិខ្មែររស់នៅប្រទេសអូរស្ត្រាលីហើយគេប្រាប់ថា ជាចៅក្រមអន្តរបណ្តាញនៅប្រទេសអូស្ត្រាលីដែលប្រើប្រាស់គណនីយ៍ហ្វេសប៊ុកឈ្មោះ Kimsrang Eer ដែលបានផ្ញើរូបភាពកាត់តរួចហើយមានរូបប្រមុខរាជរដ្ឋាភិបាលកម្ពុជា ព្រះមហាក្សត្រ និងសម្តេច ម៉ែ និងសរសេរខ្លឹមសារមួយចំនួនរិះគន់ និងជេរប្រមាថហើយយកបង្ហោះទៅលើគណនីហ្វេសប៊ុករបស់ខ្លួនឈ្មោះជលស្សៃនានាងកូនពៅស៊ីអារម្មរណ៍ ។
ស្ត្រីជាប់សង្ស័យបានបញ្ជាក់ថា មុនពេលបញ្ចូលរូបភាពកាត់ត និងខ្លឹមសារទៅលើគណនីហ្វេសប៊ុករបស់ខ្លួនឈ្មោះ អ៊ា គឹមស្រេង ប្រាប់ថា មិនចាំបាច់ខ្លាចព្រោះគេមានឯកសារគ្រប់គ្រាន់ហើយបើមានបញ្ហាកើតឡើងគឺឱ្យប្តឹងគាត់ទើបខ្លួនសម្រេចចិត្តហ៊ានបញ្ចូលរូបភាពកាត់ត និងខ្លឹមសារមួយចំនួនដែលរិះគន់ និងជេរប្រមាថរាជរដ្ឋាភិបាលកម្ពុជា ព្រះមហាក្សត្រ និងសម្តេចម៉ែ ។ ស្ត្រីជាប់សង្ស័យឈ្មោះ មឿន លីហ័រ បានសារភាពថា ខ្លួនបានស្គាល់គ្នាជាមួយឈ្មោះ អ៊ា គឹមស្រេង ខ្មែររស់នៅប្រទេសអូស្ត្រាលីនេះមានរយៈពេល៣ឆ្នាំមកហើយតាមរយៈបណ្តាញប្រព័ន្ធហ្វេសប៊ុកក្រោយមកឈ្មោះ អ៊ា គឹមស្រេង បានផ្ញើរូបភាពកាត់ត និងខ្លឹមសារមួយចំនួនដែលរិះគន់ទាំងនោះឱ្យជួយបង្ហោះក្នុងគណនីហ្វេសប៊ុករបស់ខ្លួនដើម្បីចែកចាយបន្តឱ្យគេឯងបានឃើញ ហើយក៏មិនទាន់បានប្រយោជន៍ណាមួយពីឈ្មោះ អ៊ា គឹមស្រេង នោះដែរ ។ កម្លាំងជំនាញកងរាជអាវុធហត្ថខេត្តបន្ទាយមានជ័យបានប្រាប់ថា ក្រោយពេលឃាត់ខ្លួនស្ត្រីសង្ស័យឈ្មោះ មឿន លីហ័រ ដែលបង្ហោះរូបភាពកាត់តទាំងនោះហើយ ក្រោយពេលសាកសួរហើយកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនីតិវិធី ៕
ចែករំលែកព័តមាននេះ