ទីក្រុងហ្សាកាតា, ប្រទេសឥណ្ឌូណេស៊ី៖ ប្រសិនបើលោកអ្នកចាប់បានភស្តុតាងនរណាម្នាក់ប្រព្រឹត្តអំពើឆ្គាំឆ្គង ឬបទល្មើសអ្វីមួយ។ បន្ទាប់មក, លោកអ្នកចង់យកភស្តុតាងនេះបង្ហាញជាសាធារណៈ។ សូមលោកអ្នកគិតទៅដល់ចំណុចមួយ។ ជួនកាលការបង្ហោះភស្តុតាងជាវីឌីអូឃ្លីបនៅលើបណ្ដាញសង្គមអាចមានផលអាក្រក់ជះមកលើលោកអ្នកវិញ ប្រៀបបាននឹងកាំបិតចិតដងឯងដូច្នោះដែរ។ តួយ៉ាងដូចជាបុរសជនជាតិឥណ្ឌូណេស៊ីម្នាក់ដែលយើងនឹងបរិយាយនៅពេលបន្តិចទៀត។
នៅក្នុងសប្ដាហ៍នេះ, វីឌីអូឃ្លីបមួយឈុតកំពុងតែល្បី និងត្រូវគេចែកចាយតគ្នាយ៉ាងគគ្រឹកគគ្រេង។ វីឌអូនោះនិយាយពីបុរសជនជាតិឥណ្ឌូណេស៊ីរស់នៅទីក្រុងហ្សាកាតាខាងត្បូងសម្រេចកាមដោយដៃនៅក្នុងរថយន្តរបស់ថៅកែរបស់គាត់។ សំណុំរឿងនេះមានដំណើរដើមទងដូចតទៅ។
បុរសម្នាក់រស់នៅទីក្រុងហ្សាកាតាខាងត្បូងត្រូវថៅកែប្រើឱ្យបើកឡានជូនគាត់ទៅជួបគេម្នាក់។ ថៅកែឱ្យតៃកុងនោះចាំគាត់នៅខាងក្រៅ។ តៃកុងក៏ឈប់ឡានម៉ាកមីតស៊ូប៊ីស៊ី ប៉ាហ្សេរ៉ូ (Mitsubishi Pajero) នៅពីក្រោមស្ពានសម្រាប់ថ្មើរជើងដើរឆ្លងកាត់ (pedestrian bridge)។ ឈប់នៅទីនោះដើម្បីរង់ចាំថៅកែវិលមកវិញ។ ស្រាប់តែតៃកុងឡាននឹកឃើញចង់បន្ធូរអារម្មណ៍នៅក្នុងរថយន្ត។
គាត់មិនបានដឹងថាខ្លួនកំពុងប្រព្រឹត្តកំហុសដ៏ធំមួយ។ ទី១- ឡានបើកដំបូលបន្តិចដើម្បីឱ្យមានខ្យល់អាកាស ទី២- គាត់ចតឡានបញ្ឆិតពីក្រោមស្ពានសម្រាប់ថ្មើរជើង។ មិនយូរប៉ុន្មាន មានថ្មើរជើងម្នាក់ដើរលើស្ពាន ហើយក្រឡេកភ្នែកចុះមកក្រោម ក៏ឃើញសកម្មភាពនោះតែម្ដង។ គាត់ក៏យកទូរស័ព្ទមកថត និងបង្ហោះវីឌីអូតាមអនឡាញ។ វីឌីអូត្រូវគេចែករំលែកតគ្នាយ៉ាងព្រោងព្រាត។
បន្ទាប់ពីថៅកែមើលឃើញវីឌីអូឃ្លីបនោះ, គាត់ក៏នាំខ្លួនតៃកុងឡានប្រគល់ឱ្យអធិការដ្ឋាននគរបាលប្រចាំទីក្រុងហ្សាកាតាខាងត្បូង។ នេះបើយោងតាមអ្នកនាំពាក្យនគរបាល លោកនូម៉ា ដេវី (Nurma Dewi)។ សមត្ថកិច្ចកំពុងហៅអ្នកថត និងបង្ហោះវីឌីអូមកសាកសួរ។ គាត់អាចនឹងជាប់ចោទ២ករណី។ ទី១- ជាប់ចោទពីបទផលិត និងចែកចាយវីឌីអូអាសអាភាស និងទី២- ជាប់ចោទពីបទពាក់ព័ន្ធនឹងបទល្មើសបច្ចេកវិទ្យា។ យោងតាមច្បាប់របស់ប្រទេសឥណ្ឌូណេស៊ី, អ្នកដែលបង្ហោះរូប ឬវីឌីអូអាសអាភាសអាចនឹងជាប់គុក៦ឆ្នាំ។ សមត្ថកិច្ចត្រៀមចោទប្រកាន់តៃកុងឡានពីបទប្រព្រឹត្តអំពើអនាចារនៅទីសាធារណៈ។ អំពើនេះអាចជាប់គុកម្ភៃឆ្នាំ។ តៃកុងឡានប្រាប់សមត្ថកិច្ចថាគាត់មានប្រពន្ធរួចហើយ។ ប្រពន្ធរបស់គាត់កំពុងពពោះកូន៩ខែនៅក្នុងផ្ទៃ៕
ប្រភព កាសែតអនឡាញដឹថៃហ្គើ (The Thaiger) និង គេហទំព័រកូកូណាត់
អត្ថបទដទៃទៀត ច្បាប់ប្លែកៗនៅប្រទេសឥណ្ឌូណេស៊ី ដែលលោកអ្នកគួរស្វែងយល់
ចែករំលែកព័តមាននេះ