ADផ្ទាំងផ្សព្វផ្សាយពាណិជ្ជកម្ម

Picture

កម្មវិធីរ​ដូ​វប្បធម៌ ឆ្នាំ​២០២៣ ផ្តើម​ទស្សនាចរ​ទៅ​សម្តែង​តាម​បណ្តា​ខេត្ត​ចំនួន​៤

1 ឆ្នាំ មុន
  • ភ្នំពេញ

បន្ទាប់​ពី​បិទ​បញ្ចប់​កម្មវិធី​រដូវ​វប្បធម៌​នៅ​ក្នុង​រាជធានី​ភ្នំពេញ​កាលពី​ស​ប្តា​ហ៍​កន្លង​ទៅ យើង​ចាប់ផ្តើម​រៀបចំ​កម្មវិធី​ទស្សនាចរ​កម្មវិធី​រដូវ​វប្បធម៌​ទៅ​កាន់​ខេត្ត​ចំនួន​៤ មាន​ដូច​ជា ៖ ខេត្តកំពង់ធំ​, ខេត្តកំពង់ឆ្នាំង​, ខេត្តព្រះវិហារ និង​ខេត្ត​

រាជធានី​ភ្នំពេញ ៖ បន្ទាប់​ពី​បិទ​បញ្ចប់​កម្មវិធី​រដូវ​វប្បធម៌​នៅ​ក្នុង​រាជធានី​ភ្នំពេញ​កាលពី​ស​ប្តា​ហ៍​កន្លង​ទៅ យើង​ចាប់ផ្តើម​រៀបចំ​កម្មវិធី​ទស្សនាចរ​កម្មវិធី​រដូវ​វប្បធម៌​ទៅ​កាន់​ខេត្ត​ចំនួន​៤ មាន​ដូច​ជា ៖ ខេត្តកំពង់ធំ​, ខេត្តកំពង់ឆ្នាំង​, ខេត្តព្រះវិហារ និង​ខេត្ត​ប៉ៃលិន ដែល​សរុប​ទាំងអស់​មាន​ចំនួន​១២​សហគមន៍​ក្នុង​ប្រទេស​កម្ពុជា​។

កម្មវិធី​ខាងលើ​នេះ នឹង​ចាប់ផ្ដើម​ពី​ថ្ងៃ​ទី​១០-៣០ ខែមីនា ឆ្នាំ​២០២៣ ហើយ​នាំ​យក​ផ្ទាំង​សិល្បៈ​ទស្សនីយ​ភាព និង​កម្មវិធី​ចែករំលែក​ចំណេះដឹង​មួយ​ចំនួន ដែល​ដាក់​បង្ហាញ​នៅ​ទីក្រុង​ភ្នំពេញ ហើយ​យក​ទៅ​សម្តែង​នៅ​តាម​បណ្តា​ខេត្ត​ដែល​បាន​រៀបរាប​ខាងលើ​។

ស​ប្ដា​ហ៍​ទី​១ ៖ ចាប់ផ្ដើម​ពី​ថ្ងៃ​ទី ១០-១៤ នៅ​ខេត្តកំពង់ធំ និង​ខេត្តព្រះវិហារ ដែល​មាន​ទីតាំង​ចំនួន​៤​ខុស​ៗ​គ្នា​។
ស​ប្ដា​ហ៍​ទី​២ ៖ ចាប់ផ្ដើម​ពី​ថ្ងៃ​ទី ១៨-២២ នៅ​ខេត្តកំពង់ឆ្នាំង និង​ខេត្ត​ប៉ៃលិន ដែល​មាន​ទីតាំង​ចំនួន​៤​ខុស​ៗ​គ្នា​។
ស​ប្ដា​ហ៍​ទី​៣ ៖ ចាប់ផ្ដើម​ពី​ថ្ងៃ​ទី ២៦-៣០ នៅ​ខេត្តកំពង់ធំ និង​ខេត្តព្រះវិហារ ដែល​មាន​ទីតាំង​ចំនួន​៤​ខុស​ៗ​គ្នា​។

ជា​ការ​កត់សម្គាល់ កម្មវិធី​រដូវ​វប្បធម៌​ឆ្នាំ​២០២៣ ក្រោម​ប្រធានបទ «​តែឯង តែ​យើង​» នឹង​នាំ​លោក​អ្នក​ឱ្យធ្វើ​ការ​ស្វែង​យល់​អំពី​ទំនាក់ទំនង​រវាង​បុគ្គល​ម្នាក់​ៗ បទដ្ឋាន សម្ពាធ​ក្នុង​សង្គម និង​ផល​ប៉ះពាល់​ទៅ​លើ​ការ​បញ្ចេញមតិ ក៏​ដូច​ជា ភាព​ច្នៃ​ប្រតិដ្ឋ​ជាដើម​។ កម្មវិធី​រដូវ​វប្បធម៌​ដំណើរការ​ជា​រៀង​រាល់​ឆ្នាំ​ចាប់តាំងពី​ឆ្នាំ​២០១៨ មក​ម្ល៉​៉េះ ដែល​មាន​គោលបំណង​ជំរុញ​ការ​បញ្ចេញមតិ និង​ភាព​ច្នៃប្រឌិត​ទៅ​ដល់​ក្រុម​យុវជន ជា​ពិសេស​និស្សិត​សាកលវិទ្យាល័យ តាម​រយៈ​ការ​សម្តែង សិក្ខាសាលា ការ​តាំងពិព័រណ៍ និង​កិច្ច​សន្ទនា​ពិភាក្សា​។

អង្គការ​សិល្បៈ​ខ្មែរ​អមតៈ បាន​ប្រកាស​ពី​កម្មវិធី​រដូវ​កាល​វប្បធម៌​ឆ្នាំ​២០២៣ ក្រោម​ប្រធានបទ «​តែឯង តែ​យើង​» ដោយនៅ​ក្នុង​នោះ​ទម្រង់​សិល្បៈ​បង្កើត​ថ្មី​ចំនួន​៥ ត្រូវ​បាន​លើកយក​សម្តែង​បង្ហាញ​ជូន​អ្នក​ទស្សនា​។

ទម្រង់​សិល្បៈ​ទាំង​៥​នោះ​រួម​មាន ៖ ល្ខោន​បុរាណ​វត្ត​កៀនស្វាយក្រៅ (​រឿង លិ​ន​ថោ​ង​), របាំ​សហ​សម័យ «​ដូច​ៗ​គ្នា​» (Same Same), របាំ​សហ​សម័យ «​ក្លាយ​» (Become), តន្ត្រី​សហ​សម័យ «​សម្លេង​» (Voice) និង​ល្ខោននិយាយ «​ជម្រើស​ខ្ញុំ​» (My Choice)​។

គោលដៅ​នៃ​គម្រោង សកម្មភាព និង​ការ​សម្តែង​នៅ​ក្នុង​កម្មវិធី​ទាំងនេះ គឺ​ដើម្បី​លើកកម្ពស់ ការ​បញ្ចេញមតិ និង​ភាព​ច្នៃប្រឌិត នឹង​ផ្តល់​ឱកាស​ដល់​សិល្បករ និង​ប្រតិបត្តិ​ករ​ក្នុង​ការ​អភិវឌ្ឍ​ជំនាញ និង​បទ​ពិសោធន៍​ថ្មី​ៗ ព្រមទាំង​កសាង​ធនធានមនុស្ស និង​ទស្សនិកជន​សម្រាប់​វិស័យ​សិល្បៈ​នៅ​កម្ពុជា​៕

អត្ថបទសរសេរ ដោយ

កែសម្រួលដោយ