តាមដីកាបង្គាប់ឲ្យចាប់ខ្លួនរបស់លោក ម៉ម ច័ន្ទវណ្ណៈ ចៅក្រមជំនុំជម្រះសាលាដំបូងរាជធានីភ្នំពេញ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ បានធ្វើការឃាត់ខ្លួនស្ត្រីម្នាក់បញ្ជូនទៅកាន់តុលាការ ដើម្បីនាំយកទៅឃុំខ្លួនក្នុង
រាជធានីភ្នំពេញ ៖ តាមដីកាបង្គាប់ឲ្យចាប់ខ្លួនរបស់លោក ម៉ម ច័ន្ទវណ្ណៈ ចៅក្រមជំនុំជម្រះសាលាដំបូងរាជធានីភ្នំពេញ កាលពីថ្ងៃទី១ ខែមីនា ឆ្នាំ២០២៣ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ បានធ្វើការឃាត់ខ្លួនស្ត្រីម្នាក់បញ្ជូនទៅកាន់តុលាការ ដើម្បីនាំយកទៅឃុំខ្លួនក្នុងពន្ធនាគាររយៈពេល១ឆ្នាំ តាមអំណាចសាលក្រម ដោយគ្មានព្យួរទោស ពីបទ.រំលោ.ភលើទំនុកចិត្ត ។
ជនជាប់ចោទខាងលើនេះមានឈ្មោះ អ៊ិន ទិត្យវិជ្ជរ៉ា ភេទស្រី អាយុ៣៧ឆ្នាំ «នៅលីវ» ស្នាក់នៅផ្ទះជួលលេខ២២B ផ្លូវលេខ១៩១ ស្ថិតក្នុងសង្កាត់ទំនុបទឹក ខណ្ឌបឹងកេងកង រាជធានីភ្នំពេញ។
សាលក្រមបានតម្រូវដាក់ជនជាប់ចោទឲ្យជាប់ពន្ធនាគារកំណត់១ឆ្នាំ គិតចាប់ពីថ្ងៃអនុវត្តទោស និងបង្គាប់ឲ្យប្រធានមណ្ឌលអប់រំកែប្រែទី២ «ម២» ឃុំខ្លួនជនជាប់ចោក្នុងមណ្ឌល តាមអំណាចសាលក្រម ចាប់តាំងពីថ្ងៃប្រកាសសាលក្រមនេះ ពីបទ.រំលោ.ភលើទំនុកចិត្ត ដែលប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២០ តាមបញ្ញតិមាត្រា ៣៩១ និងមាត្រា ៣៩២ នៃក្រមព្រហ្មទណ្ឌ។
ក្រោយពីចាប់ខ្លួន និងនាំខ្លួនកញ្ញា អ៊ិន ទិត្យវិជ្ជរ៉ា បញ្ជូនទៅតុលាការ នៅរសៀលថ្ងៃទី២ ខែមីនា ឆ្នាំ២០២៣ នេះ សមត្ថកិច្ចក៏បាននាំជនជាប់ចោទយកទៅឃុំខ្លួននៅពន្ធនាគារព្រៃ.ស ដើម្បីអនុវត្តទោសតាមអំណាចសាលក្រមនោះ៕
ចែករំលែកព័តមាននេះ