យន្តហោះរុស្ស៊ី១គ្រឿងត្រូវមេដឹកនាំប្រឆាំងបេឡារុសបំផ្លាញ
សង្គ្រាមអ៊ុយក្រែន ៖ ពួកប្រឆាំងបេឡារុសរស់នៅនិរទេសក្រៅស្រុក អះអាង ពីជោគជ័យរបស់ពួកគេ
សង្គ្រាមអ៊ុយក្រែន ៖ ពួកប្រឆាំងបេឡារុសរស់នៅនិរទេសក្រៅស្រុក អះអាង ពីជោគជ័យរបស់ពួកគេ
សង្គ្រាមអ៊ុយក្រែន ៖ ពួកប្រឆាំងបេឡារុសរស់នៅនិរទេសក្រៅស្រុក អះអាង ពីជោគជ័យរបស់ពួកគេក្នុងការធ្វើឲ្យផ្ទុះ កម្ទេចយន្តហោះដ៏ថ្លៃបំផុតមួយគ្រឿងរបស់រុស្ស៊ីនៅព្រលានយន្តហោះMATCHOULICHTCHY ជិតរដ្ឋធានីមីនស្ក៍ ។
ការប្រកាសបែបនោះត្រូវបានធ្វើកាលពីថ្ងៃទី២៦កុម្ភៈ តាមTWITTER ដោយលោកPZAMAK VIACORKA ទីប្រឹក្សាមួយរូបក្នុងចំណោមទីប្រឹក្សាសំខាន់ៗ របស់លោកស្រីSVETLANA TIKHANOVSKAIA មេដឹកនាំប្រឆាំងបេឡារុស។ ទីប្រឹក្សារូបនោះសម្ដែងការអបអរសាទរដល់ការបំផ្លាញយន្តហោះរុស្ស៊ីនេះ ដោយចាត់ទុកថាជាជោគជ័យមួយនៃប្រតិបត្តិការធ្វើវិច្ឆេទកម្មប្រឆាំងរុស្ស៊ី ពុំធ្លាប់មានចាប់តាំងពីផ្ទុះសង្គ្រាមនៅអ៊ុយក្រែនមក។
តាមលោកPZAMAK VIACORKA ថា ជនជាតិបេឡារុស២នាក់ បានធ្វើប្រតិបត្តិការ ដោយប្រើដ្រូនហើយពួកគេអាចចាកចេញពីបេឡារុសនិងកំពុងមានសន្តិសុខ។ លោកមិនបញ្ជាក់ពីប្រភេទយន្តហោះដែលត្រូវបំផ្លាញឡើយតែអះអាងថា យន្តហោះនោះមានតម្លៃ៣៣០លានអឺរ៉ូ។ តាមបណ្ដាសារព័ត៌មានស្និទ្ធពួកប្រឆាំងថា យន្តហោះនេះជាយន្តហោះស៊ើបការណ៍ និងបញ្ជាធុនA-50។
តាមTWITTER លោកស្រី SVETLANA TIKHANOVSKAIA គូសបញ្ជាក់ថា ខ្ញុំមានមោទនភាពដែលពលរដ្ឋបេឡារុស បន្តតស៊ូប្រឆាំងការកាន់កាប់បែបទំនើបរបស់រុស្ស៊ីលើបេឡារុស និងតស៊ូដើម្បីសេរីភាពនៅអ៊ុយក្រែន។ ការអះអាងទាំងនេះមិនអាចត្រួតពិនិត្យដោយប្រភពឯករាជ្យ ហើយកងទ័ពរុស្សុីក៏មិនបានបញ្ចេញប្រតិកម្មដែរក្នុងពេលភ្លាមៗ។
បេឡារុសជាសម្ព័ន្ធមិត្តអឹរ៉ុបរបស់រុស្ស៊ីតែមួយគត់ តែមិនបានចូលរួមដោយផ្ទាល់ក្នុងការវា.យលុករបស់រុស្ស៊ីលើអ៊ុយក្រែន ដោយឲ្យរុស្ស៊ីខ្ចីដែនដីខ្លួន សម្រាប់ការវាយលុកគ្រាដំបូងលើអ៊ុយក្រែន៕
ចែករំលែកព័តមាននេះ