សហភាពសហព័ន្ធយុវជនកម្ពុជា បានត្រៀមរៀបចំយុទ្ធនាការបំបែកឯកគ្គទកម្មពិភពលោកចំនួន២ នៅក្នុងព្រឹត្តការណ៍អង្គរសង្ក្រាន្តឆ្នាំ២០២៣ ដែលរៀបចំធ្វើឡើងនៅលើទឹកដីនៃខេត្តសៀមរាប ខណៈពេលកាលពីឆ្នាំកន្លងមក ព្រឹត្តការណ៍ខាងលើនេះក៏បាន
រាជធានីភ្នំពេញ ៖ សហភាពសហព័ន្ធយុវជនកម្ពុជា បានត្រៀមរៀបចំយុទ្ធនាការបំបែកឯកគ្គទកម្មពិភពលោកចំនួន២ នៅក្នុងព្រឹត្តការណ៍អង្គរសង្ក្រាន្តឆ្នាំ២០២៣ ដែលរៀបចំធ្វើឡើងនៅលើទឹកដីនៃខេត្តសៀមរាប ខណៈពេលកាលពីឆ្នាំកន្លងមក ព្រឹត្តការណ៍ខាងលើនេះក៏បានរៀបចំយុទ្ធនាការបំបែកកំណត់ត្រានេះដូចគ្នា។
បើយោងតាមកិច្ចប្រជុំដែលមានបានរៀបចំឡើងដោយសហភាពសហព័ន្ធយុវជនកម្ពុជាខេត្តសៀមរាប កាលពីពេលថ្មីៗនេះបានឲ្យដឹងថា សម្រាប់ព្រឹត្តិការណ៍ «អង្គរសង្ក្រាន្ត» ឆ្នាំ២០២៣ នឹងមានយុទ្ធនាការប្រកួតរាំម៉ាឌីហ្សុន បំបែកឯកគ្គទកម្មពិភពលោក និងយុទ្ធនាការ Beyond The Games បត់បេះដូងក្រដាសបំបែកឯកគ្គទកម្មពិភពលោក។
ក្នុងន័យនេះ សហភាពសហព័ន្ធយុវជនកម្ពុជា បាននិងកំពុងបញ្ជ្រាបការផ្សព្វផ្សាយពីព្រឹត្តិការណ៍ «អង្គរសង្ក្រាន្ត» ឆ្នាំ២០២៣, យុទ្ធនាការប្រកួតរាំម៉ាឌីហ្សុន បំបែកឯកគ្គទកម្មពិភពលោក និងយុទ្ធនាការ Beyond The Games (លើសពីការប្រកួត) បត់បេះដូងក្រដាស បំបែកឯកគ្គទកម្មពិភពលោក ដល់មន្ទីរ-អង្គភាព ស្ថាប័ន កងកម្លាំងប្រដាប់អាវុធ៣ប្រភេទ ដើម្បីបន្តធ្វើការផ្សព្វផ្សាយអោយកាន់តែទូលំទូលាយ និងផុសផុល ដល់បងប្អូនប្រជាពលរដ្ឋ សិស្សានុសិស្សនៅតាមគ្រឹះស្ថានឧត្តមសិក្សារដ្ឋ និងវិស័យឯកជន ព្រមទាំងសាធារណជននានា ក្នុងការចូលរួមយុទ្ធនាការខាងលើ។
ជាការកត់សម្គាល់ ក្នុងព្រឹត្តិការណ៍អង្គរសង្ក្រាន្តឆ្នាំ២០១៥ កម្ពុជា បានបំបែកឯកគ្គទកម្មដោយអន្សមយក្ស ដែលមានទម្ងន់ជាង៤តោន ហើយនៅឆ្នាំដដែលនេះ ក៏មានការរាំចង្វាក់ម៉ាឌីហ្សុនដែលមានអ្នកចូលរួមចំនួន២០១៥នាក់ ដែលជាការបំបែកកំណត់ត្រាពិភពលោក វាយតម្លៃដោយស្ថាប័ន Guinness ។ ជាមួយគ្នានេះ យើងក៏បានបំបែកឯកគ្គទកម្មថ្នាក់ជាតិតាមរយៈសមិទ្ធផលជាច្រើនដូចជា អុកយក្ស បំពង់ទឹកត្នោតយក្ស មួកស្លឹកត្នោតយក្ស ទាញព្រ័ត្រយក្ស សំបុកមាន់យក្ស កន្ត្រងប្រហុកយក្ស និងចាប៉ីដងវែងយក្សជាដើម។
ដោយឡែកក្នុងឆ្នាំ២០២៣នេះ អង្គរសង្ក្រាន្ត នឹងរៀបចំយុទ្ធនាការបំបែកឯកគ្គទកម្មថ្មីចំនួន២បន្ថែមទៀត សម្រាប់ជាមោទកភាពនៃប្រជាជាតិកម្ពុជា ក្រោមស្មារតីខួប១០ឆ្នាំ នៃមហាព្រឹត្តិការណ៍អង្គរសង្ក្រាន្ត ក្រោមប្រធានបទ «ក្ដីស្រមៃ និងក្ដីសង្ឃឹម» ដែលជាព្រឹត្តិការណ៍នៃការលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពវប្បធម៌ជាច្រើនដូចជា ល្បែ.ងប្រជាប្រិយ របាំបុរាណ របាំប្រពៃណី និងរបាំប្រជាប្រិយ ការបង្ហាញពីជីវភាពរស់នៅរបស់ប្រជាជនកម្ពុជានៅតាមតំបន់ និងសិល្បៈទស្សនីយភាពជាច្រើនទៀត៕
ចែករំលែកព័តមាននេះ