សត្វគោ ក្របី លែងយ៉ាងអាណាធិបតេយ្យនៅសង្កាត់កាកាប២ កំពុងបង្កការក្តៅក្រហាយដល់អ្នកភូមិ
- ភ្នំពេញ
រាជធានីភ្នំពេញ៖ សត្វគោ ក្របី រាប់សិបក្បាលត្រូវបានម្ចាស់ លែងអោយដើរពាសវាលពាសការលយ៉ាង
រាជធានីភ្នំពេញ៖ សត្វគោ ក្របី រាប់សិបក្បាលត្រូវបានម្ចាស់ លែងអោយដើរពាសវាលពាសការលយ៉ាង
រាជធានីភ្នំពេញ ៖ សត្វគោ ក្របី រាប់សិបក្បាលត្រូវបានម្ចាស់ លែងអោយដើរពាសវាលពាសការលយ៉ាងអាណាធិបតេយ្យ នៅតាមដងផ្លូវក្នុងភូមិ នានានៅក្នុងមូលដ្ឋានសង្កាត់កាកាបទី២ បង្កអោយបាត់បង់សណ្តាប់ធ្នាប់ និងមានការក្តៅក្រហាយពីអ្នកភូមិ ព្រោះសត្វ ទាំងនោះបានបំផ្លាញដល់ផលដំណាំនានាហើយពុំត្រូវបានអាជ្ញាធរ យកចិត្តទុកដាក់ទប់ស្កាត់អោយមានប្រសិទ្ធិភាពឡើយ។
តាមព័ត៌មានអោយដឹងថា ជារៀងរាល់ថ្ងៃ គេតែងតែឃើញ ក្របីទាំងហ្វូងៗបានដើរលើដងផ្លូវចេញពីភូមិក្បាលដំរី២(បុរីញ៉ូថោន) ហើយឆ្ពោះទៅដីវាលនានានៅក្នុងភូមិត្រពាំងជ្រៃ ជួនកាល ក៍បានចូលទៅក្នុងភូមិព្រៃសាលា សង្កាត់កាកាប២ ផងដែរ ។ នៅក្នុងការដើរត្រាចចរពេញផ្លូវនេះបង្កអោយបាត់បង់សណ្តាប់នៅតាមដងផ្លូវ ដោយយានយន្ត បាននាំគ្នា គោរព និងឈប់រងចាំ ក្របីទាំងនោះទៅផុត ទើបធ្វើចរាចរណ៍បាន ។ មិនតែប៉ុណ្ណោះ ហ្វូងក្របី ទាំងនោះក៍បានដើរបិចបោកស៊ីដំណាំ នានាបង្កអោយមានការក្តៅក្រហាយពីអ្នកភូមិផងដែរ។
តាមព័ត៌មានអោយដឹងទៀតថា នៅក្នុងមូលដ្ឋានសង្កាត់កាកាប២នេះ មិនថាតែក្របីទេ ក៍មានហ្វូងសត្វគោដែលម្ចាស់ចិញ្ចមលែង អោយដើរយ៉ាងអាណាធិបតេយ្យ ទាំងហ្វូងៗនៅលើដងផ្លូវនិងដើមចូលទៅក្នុងដីឡូតិ៍នានាបំផ្លាញផលដំណាំអ្នកភូមិ បង្កអោយមានការក្តៅក្រហាយផងដែរ។
តាមមន្ត្រីសង្កាត់កាកាបទី២ម្នាក់ បានអោយដឹងថា កន្លងមក ដោយសារតែមានប្រជាពលរដ្ឋ ប្តឹង អាជ្ញាធរសង្កាត់ ក៍បានចុះចាប់គោ ក្របី លែងទាំងនោះ ដើម្បីអោយម្ចាស់ចូលខ្លួន ហើយ ធ្វើការអប់រំជាច្រើនដងមកហើយ តែ ម្ចាស់គោក្របីទាំងនោះមិនស្តាប់តាមការណែនាំ ហើយនៅតែចិញ្ចឹមគោ ក្របី លែងអោយដើរពាសវាលបែបនេះទៀត។
តាមប្រជាពលរដ្ឋ ក៏បានទទូចស្នើសុំដល់អាជ្ញាធរ គ្រប់ជាន់ថ្នាក់ ដើម្បីមានវិធានការយ៉ាងតឹងរឹង ចំពោះ ម្ចាស់គោក្របី ទាំងនោះជាការចូលរួមទប់ស្កាត់ការកើតមានគ្រោះថ្នាក់ចរាចរណ៍ និងរៀបចំសណ្តាប់ធ្នាប់នៅលើដងផ្លូវអោយកាន់តែប្រសើរឡើង។ ម្យ៉ាងទៀតការចិញ្ចឹមសត្វគោ ក្របី លែងវាក៏បានបំផ្លិចបំផ្លាញផលដំណាំផងដែរ៕
ចែករំលែកព័តមាននេះ