ជាការពិតណាស់ កាលពីវេលាម៉ោង៩និង៤៣នាទី ថ្ងៃទី០៩ ខែមករា ឆ្នាំ២០២៣ ម្សិលមិញនេះ Miss Grand Cambodia 2017 គឺកញ្ញា ខ្លឹមស្រីគា បានប្រកាសអំពីដំណឹងមរណទុក្ខដ៏ក្រៀមក្រំបំផុត ដោយលោកយាយជាទីគោរពស្រលាញ់ និងជាម្លប់ដ៏ត្រជាក់របស់កញ្ញា
រាជធានីភ្នំពេញ ៖ ជាការពិតណាស់ កាលពីវេលាម៉ោង៩និង៤៣នាទី ថ្ងៃទី០៩ ខែមករា ឆ្នាំ២០២៣ ម្សិលមិញនេះ Miss Grand Cambodia 2017 គឺកញ្ញា ខ្លឹមស្រីគា បានប្រកាសអំពីដំណឹងមរណទុក្ខដ៏ក្រៀមក្រំបំផុត ដោយលោកយាយជាទីគោរពស្រលាញ់ និងជាម្លប់ដ៏ត្រជាក់របស់កញ្ញា បានទទួលមរណភាពលាចាកឆ្ងាយគ្មានថ្ងៃវិលត្រឡប់។
នេះបើយោងតាមការបង្ហោះនៅលើបណ្ដាញសង្គម ដែលមានឈ្មោះជាភាសាអង់គ្លេសថា «Khloem Sreykea» កញ្ញាបានបង្ហោះរូបភាពកាន់ទុក្ខលោកយាយជាទីស្រលាញ់មួយសន្លឹក រួចភ្ជាប់ជាមួយសំណេរសរសេររៀបរាប់ថា ៖ សូមវិញ្ញាណក្ខន្ធលោកយាយបានទៅកាន់សុខគតិភព។ ពេលនេះយាយលាកូនចៅរហូតហើយ។
យ៉ាងណាមិញ ក្រោយឃើញការប្រកាសនៅមរណភាពលោកយាយរបស់កញ្ញា ខ្លឹម ស្រីគា ភ្លាម យើងសង្កេតឃើញថា មានមហាជនអ្នកនិយមប្រើប្រាស់បណ្ដាញសង្គមហ្វេសប៊ុក ក៏ដូចជាអ្នកគាំទ្រយ៉ាងច្រើនបាននាំគ្នាបញ្ចេញមតិសម្ដែងការសោកស្ដាយយ៉ាងខ្លាំង និងនាំគ្នាចូលរួមរំលែកទុក្ខដ៏ក្រៀមក្រំចំពោះការបាត់បង់លោកយាយជាទីគោរពស្រលាញ់គ្មានថ្ងៃវិលត្រឡប់។
ជាមួយគ្នានេះ កញ្ញា ខ្លឹម ស្រីគា ក៏បានធ្វើការអរគុណទៅកាន់បងប្អូនអ្នកគាំទ្រទាំងអស់ ដែលបានចូលរួមរំលែកទុក្ខចំពោះមរណភាពលោកយាយរបស់កញ្ញា ហើយកញ្ញាក៏បានជូនពរមហាជនទាំងអស់ឲ្យមានសុខភាពល្អផងដែរ។
ចែករំលែកព័តមាននេះ