គ្រាន់តែឈប់រ៉ឺម៉ក់និយាយទូរស័ព្ទមួយភ្លែត សន្តិសុខហៅបក្សពួកមកវា.យផ្អើលមុខបុរី
- ភ្នំពេញ
បុរសជាជាងជួសជុលម៉ាស៊ីនត្រជាក់ម្នាក់ឈប់រ៉ឺម៉កចតនៅមុខបុរី ហើយនិយាយទូរស័ព្ទមួយភ្លែតសោះ ក៏ត្រូវសន្តិសុខយាមបុរីហៅបក្សពួក មក
បុរសជាជាងជួសជុលម៉ាស៊ីនត្រជាក់ម្នាក់ឈប់រ៉ឺម៉កចតនៅមុខបុរី ហើយនិយាយទូរស័ព្ទមួយភ្លែតសោះ ក៏ត្រូវសន្តិសុខយាមបុរីហៅបក្សពួក មក
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាជាងជួសជុលម៉ាស៊ីនត្រជាក់ម្នាក់ឈប់រ៉ឺម៉កចតនៅមុខបុរី ហើយនិយាយទូរស័ព្ទមួយភ្លែតសោះ ក៏ត្រូវសន្តិសុខយាមបុរីហៅបក្សពួក មកវា.យបុរសរងគ្រោះ បណ្តាលឱ្យរងរបួសធ្ងន់ ហើយត្រូវបានប្រជាពលរដ្ឋឃើញក៏ទាក់ទងទៅសមត្ថកិច្ចភ្លាមៗ បង្កឲ្យមានការភ្ញាក់ផ្អើលកាលពីវេលាម៉ោង៩និង៥០នាទី យប់ ថ្ងៃទី៦ ខែធ្នូ ឆ្នាំ២០២២ នៅតាមបណ្ដោយផ្លូវបេតុង ត្រង់ចំណុចមុខបុរី« អូគីដេវីឡា» ស្ថិតនៅក្នុងសង្កាត់គោកឃ្លៀង ខណ្ឌសែនសុខ ។
សេចក្តីរាយការណ៍បានបន្តថា ជនរងគ្រោះខាងលើមានឈ្មោះ សែ គឹមសៀត ភេទប្រុស អាយុ៤៥ឆ្នាំ មុខរបរជាងជួសជុលម៉ាស៊ីនត្រជាក់ រស់នៅនៅម្តុំវត្តព្រៃស្ពឺ សង្កាត់ចោមចៅ ខណ្ឌពោធិ៍សែនជ័យ ។
បើតាមប្រភពព័ត៌មានពីជនរងគ្រោះបាននិយាយប្រាប់ថា នៅមុនពេលកើតហេតុ គាត់បានត្រឡប់មកពីជួសជុលម៉ាស៊ីនត្រជាក់នៅផ្ទះប្អូន ហើយក៏បានធ្វើដំណើរតាមបណ្តោយផ្លូវខាងលើ លុះមកដល់ទល់មុខការដ្ឋានសំណង់ គាត់ក៏បានឈប់រ៉ឺម៉កសណ្តោងដើម្បីនិយាយទូរស័ព្ទបានបន្តិច ក៏ស្រាប់តែឃើញសន្តិសុខយាមការដ្ឋានសំណង់បានមកស្តីអោយគាត់ ដោយនិយាយថា «ឈប់ចតរ៉ឺម៉កសណ្តោងត្រង់នឹងធ្វើអ្វីកុំចតត្រង់នឹង» ចំណែករូបគាត់ (ជនរងគ្រោះ) ក៏បាននិយាយទៅកាន់ខាងសន្តិសុខនោះវិញថា «គ្រាន់តែចតរ៉ឺម៉កសណ្តោងនៅកន្លែងនឹងម្តេចមិនបាន ឈប់និយាយទូរស័ព្ទបន្តិចសោះ ផ្លូវសាធារណៈសោះនឹង»។
ជនរងគ្រោះបន្តទៀតថា បន្ទាប់មកសន្តិសុខនោះក៏បានទាក់ទងទៅបក្សពួកម្នាក់ទៀតមកដល់ រួចយកពិលមកវា.យគាត់ធ្វើឱ្យរងរបួសធ្ងន់ ដោយបាក់ក្តោងច្រមុះ ហើយនៅពេលនោះដោយមានប្រជាពលរដ្ឋឃើញហេតុការណ៍ក៏ស្រែកអោយគេជួយរូបគាត់ (ជនរងគ្រោះ) ទើបសន្តិសុខ និងបក្សពួកនាំគ្នារត់ចេញពីកន្លែងកើតហេតុបាត់ទៅ។
បន្ទាប់មក បងប្អូនប្រជាពលរដ្ឋក៏បានទាក់ទងទៅសមត្ថកិច្ចនគរបាលប៉ុស្តិ៍ភ្លាមៗ ដើម្បីជួយអន្តរាគមន៍ តែពេលកម្លាំងនគរបាលប៉ុស្តិ៍មកដល់ចំណុចកើតហេតុ ដោយមិនឃើញជនបង្ក និងបក្សពួកនៅកន្លែងកើតហេតុនោះទេ។
ជនរងគ្រោះបានរៀបរាប់ប្រាប់សមត្ថកិច្ច និងបងប្អូនប្រជាពលរដ្ឋថា គាត់គឺជាជាងជួសជុលម៉ាស៊ីនត្រជាក់ ដោយសារចាំបាច់ទើបគាត់និយាយទូរស័ព្ទ ហើយជនរងគ្រោះក៏បានបង្ហាញសម្ភារៈរបស់គាត់នៅលើម៉ូតូសណ្តោងរ៉ឺម៉ក គឺសុទ្ធតែគ្រឿងសម្ភារៈជួសជុលម៉ាស៊ីនត្រជាក់តែប៉ុណ្ណោះ។
ក្រោយពេលកើតហេតុ សមត្ថកិច្ចនគរបាលប៉ុស្តិ៍ក៏បាននាំជនរងគ្រោះទៅដាក់ពាក្យបណ្ដឹងនៅប៉ុស្តិ៍នគរបាលសង្កាត់គោកឃ្លៀង ដើម្បីសួរនាំ នឹងទទួលបណ្តឹងតាមចាប់ជនបង្កមកផ្តន្ទាទោសតាមច្បាប់៕
ចែករំលែកព័តមាននេះ