ទីក្រុងចំនួន២ ជាប់ចំណាត់ថ្នាក់ជាទីក្រុងថ្លៃបំផុតលើលោក ក្នុងឆ្នាំ២០២២
អាមេរិក និងសិង្ហបុរី ៖ New York និង Singapore ជាប់ចំណាត់ថ្នាក់លេខ ១ ស្ទួនជាទីក្រុងមានតម្លៃ
អាមេរិក និងសិង្ហបុរី ៖ New York និង Singapore ជាប់ចំណាត់ថ្នាក់លេខ ១ ស្ទួនជាទីក្រុងមានតម្លៃ
អាមេរិក និងសិង្ហបុរី ៖ New York និង Singapore ជាប់ចំណាត់ថ្នាក់លេខ ១ ស្ទួនជាទីក្រុងមានតម្លៃថ្លៃបំផុតក្នុងពិភពលោកក្នុងឆ្នាំ ២០២២នេះ។ នេះបើយោងតាមការស្ទង់មតិប្រចាំឆ្នាំរបស់ស្ថាប័ន Economist Intelligence Unit (EIU)។
នេះជាលើកទីមួយហើយដែលទីក្រុង New York ស្ថិតនៅចំណាត់ថ្នាក់កំពូលនេះ។ ទីក្រុង Tel Aviv របស់អ៊ីស្រាអែលដែលជាប់ចំណាត់លេខ ១ កាលពីឆ្នាំមុន ឥឡូវនេះធ្លាក់មកលេខ ៣។
របាយការណ៍ស្ទង់មតិរបស់ EIU និយាយថា សរុបមក ការចំណាយលើការរស់នៅក្នុងទីក្រុងធំៗបំផុតក្នុងពិភពលោកកើនឡើង ៨,១ភាគរយនៅឆ្នាំនេះ។
សង្គ្រាមនៅអ៊ុយក្រែន និងផលប៉ះពាល់របស់កូវីដលើសង្វាក់ផ្គត់ផ្គងត្រូវបានគេកំណត់ថាជាកត្តានៅពីក្រោយការកើនឡើងនេះ។
អតិផរណាធ្វើឱ្យតម្លៃកើនឡើងខ្ពស់នៅទីក្រុង Istanbul (តួកគី), Beunos Aires (អាហ្សង់ទីន) និង Tehran (អ៊ីរ៉ង)។
អតិផរណាខ្ពស់នៅអាមេរិកជាហេតុផលមួយដែលរុញច្រានទីក្រុង New York ឱ្យឈរនៅលើកំពូលតារាទីក្រុងថ្លៃបំផុតក្នុងលោក។
ទីក្រុង Los Angeles និង San Francisco របស់អាមេរិកក៏ស្ថិតនៅក្នុងចំណោមទីក្រុងថៃ្លបំផុតទាំង ១០ផងដែរ។
ការស្ទង់មតិនេះប្រៀបធៀបការចំណាយគិតជាលុយដុល្លារអាមេរិកសម្រាប់ទំនិញ និងសេវាកម្មនៅក្នុងទីក្រុងចំនួន ១៧៣ជុំវិពិភពលោក ប៉ុន្តែទីក្រុង Kyiv របស់អ៊ុយក្រែនមិនរាប់បញ្ជូនក្នុងការស្ទង់មតិឆ្នាំនេះទេ។
ខាងក្រោមនេះជាទីក្រុងដែលស្ថិតក្នុងបញ្ជីទីក្រុងថ្លៃបំផុតក្នុងលោក៖
១ = New York (អាមេរិក)
១ = Singapore (សិង្ហបុរី)
៣ = Tel Aviv (អ៊ីស្រាអែល)
៤ = Hong Kong (ចិន)
៥ = Los Angeles (អាមេរិក)
៦ = Zurich (ស្វីស)
៧ = Geneva (ស្វីស)
៨ = San Francisco (អាមេរិក)
៩ = Paris (បារាំង)
១០ = Sydney (អូស្ត្រាលី)
១០ = Copenhagen (ដាណឺម៉ាក)៕ (យោងតាមប្រភព៖ BBC)
ចែករំលែកព័តមាននេះ