មិនដឹងថា កញ្ញាឯកលំដាប់រងទី១ ហង្ស សុរិយ៉ាន់ មានរឿងផ្ទុះបញ្ហានៅពីក្រោយខ្នងអ្វីខ្លះនោះទេ? បានជារុញអោយរាជនីសម្រស់មួយនេះ ប្រកាសបញ្ចប់ការងារពីស្ថាប័នបវរកញ្ញា ដែលគ្រប់គ្រងដោយ
រាជធានីភ្នំពេញ ៖ មិនដឹងថា កញ្ញាឯកលំដាប់រងទី១ ហង្ស សុរិយ៉ាន់ មានរឿងផ្ទុះបញ្ហានៅពីក្រោយខ្នងអ្វីខ្លះនោះទេ? បានជារុញអោយរាជនីសម្រស់មួយនេះ ប្រកាសបញ្ចប់ការងារពីស្ថាប័នបវរកញ្ញា ដែលគ្រប់គ្រងដោយ លោកអ៊ិន សុភិន។ បណ្តាហ្វេនៗជាច្រើននាក់បាននាំគ្នាស្រឡាំងកាំង នៅពេលបានឃើញលិខិតដាក់ពាក្យលាលែងតំណែង ខណៈដែលខំប្រកួតប្តូរដោយសមត្ថភាពយ៉ាងលំបាក។
ស្រីស្អាត ហង្ស សុរិយ៉ាន់ ត្រូវបានអ្នកតាមដានមើលឃើញថា ជាបេក្ខនារីជើងខ្លាំងមួយ ដែលយល់ពីការប្រឡងលើវេទិកាប្រឡងបវរកញ្ញា។ សុរិយ៉ាន់ មានបទពិសោធន៍លើការប្រកួតម្តងហើយម្តងទៀត ហើយធ្លាប់ប្រឡងកម្មវិធីបវរកញ្ញាភពផែនដី និងកញ្ញាឯកចក្រវាឡកម្ពុជាឆ្នាំ២០២២ ចូលដល់១០នាក់ចុងក្រោយ។ ហ្វេនៗមានការអបអរ ដោយនាងបានក្លាយជាកញ្ញាឯករងទី១ Miss Grand Cambodia សមតាមបំណង និងជឿជាក់ថា នាងដើរដល់វិថីមួយល្បីល្បាញដែលខំតស៊ូ។ ដូចនេះមិនដឹងថា តើនាងមានមូលហេតុល្អក់កករអ្វីខ្លះ បានជាជម្រុញអោយនាងបោះបង់លែងសោកស្តាយដូច្នេះ?។
មានការលើកឡើងថា មកពីស្រីស្អាត សុរិយ៉ាន់ អន់ចិត្តខ្លះរឿង មិនសូវបានការជួយជ្រោមជ្រែងពីថ្នាក់លើ ដែលនាងខំប្រកួតទំរាំឈ្នះ។ ម្យ៉ាងទៀត នាងត្រូវបាត់ឱកាសចេញទៅប្រកួតនៅក្រៅប្រទេស ព្រោះលេចឮថា បើចង់ទៅប្រកួតតម្រូវអោយរកថវិកាចេញលុយចំណាយដោយខ្លួនឯង។ ចំណុចនេះត្រូវបានទស្សនិកជនវា.យតម្លៃថា ក្រុមហ៊ុនគួររកវិធី ហើយរកដៃគូជួយទើបត្រូវ មិនគួរអោយតំណាងបេក្ខភាពខ្នះខ្នែងតែម្នាក់ឯងនោះទេ ព្រោះមុខមាត់ទាំងអស់គ្នា។ អ្នកតាមដានរង់ចាំមើលតទៅទៀតថា តើហង្ស សុរិយ៉ាន់ បន្តអុកឡុកបវរកញ្ញា ឬបិទបញ្ចប់ ហើយងាកមករកការងារជាតារាសម្តែងវិញឬយ៉ាងណា?។
ចែករំលែកព័តមាននេះ