មានការចាប់អារម្មណ៍ ព្រោះតារា១គូដែលកំពុងតែល្បីឈ្មោះ គឺ ពេជ្រ សោភា និងលោក សក្កដា បានធ្វើរឿងមួយដ៏មានន័យ ហើយផ្តើមសំពះផ្ទឹមក្រោមពាក្យជូនពរគ្រប់ទិសទី។ នេះជាការបើកវាំងននខ្មៅ ដែលឮថា ពាក្យស្នេហ៍ក្លែងក្លាយត្រូវបានបិទបញ្ចប់។ ហើយអ្នកគាំទ្រក៏រំភើបតាមហ្នឹង ក្នុងពេលឃើញ
រាជធានីភ្នំពេញ ៖ មានការចាប់អារម្មណ៍ ព្រោះតារា១គូដែលកំពុងតែល្បីឈ្មោះ គឺ ពេជ្រ សោភា និងលោក សក្កដា បានធ្វើរឿងមួយដ៏មានន័យ ហើយផ្តើមសំពះផ្ទឹមក្រោមពាក្យជូនពរគ្រប់ទិសទី។ នេះជាការបើកវាំងននខ្មៅ ដែលឮថា ពាក្យស្នេហ៍ក្លែងក្លាយត្រូវបានបិទបញ្ចប់។ ហើយអ្នកគាំទ្រក៏រំភើបតាមហ្នឹង ក្នុងពេលឃើញរូបភាពល្អនេះកើតឡើងច្បាស់ៗ។
ពេជ្រ សោភា និងតារាប្រុសរាងសង្ហា ឆឹម សក្កដា កំពុងតែបន្ថែមឡើងនូវល្បឿនស្នេហ៍ឆេះឡើងជាថ្មី។ អ្នកទាំង២ បានប្រកាសស្នេហាដាច់ដោចគ្នា ប៉ុន្តែចុងក្រោយនេះ ចេញនូវពន្លឺស្នេហ៍ផ្អែមល្ហែមងើបឡើងវិញ មិនខុសពីរឿងច្របូកច្របល់ម្តងជួបម្តងបែក។
តារាចម្រៀង នាង ពេជ្រ សោភា និងលោក ឆឹម សក្កដា បានភ្ជាប់ទំនាក់ទំនងស្នេហារបស់ពួកគេឡើងវិញហើយ បន្ទាប់ពីចំណងស្នេហ៍នេះ ត្រូវបានកាត់ផ្តាច់អស់រយៈពេលប៉ុន្មានឆ្នាំចុងក្រោយនេះ។ ទំនាក់ទំនងនេះ បានស្តែងអោយមហាជនបានឃើញ បន្ទាប់ពីអ្នកទាំងពីរចូលរួមពិធីមង្គលការក្មួយប្រុសរបស់ ពេជ្រ សោភា ដែលបានរៀបចំឡើងកាលពីពេលថ្មីៗនេះ។
តាមរយៈរូបភាពសកម្មភាពដែលត្រូវបានគេចែកចាយនៅលើបណ្តាញសង្គមនោះ បានឃើញ ពេជ្រ សោភា និងលោក ឆឹម សក្កដា បានចាប់គូគ្នាឡើងកាត់សក់អោយក្មួយ និងបានឈរកៀកកិតគ្នានៅពីមុខរោងការ ដើម្បីស្វាគមន៍ភ្ញៀវដែលបានអញ្ជើញមកថែមទៀតផង។ ហើយអ្វីដែលកាន់តែពិសេសនោះ អ្នកទាំងពីរក៏បានបង្ហាញសកម្មភាពអោបរឹតគ្នាយ៉ាងស្និទ្ធស្នាលនៅចំពោះមុខមហាជនក្នុងអំឡុងពេលកូនកំលោះ និងកូនក្រមុំដើរចូលទៅក្នុងពិធីកាត់នំទៀតផង។
តាមរយៈសកម្មភាពទាំងអស់នេះពិតច្បាស់ណាស់ថា ពេជ្រ សោភា និង ឆឹម សក្កដា ពិតជាបង្កាត់ភ្លើងជាមួយគ្នាឡើងវិញ ក្រោយស្នេហារបស់ពួកគេបានដើរដល់ផ្លូវបំបែកអស់រយៈពេលប៉ុន្មានឆ្នាំមកនេះ។ មកដល់ពេលនេះ ការសង្ស័យនេះបានលេចចេញជារូបរាងការពិតហើយ បន្ទាប់ពីអ្នកទាំងពីរបានបង្ហាញភាពស្និទ្ធស្នាលជាថ្មីនៅថ្ងៃមង្គលការក្មួយនាពេលនេះ។ បណ្តាអ្នកគាំទ្រ ក៏បានចូលរួមសម្តែងការអបអរសាទរសម្រាប់ពន្លកស្នេហ៍របស់ ពេជ្រ សោភា និង ឆឹម សក្កដា បានដុះសារជាថ្មីឡើងវិញ។ គេក៏រំពឹងថា គូស្នេហ៍តារាមួយគូនេះ នឹងអាចឈានដល់មង្គលការជាផ្លូវការនាពេលខាងមុខនេះ ក្នុងពេលដែល ពេជ្រ សោភា ក៏ធ្លាប់ព្រលយពាក្យចូលរោងការឆាប់ៗនេះដែរ។
ពេជ្រ សោភា ត្រូវគេទម្លាយនៅថ្ងៃនេះថា នាងបានភ្ជាប់ពាក្យជាផ្លូវការជាមួយតារាសម្ដែងលោក ឆឹម សក្កដា នៅថ្ងៃទី១១ ខែវិច្ឆិកា ឆ្នាំ២០២២នេះ។ ពិធីនោះ មានក្រុមគ្រួសារទាំងសងខាងបានចូលរួម ខណៈពេលដែល សោភា បានប្រាប់នៅថ្ងៃមង្គលការរបស់ក្មួយនាងកាលពីថ្ងៃទី៣ ខែវិច្ឆិកា ថា នាងមិនបានហៅភ្ញៀវអ្នកសិល្បៈមកការក្មួយច្រើននោះទេ ព្រោះទុកហៅកម្មវិធីខ្លួនឯង។ ប៉ុន្ដែ សោភា មិនបានបញ្ជាក់ថា តើមង្គលការនាងនឹងលោកសក្កដា ធ្វើនៅចុងឆ្នាំ២០២២ ឬដើមឆ្នាំ២០២៣ ឡើយ?។
សូមបញ្ជាក់ថា ពេជ្រ សោភា បានប្រើជីវិតជាស្ត្រីមេម៉ាយអស់ជិត៦ឆ្នាំ ក្រោយនាងចែកផ្លូវជាមួយអតីតប្ដីអាណិកជនខ្មែរមកពីអាមេរិកកាលពីឆាំ២០១៦។ សោភា បានបង្ហាញស្នេហ៍ជាចំហជាមួយលោកសក្កដា នៅឆ្នាំ២០១៧ ក្រោមការសង្ស័យថា ពួកគេសាងស្នេហា «ក្លែងក្លាយ» ព្រោះមានពាក្យចរចាមអារ៉ាមថា លោកសក្កដា គ្មានអារម្មណ៍ជាមួយមនុស្សស្រី។ ប៉ុន្ដែពេលនេះ អ្វីៗបានបង្ហាញច្បាស់ថា ពួកគេនឹងរៀបការជាមួយគ្នានាពេលឆាប់ៗខាងមុខនេះហើយ។
គួររំលឹកផងដែរថា ពិតទេ! ពេជ្រ សោភា និង ឆឹម សក្កដា បង្កើតចំណងស្នេហ៍ជាថ្មីឡើងវិញ ក្រោយបង្ហាញភាពស្និទ្ធស្នាល ៕
ចែករំលែកព័តមាននេះ