ពិតជាបុរសសំបូរស្នេហ៍មែន ស្រីណាឃើញក៏ចង់បានដែរ ប្រិយមិត្តពុកម៉ែបងប្អូនដែលនិយមលេងនៅក្នុងបណ្ដាញទំនាក់ទំនងសង្គមហ្វេសប៊ុកជាច្រើន ប្រាកដជាបានដឹងតាមដាន និងបានលឺហើយនៅរឿងរ៉ាវស្នេហារបស់តារាចម្រៀងប្រុសវ័យក្មេងដ៏លេចធ្លោកំពុងតែទទួលបាន
រាជធានីភ្នំពេញ ៖ ពិតជាបុរសសំបូរស្នេហ៍មែន ស្រីណាឃើញក៏ចង់បានដែរ ប្រិយមិត្តពុកម៉ែបងប្អូនដែលនិយមលេងនៅក្នុងបណ្ដាញទំនាក់ទំនងសង្គមហ្វេសប៊ុកជាច្រើន ប្រាកដជាបានដឹងតាមដាន និងបានលឺហើយនៅរឿងរ៉ាវស្នេហារបស់តារាចម្រៀងប្រុសវ័យក្មេងដ៏លេចធ្លោកំពុងតែទទួលបាននៅការគាំទ្រពីសំណាក់ទស្សនិកជនមួយរូបនោះ គឺនាយ ចឺម ដែលបានបែកបាក់ជាមួយគូស្នេហ៍របស់លោក គឺអ្នកនាង សេង សុឃីម កាលពីកន្លងទៅ។
ជាក់ស្ដែង អ្វីដែលនឹកស្មានមិនដល់ទៅវិញនោះ ក្រោយពីបែកបាក់ស្នេហ៍ចាស់មិនទាន់បានប៉ុន្មានផង មានអីស្រាប់តែថ្មីៗនេះ អ្នកលេងបណ្តាញសង្គម Tik Tok ជាច្រើន បាននាំគ្នាប្រទះឃើញ និងកំពុងតែផ្ទុះការចាប់អារម្មណ៍ជាខ្លាំង ក្រោយឃើញតារាចម្រៀងប្រុសម្ចាស់បទដែលមានចំណងជើងថា «មនុស្សប្រុសមានសង្សារច្រើនមិនមែនសុទ្ធតែសាវ៉ា» ប្រចាំផលិតកម្មសាន់ដេរូបនេះ បានថតកៀកកើយគ្នាយ៉ាងស្និទ្ធស្នាលផ្អែមល្ហែម សើចសប្បាយរីករាយជាមួយតារាសម្តែងស្រីវ័យក្មេង ដែលមានរូបសម្រស់ស្រស់ស្អាត នោះគឺកញ្ញា ជេស៊ីកា ។
ដោយតារាស្រីរូបនេះ បានធ្វើការបង្ហោះវីដេអូនៅក្នុងបណ្ដាញសង្គមគណនី Tik Tok របស់ខ្លួន ថែមទាំងភ្ជាប់ជាមួយសារដ៏គួរអោយចាប់អារម្មណ៍បែបនេះថា «៨ឆ្នាំកន្លងផុតទៅ! ៤ឆ្នាំអត់និយាយរកគ្នា» ដែលមើលទៅអ្នកទាំង២ ហាក់បីដូចជាពីមុនមកធ្លាប់មានទំនាក់ទំនងស្នេហានឹងគ្នាអញ្ជឹង។
បន្ទាប់ពីបានឃើញតារាស្រីរូបនេះនិយាយបែបនឹងរួច ក៏មានអ្នកគាំទ្រមិនតិចនាក់នោះទេ បាននាំគ្នាចូលទៅខមិនថា «ស្រឡាញ់គ្នាម្ដងទៀតទៅ idol» «សមគ្នាម្ល៉េះទេលោកអើយ ចង់អោយបងទាំងពីរស្រលាញ់គ្នាខ្លាំងណាស់» «គួរអោយស្រលាញ់ម្ល៉េះអាយដលទាំងពីរ»។ អ្នកខ្លះទៀតលើកឡើងបែបលេងសើចថា «សង្ឃឹមថាថ្ងៃណាមួយបងចឺម នឹងស្មោះដូចជាខ្ញុំទៅចុះ» «តារាចម្រៀងល្បីទៅណា ក៏គេរាប់អានដែរ កុំគិតថាគេសាវ៉ាពេក» «ចូលអន្ទាក់ទៀតហើយ» «លួចច្រណែនបងចឺមម៉េចទេខ្ញុំ»។
គួររំលឹកថា បើគិតមកទល់ពេលនេះ ប្រហែលមានរយៈពេលប្រមាណជាង១ខែមកហើយ ដែលតារាចម្រៀងប្រុសដ៏ល្បីល្បាញនាយ ចឺម រូបនេះ បានបែកបាក់គ្នាជាមួយនឹងគូស្នេហ៍របស់លោក ដែលគេគ្រប់គ្នាស្គាល់ថា «ជាអ្នកមេម៉ាយកូនមួយ សាច់.សខ្ចីដូចបណ្ដូលចេក អ្នកនាង សេង សុខឃីមនោះ បន្ទាប់ពីអ្នកទាំងពីរបានទាក់ទងគ្នាបាន១ឆ្នាំ ហើយក៏ប្រកាសបែកបាក់ស្នេហ៍ទៅវិញ ដំណឹងមួយនេះផងដែរ បានធ្វើអោយអ្នកគាំទ្រហាក់នាំគ្នានិយាយមិនចេញ និងមានការសោកស្ដាយសម្រាប់គូស្នេហ៍របស់អ្នកទាំងពីរគ្រប់ៗគ្នាតែម្ដង ព្រោះមិននឹកស្មានថា ពួកគេបែកគ្នាលឿនដល់ថ្នាក់នេះនោះឡើយ៕
https://www.tiktok.com/@jessica__ka08/video/7155431580822048027?is_from_webapp=1&sender_device=pc&web_id=7074845722890782210
ចែករំលែកព័តមាននេះ