តៃវ៉ាន់ប្រកាសថា នឹងមិនពឹងអ្នកដទៃដើម្បីការពារខ្លួននោះទេ
តៃវ៉ាន់ ៖ ប្រធានាធិបតីតៃវ៉ាន់ លោកស្រី Tsai Ing-wen បានប្រកាសកាលពីថ្ងៃពុធ ទី ៥ តុលា
តៃវ៉ាន់ ៖ ប្រធានាធិបតីតៃវ៉ាន់ លោកស្រី Tsai Ing-wen បានប្រកាសកាលពីថ្ងៃពុធ ទី ៥ តុលា ម្សិលមិញនេះថា តៃវ៉ាន់នឹងមិនពឹងលើអ្នកដទៃសម្រាប់ការពារខ្លួននោះទេ ខណៈលោកស្រីក៏បានស្វាគមន៍ចំពោះការប្តេជ្ញាចិត្តរបស់អាមេរិកចំពោះសន្តិសុខតៃវ៉ាន់ចំពេលមានអ្វីដែលលោកស្រីហៅថាជាការឈ្លានពានរបស់ចិនលើអធិយតេយ្យភាពរបស់ខ្លួន។
ការបញ្ជាក់របស់ស្ត្រីខ្លាំងរូបនេះកើតឡើងក្រោយពេលប្រធានាធិបតីអាមេរិក Joe Biden បានសន្យាកាលពីខែកញ្ញាដើម្បីការពារតៃវ៉ាន់ ប្រសិនមានការវា.យប្រហារពីចិន។
ក្នុងសុន្ទរកថាទៅកាន់វិទ្យាស្ថានតៃវ៉ាន់សកល (Global Taiwan Institution) ដែលមានមូលដ្ឋាននៅ Washington លោកស្រី Tsai Ing-wen បានអរគុណដល់រដ្ឋបាលរបស់លោក Joe Biden និងសភាអាមេរិកសម្រាប់ការរក្សាការប្តេជ្ញាចិត្តចំពោះសន្តិសុខតៃវ៉ាន់ និងសម្រាប់ការលក់អាវុ.ធនាពេលថ្មីៗដល់តៃវ៉ាន់។
លោកស្រីថ្លែងថា «ប៉ុន្តែយើងនឹងមិនពឹងលើអ្នកដទៃដើម្បីមកការពារយើងនោះទេ។ នេះជាមូលហេតុដែលខ្ញុំចង់រម្លឹកឡើងវិញថា តៃវ៉ាន់មានការប្តេជ្ញាចិត្តយ៉ាងពេញលេញក្នុងការការពារសន្តិសុខ និងរក្សារបៀបរស់នៅបែបប្រជាធិបតេយ្យរបស់យើង។ យើងក៏កំពុងធ្វើការដើម្បីសម្របយុទ្ធសាស្ត្រការពាររបស់យើងទៅនឹងការគំរា.មកំហែងដែលយើងប្រឈម»។
សូមបញ្ជាក់ថា មហាយក្សចិនតែងចាត់ទុកតៃវ៉ាន់ជាផ្នែកមួយរបស់ខ្លួន និងប្រកាសរួបរួមគ្នាវិញនាពេលអនាគត ប៉ុន្តែមេដឹកនាំតៃវ៉ាន់បដិសេធការអះអាងរបស់ចិន និងប្រកាសពីការប្តេជ្ញាចិត្តក្នុងការការពារសេរីភាព និងប្រជាជន។
កាលពីថ្ងៃពុធ ទី ៥ តុលាម្សិលមិញនេះ តៃវ៉ាន់រាយការណ៍ថា យន្តហោះចម្បាំងចិនចំនួន ៨គ្រឿងបានហោះឆ្លងកាត់ខ្សែបន្ទាត់កណ្តាល។
លោកស្រី Tsai Ing-wen និយាយថា ប្រតិបត្តិការនោះរំលោ.ភលើអធិបតេយ្យភាពរបស់តៃវ៉ាន់ និងគំរា.មកំហែងដល់សន្តិភាព និងស្ថិរភាពនៅក្នុងតំបន់ឥណ្ឌូប៉ាស៊ីភិច៕ (យោងតាមប្រភព៖ Reuters)
ចែករំលែកព័តមាននេះ