តារាស្រី Pinky Savika ចូលផ្តល់ចម្លើយនៅតុលាការ តែសម្រស់ប្រែប្រួល៣៦០ឌឺក្រេ ក្រោយជាប់ពន្ធនាគារ
អស់រយៈពេលមួយខែជាងទៅហើយ ដែលតារាសម្ដែងស្រីនៅក្នុងរឿង «ទា.សករស្នេហ៍» Pinky Savika និងម្តាយ រួមជាមួយបងប្រុសរបស់នាងឃើញថា
ប្រទេសថៃ ៖ អស់រយៈពេលមួយខែជាងទៅហើយ ដែលតារាសម្ដែងស្រីនៅក្នុងរឿង «ទា.សករស្នេហ៍» Pinky Savika និងម្តាយ រួមជាមួយបងប្រុសរបស់នាងឃើញថា មកទល់ពេលនេះ អ្នកទាំង៣កំពុងតែនៅជាប់ពន្ធនាគារនៅឡើយនោះទេ ដោយនៅពុំទាន់ទទួលបាននៅការធានាឱ្យនៅក្រៅឃុំឡើយខណៈក្រុមភ្នាក់ងារពិសេស DSI ក៏កំពុងតែស៊ើបអង្កេតបន្តនៅលើរឿងក្តីដ៏ក្តៅគគុកមួយនេះផងដែរ ព្រោះមានជនរងគ្រោះមិនតិចនាក់នោះទេ ដែលបានខាតបង់ទ្រព្យសម្បិត្តលុយកាក់ ដោយសារតែការបណ្តាក់ទុកឆបោ.កតាមប្រព័ន្ធអេឡិចត្រូនិច។
ដោយឡែកជុំវិញការរង់ចាំដោះស្រាយរឿងក្តីនេះដែរ ឃើញថា ថ្មីៗកន្លងទៅនេះ តារាស្រី Pinky Savika និងម្តាយ រួមជាមួយអ្នកជាប់ពាក់ព័ន្ធឯទៀត បាននាំគ្នាចូលខ្លួនមកកាន់តុលាការសាជាថ្មីហើយដើម្បីមកផ្តល់ចម្លើយ និងបង្ហាញភស្តុតាង ដើម្បីការពារខ្លួន បន្ទាប់ពីជនជាប់ចោទទាំងប៉ុន្មានបានចូលខ្លួនទៅកាន់តុលាការភ្លាម
ស្រាប់តែខាងតុលាការបានប្រាប់ឱ្យដឹងបែបនេះថា ពេលនេះ សុំពន្យារការណាត់ជួបពិនិត្យភស្តុតាងរបស់ជនជាប់ចោទទាំងអស់វិញ ដោយលើកទៅថ្ងៃទី២៩ ខែកញ្ញា ឆ្នាំ២០២២ខាងមុខនេះ ដោយសាតែឯកសាររបស់ជនរងគ្រោះមានច្រើនជាង៥០០ច្បាប់ឯណោះ ដូច្នេះហើយទើបខាងមេធាវីសុំជនរងគ្រោះត្រូវពិនិត្យឯកសារឱ្យបានល្អិតល្អន់គ្រប់ជ្រុងជ្រួយជាមុនសិន ដើម្បីត្រៀមបង្ហាញភស្តុតាងការពារក្នុងរឿងក្តីមួយនេះអោយខានតែបាន។
យ៉ាងណាមិញ បន្ទាប់ពីពន្យារពេលពិនិត្យភស្តុតាងរបស់ជនជាប់ចោទហើយ ខាងក្រុមអ្នកកាសែតក៏បានចេញមកទម្លាយពីស្ថានភាពរបស់តារាសម្ដែងស្រី Pinky Savika ខណៈចូលខ្លួនមកកាន់តុលាការ រហូតធ្វើឱ្យមហាជនមានការព្រួយបារម្ភរំជួលចិត្តជាពន់ពេក និងអាណិតនាងជាខ្លាំង នេះបើតាមរយៈស្ថានភាពរបស់ Pinky នៅពេលនោះឃើញថា នាងហាក់ដូចជាមិនសូវស្ត្រេសឡើយ បើមកមើលពីទឹកមុខរបស់នាងវិញ ស្រស់បស់តែម្ដង តែអ្វីដែលមហាជនស្លុតចិត្តទៅវិញនោះ នាងក៏ត្រូវបានគេកាត់សក់ខ្លីស្លៀក ពាក់ឈុតអ្នកទោស ដើរអត់ពាក់ស្បែកជើង ព្រមទាំងកាន់ដៃម្តាយរបស់នាងជាប់ចូលមកកាន់តុលាការ និងលើកដៃរាក់ទាក់ញញឹមដល់អ្នកគាំទ្រ មហាជនដែលតែងតែលើកទឹកចិត្តស្រលាញ់នាងរួមនឹងអ្នកកាសែតផងដែរ។
គួររម្លឹកផងដែរថា តារាស្រី Pinky Savika នាងជាកំពូលតារាស្រីថៃម្នាក់ ដែលធ្លាប់សាងកេរ្តិ៍ឈ្មោះល្បីល្បាញបំផុត ព្រមទាំងធ្លាប់ត្រូវបានរៀបការជាមួយសេដ្ឋីវាល់លានថែមទៀតផង ប៉ុន្តែក្រោយមកក៏លែងលះគ្នាវិញ ហើយនាងក៏វិលត្រឡប់មកចូលសិល្បៈវិញ ហើយករណីបទល្មើសនេះ ពាក់ព័ន្ធនឹងការលេងហ៊ុនដាក់លុយក្នុងប្រព័ន្ធ Forex3D ដែលអ្នកចូលលេងនាំគ្នារំពឹងខ្ពស់ពេលដាក់លុយចូលហើយបានលុយត្រឡប់មកវិញគុននឹងពីរ ។ ហើយក្នុងករណីនេះ មានជនសង្ស័យសរុប១៩នាក់ ហើយក្នុងនោះមានម្ដាយបង្កើត និងបងប្រុសបង្កើតនាង តារាស្រី Biteoy និងស្វាមីលោក DJMan តារាប្រុសKrating និងមិត្តស្រីលោក Ball Kummun លោក Toh Saksit ព្រមទាំងតារាល្បីៗជាច្រើននាក់ទៀត៕
ចែករំលែកព័តមាននេះ