ជិតមួយឆ្នាំទៅហើយ នៅរឿងរ៉ាវរបស់តារាស្រីដ៏ល្បីឈ្មោះមួយរូបប្រចាំប្រទេសថៃ ដែលមានសមត្ថភាពទេពកោសល្យសម្ដែងដ៏ប៉ិនប្រសព្វ និងភាពល្បីល្បាញនៅក្នុងវិស័យសិល្បៈនោះ គឺ
ប្រទេសថៃ ៖ ជិតមួយឆ្នាំទៅហើយ នៅរឿងរ៉ាវរបស់តារាស្រីដ៏ល្បីឈ្មោះមួយរូបប្រចាំប្រទេសថៃ ដែលមានសមត្ថភាពទេពកោសល្យសម្ដែងដ៏ប៉ិនប្រសព្វ និងភាពល្បីល្បាញនៅក្នុងវិស័យសិល្បៈនោះ គឺ Tangmo Nida ដែលបានស្លា.ប់ទៅដោយគ្មានថ្ងៃវិលត្រឡប់មកវិញនោះឡើយ ហើយមូលហេតុយើងនៅមិនទាន់ដឹងថា តារាស្រីរូបនេះស្លា.ប់ដោយសារតែរអិលធ្លាក់ពីលើទូកចូលទៅក្នុងទន្លេចៅផាយ៉ា ឬក៏យ៉ាងណានោះទេ? គ្រាន់តែដឹងថា មានជន៦នាក់ដែលជាប់ពាក់ព័ន្ធ។
ដោយឡែក បើយើងនាំគ្នាក្រឡេកមកដឹងចាប់តាំងតែពីនាងបានចាកចេញទៅអស់រយៈពេលប្រមាណជាង៧ខែទៅហើយ បានបន្សល់ទុកនៅតែការឈឺចាប់សោកស្តាយស្ទើរតែមិនអាចទទួលយកបាន និងស្រណោះតែប៉ុណ្ណោះ ប៉ុន្តែការពិតច្បាស់លាស់នៅមិនទាន់បានលាតត្រដាងនៅឡើយនោះទេ ព្រោះជនសង្ស័យប្រុសស្រីទាំង៦នាក់ ដែលកំពុងតែត្រូវបានតុលាការស៊ើបសួរនាំ ក្នុងនោះផងដែរ ជនទាំង៦នាក់នោះ ត្រូវចោទប្រកាន់ពីករណីដែលពាក់ព័ន្ធជាមួយនឹងការស្លា.ប់របស់តារាស្រីដ៏ល្បីឈ្មោះ Tangmo ដូចគ្នា ប៉ុន្តែគ្មានភស្តុតាងណាមួយ ដែលបញ្ជាក់ថា ពួកគេជាអ្នកធ្វើឱ្យស្លា.ប់ ដែលអាចឱ្យតុលាការចោទពីបទឃា.តកម្មបានឡើយ។
ក្នុងនោះ ជនទាំង៦នាក់ ដែលបានជាប់ពាក់ព័ន្ធនេះ ក៏បានចុះឡើងៗតុលាការមិនឈប់ឡើយ ប៉ុន្តែអ្វីដែលនឹកស្មានមិនដល់ និងស្ទើរតែមិនគួរអោយជឿទៅវិញនោះ នៅថ្ងៃទី២១ ខែកញ្ញា ឆ្នាំ២០២២នេះ ស្រាប់តែពួកគេក៏បានវិលត្រឡប់មកកាន់តុលាការវិញម្តងទៀត ជាមួយនឹងម្តាយរបស់ Tangmo ក្នុងការចរចាប្រគល់សំណងក្នុងរឿងក្តីការស្លា.ប់របស់នាង។
នេះបើបើតាមរយៈសារព័ត៌មានរបស់ថៃបានឱ្យដឹងថា «ម្តាយរបស់ Tangmo បានព្រមទទួលសំណងចំនួន២លានបាតដែលស្មើនឹង៥៣ ០០០ដុល្លារពីជនសង្ស័យទាំង៦នាក់នោះ នៅមុខតុលាការហើយ។ លើសពីនេះទៅទៀត លោកស្រីក៏បានប្រាក់ចំនួន ៣ ម៉ឺនបាត ដែលស្មើនឹង ៨០០ ដុល្លារទៀតក្នុងមួយខែ ក្នុងរយៈពេល២០ឆ្នាំទៀតផង។ ចំណែក Sand និង Gatick ដែលជនក្នុងចំណោមជនសង្ស័យ ក៏បានប្រគល់ក្រវិលពេជ្រមួយគូ ដែលមិនច្បាស់តម្លៃទៅឱ្យលោកស្រីផងដែរ។
បន្ទាប់ពីបានលឺដូច្នេះភ្លាម ក៏មានមហាជនមិនតិចនាក់នោះទេ នាំគ្នាចូលទៅបញ្ចេញមតិព្រោងព្រាតថា «តើអ្នកស្រីជាម្ដាយប្រភេទណាដែរ? កូនស្លា.ប់ទៅទាំងមូល បែរជាមិនគិតរកយុត្តិធម៌អោយកូនទេ គិតតែចង់បានទ្រព្យ ចង់បានរបស់អញ្ជឹង បើមានម្ដាយដូចជាអ្នកស្រី ខ្ញុំសុំអត់មានល្អជាង»។ អ្នកខ្លះទៀតក៏បានឡើកឡើងទៀតថា «ខ្ញុំគិតថា អ្នកស្រីមិនមែនជាម្ដាយបង្កើតរបស់ Tangmo នោះទេ គ្មានម្ដាយឯណាដាច់ចិត្តហ៊ានធ្វើបែបនេះដាក់កូនរបស់ខ្លួនឯងនោះឡើយ»។
គួរបញ្ជាក់ផងដែរថា កាលពីកន្លងទៅ អ្នកស្រី Panida Sirayuthyothin បានប្រតិកម្មនឹងព័ត៌មានមិនពិត បន្ទាប់ពីមានអ្នកចែកចាយថា គាត់មិនមែនជាម្ដាយបង្កើតរបស់ Tangmo នោះឡើយ ម្ដាយពិតប្រាកដរបស់ Tangmo Nida បានទទួលមរណភាពហើយ ។ មិនទុកចាំយូរអ្នកស្រីក៏បានបញ្ជាក់ថា «គាត់គឺជាម្ដាយពិតប្រាកដ បានសម្រាលកូនស្រី និងចិញ្ចឹមបីបាច់នាងតាំងពីតូចក្រូចឆ្មាម្ល៉េះ សូម្បីតែមុខមាត់ដូចគ្នាដែរ»។
អ្នកស្រីបានបញ្ជាក់ថា «គាត់គឺជាម្ដាយបង្កើត របស់កូន (Tangmo) មិនមែនជាម្ដាយចុងទេ Tangmo មានមុខមាត់កាត់ទៅគាត់ ហើយគាត់បានបង្កើតកូន និងចិញ្ចឹមឱ្យធំឡើងដោយផ្ទាល់ដៃ សូម្បីមេដោះក៏គ្មានដែរ»។ លើសពីនេះ ម្ដាយ Tangmo ក៏បាននិយាយទៀតថា «គាត់គឺជាម្ដាយបង្កើតរបស់កូន បើទោះជានាងធ្លាប់ត្រូវឆ្លងកាត់ការវះកាត់កែសម្រស់ខ្លះក៏ដោយ»។ ដូច្នេះហើយទើបធ្វើឱ្យមានការងឿងឆ្ងល់គ្រប់ៗគ្នាថា តើនេះជាការពិតឬយ៉ាងណា? ព្រោះដំណឹងនេះ និងពាក្យចចាមអារ៉ាមកំពុងតែកើនឡើងច្រើន៕
ចែករំលែកព័តមាននេះ