ស្រីស្រស់មួយរូបចេញមុខប្រកាស «ប្តឹង» លោក គួច ខេវិន ក្រោយប្រើពាក្យពេចន៍មួយចំនួន
- ភ្នំពេញ
ផ្ទុះការភ្ញាក់ផ្អើលមួយយ៉ាងខ្លាំងនារសៀលថ្ងៃទី៣០ ខែសីហា ឆ្នាំ២០២២នេះ បន្ទាប់ពីនារីរូបស្រស់មួយរូបបានចេញមុខ និងប្រកាសដំណឹងថា
រាជធានីភ្នំពេញ ៖ ផ្ទុះការភ្ញាក់ផ្អើលមួយយ៉ាងខ្លាំងនារសៀលថ្ងៃទី៣០ ខែសីហា ឆ្នាំ២០២២នេះ បន្ទាប់ពីនារីរូបស្រស់មួយរូបបានចេញមុខ និងប្រកាសដំណឹងថា នាងនឹងប្តឹងលោក គួច ខេវិន ដែលជាផលិតករល្បីឈ្មោះម្នាក់ ពាក់ព័ន្ធនឹងការប្រើប្រាស់ពាក្យពេចន៍របស់លោករិះគន់ធ្ងន់ៗលើកម្មវិធីប្រកួតសម្រស់ Miss Grand Cambodia។
នារីរូបស្រស់ដែលចេញមុខគំរា.មប្តឹងលោក គួច ខេវិន ត្រូវបានគេស្គាល់ថា នាងគឺជាម្ចាស់គ្រឿងសម្អាងដែលជាអ្នកឧបត្ថម្ភធំ Miss Grand Cambodia។ ម្ចាស់ឧបត្ថម្ភធំនៃកម្មវិធីប្រឡងខាងលើ ដែលមានឈ្មោះក្នុងគណនេយ្យហ្វេសប៊ុក Julie Hoeung បានបង្ហោះសារនារសៀលថ្ងៃទី៣០ ខែសីហា ឆ្នាំ២០២២ តាមបណ្តាញសង្គមហ្វេសប៊ុកថា «នាងខ្ញុំជាប្រធានក្រុមហ៊ុនមួយរូបជា VIP sponsor សូមជូនសេចក្តីជាដំណឹងទៅដល់លោក Kevin Kouch ថា នាងខ្ញុំដាក់ពាក្យបណ្ដឹងទៅកាន់រូបលោក ខ្ញុំបានអោយមេធាវីខ្ញុំដាក់ពាក្យបណ្ដឹងទៅលើរូបលោកហើយ។
ស្ត្រីដែលមានសម្រស់សោភារូបនេះបានបន្តថា «បើលោកមិនចេញមុខសុំទោសដល់អ្នកទាំងប៉ុន្មានដែលលោកផុសរូបនេះទេ គឺខ្ញុំមិនដកពាក្យបណ្ដឹងជាដាច់ខាត។ ក្នុងនាមលោកជា Nation Director មួយរូប តែប្រើពាក្យសំដីមើលងាយប្រើពាក្យ «សោភនី» ទៅកាន់កូនក្រមុំគេបែបនេះទេ មានភស្តុតាងកន្លែងណាថា ជា សោភនី? ទោះគាត់ស្លៀកពាក់សិចស៊ីមែន ក៏មិនលក់ខ្លួនដែរ លោកនៅក្នុងវិស័យនេះយូរហើយ លោកគួរតែយល់ហើយថា «សិចស៊ីតែសំបកក្រៅ តែមានតម្លៃជាស្ត្រីថ្លៃថ្នូរដែលមើលបាន តែមិនអាចប៉ះបាន កុំស្លៀកពាក់ជិតៗ តែផើមអត់ប្តី»។
ជាមួយគ្នានោះ នាងបានបន្ថែមថា «សូមបវកញ្ញាដែលមានក្នុងរូប សូមទាក់ទងមកខ្ញុំដើម្បីដាក់ពាក្យបណ្តឹងរួមគ្នា។ លោក Duong Virath ជួយជូនដំណឹងដល់បុគ្គលម្នាក់នេះផង ដោយរូបនាងខ្ញុំ នាងខ្ញុំជាប្រធានក្រុមហ៊ុនទាំងមូល តើអ្នកណាទិញក្បាលខ្ញុំបាន?»។
ការប្រកាសដាក់ពាក្យបណ្តឹងពីម្ចាស់ក្រុមហ៊ុនខាងលើនេះ បានធ្វើឡើង បន្ទាប់ពីលោក គួច ខេវិន បានបង្ហោះសារជាសាធារណៈលើគណនីហ្វេសប៊ុករបស់លោក ដោយបានរិះគន់មិនសំចៃមាត់ទៅលើការរៀបចំឈុតសម្រាប់ការប្រកួត Miss Grand Cambodia នាឆ្នាំនេះ ដែលមើលទៅមិនសមរម្យ ហើយឈុតទាំងនោះ មួយចំនួនធំមានការរិះគន់ច្រើនពីអ្នកប្រើប្រាស់បណ្តាញសង្គមហ្វេសប៊ុកយ៉ាងចាស់ដៃផងដែរ។
លោក គួច ខេវិន បានបង្ហោះសារលើហ្វេសប៊ុករបស់លោកថា «រស់នៅក្នុងសង្គមប្រជាធិបតេយ្យពិតជាមានសេរីភាពយ៉ាងពេញបរិបូរណ៍ រហូតពេលខ្លះវាហូរហៀទៅជាអនាធិបតេយ្យទៅវិញ ក៏មិនដឹង? តួយ៉ាងដូចជាការប្រជែងរើស Miss Grand (សុភាពនារីថ្លៃថ្នូរប្រកបដោយកិត្តិគុណ) តែវាទៅជាវង្វេងវង្វាន់ដូចជាការប្រជែងជ្រើសរើសស្រី សោភិនី ឬនារីពេស្យាចារទៅវិញ??? ព្រោះវាមើលទៅដូចជាអាសអាភាស និងអាណាចា ហួសហេតុពេកកន្លង ឃើញហើយវាក្តៅសាច់ រត់ទៅជុះអាចម៍ ៣ដងនៅតែមិនទាន់បាត់ខ្ពើម ក្លៀកគគ្រិច ក្រលៀនកាន់ស្និមរបស់មីនាងៗហ្នឹង លែងចង់ស៊ីបាយម៉ាអាទិត្យ?»។
យ៉ាងណា ក្រោយពីមានការប្រកាសប្តឹងពីម្ចាស់ក្រុមហ៊ុនដែលបានឧបត្ថម្ភកម្មវិធីខាងលើនេះ គេឃើញលោក គួច ខេវិន ក៏បានសម្រេចលុបសារដែលលោកបានបង្ហោះនោះចោលវិញភ្លាមៗផងដែរ។
យ៉ាងណារហូតមកទល់នាពេលនេះ គេនៅមិនទាន់ដឹងទេថា រឿងរ៉ាវខាងលើនេះ នឹងទៅជាយ៉ាងណា ខណៈពេលដែលម្ចាស់ក្រុមហ៊ុនបានទាមទារអោយលោក គួច ខេវិន សុំទោសជាសាធារណៈ មុនពេលមានវិធានការផ្លូវច្បាប់នោះ។
រឿងឈុតសម្លៀកបំពាក់របស់កម្មវិធី Miss Grand Cambodia រងការរិះគន់ច្រើនជាងសរសើរពីសំណាក់អ្នកប្រើប្រាស់បណ្តាញសង្គម ជាពិសេសគឺឈុតរ៉ូបស្រមោលស ដែលបងប្អូនខ្លះបានលើកឡើងថា ឆែកខ្លាំងសឹងលេចកេរ្តិ៍ម៉ែចែកឱ្យ និងខ្លះទៀតក៏រិះគន់ធ្ងន់ៗជាងនេះក៏មានផងដែរ។ ក្នុងនោះ ក៏មានឈុតរបស់ស្រីស្រស់ម្នាក់ដែលសិចស៊ីខ្លាំងពេក រហូតរដ្ឋបាលខេត្តស្ទឹងត្រែង បដិសេធការបង្ហាញឈុតតំណាងខេត្តស្ទឹងត្រែងរបស់កម្មវិធី Miss Grand Cambodia ថា ឈុតដែលតំណាងនេះ មិនបានឆ្លុះបញ្ចាំងពីសម្លៀកបំពាក់ប្រពៃណី នៅក្នុងមូលដ្ឋានខេត្តស្ទឹងត្រែងនោះទេ៕
ចែករំលែកព័តមាននេះ