កញ្ញាសាច់ស សម្រស់មិនធម្មតា និងជាអតីតម្ចាស់មកុដ Miss Grand Cambodia 2020 លីវ ជីលី បានសម្តែងនូវភាពរំភើប ពេលដឹងថា
រាជធានីភ្នំពេញ ៖ កញ្ញាសាច់ស សម្រស់មិនធម្មតា និងជាអតីតម្ចាស់មកុដ Miss Grand Cambodia 2020 លីវ ជីលី បានសម្តែងនូវភាពរំភើប ពេលដឹងថា ខ្លួនស្រាប់តែមានវត្តមានដ៏សំខាន់មួយនាទីក្រុងហូជីមិញ ប្រទេសវៀតណាម។ នាងរឹតតែពេញចិត្ត ព្រោះត្រូវបានបវរកញ្ញាអន្តរជាតិគ្រងដោយប្រទេសវៀតណាមផ្ទាល់ ចេញមុខអញ្ជើញទៀតផង។
ជីលី ចាត់ចូលជាកិត្តិយស ហើយសង្ឃឹមថា តំណាងកម្ពុជា នាងនឹងរៀបចំខ្លួនអោយល្អ ហើយ នឹងទទួលបានបទពិសោធន៍ថ្មីមួយទៀត។ បើរំលឹកឆ្នាំដែល លីវ ជីលី ឡើងទៅប្រកួតសម្រស់លើឆាកអន្តរជាតិ ជីលី បានផ្លាស់ប្តូរសមត្ថភាពស្ទើរតែ១៨០ដឺក្រេ ។ ពីអ្នកដើរមិនសូវល្អ ត្រឹម១ខែ ជីលី ប្រែខ្លួនដើរចូលក្នុងចំណោមគេយ៉ាងជឿជាក់ផ្ទុះការសរសើរពេញផ្ទៃប្រទេស។
ឆ្នាំ២០២០ លីវ ជីលី បានដណ្តើមយកកម្រិត២០ប្រទេសចុងក្រោយ ពេលប្រកួតនៅប្រទេសថៃ។ ចាប់តាំងពីពេលនោះមក កម្មវិធីដែលនាងប្រកួតផ្តើមផ្ទុះការទាក់ទាញ ហើយមានបេក្ខនារីបន្តបន្ទាប់មកចូលរួមដាក់ពាក្យប្រកួត។ ចំពោះ រាជនីសម្រស់លំដាប់ពិភពលោក Miss grand Internal Vietnam 2021 (Nguyễn Thúc Thùy Tiên) ក៏ឆក់បានភាពលេចធ្លោលើសលុបជាងគេ រហូតស្ថាប័នបវរកញ្ញាសម្រេចអោយនាងក្លាយជាម្ចាស់មកុដឯកលើលោក។
ម្ចាស់មកុដកំពូលនេះ បានចេញបេសកកម្មជាបន្តបន្ទាប់ក្នុងប្រទេសផ្សេងៗ។ នេះជាកិត្តិយសដែល ជីលី បាននៅកៀកដោយផ្ទាល់ជាមួយម្ចាស់ជ័យលាភីឯក ហើយហ្វេនៗក៏រង់ចាំមើលថា ការប៉ះគ្នានេះជះសម្រស់បែបណា។
លីវ ជីលី បានបង្ហោះសារបែបរំភើបថា «ជំរាបសួរ បងប្អូនទាំងអស់គ្នា នាងខ្ញុំ ជីលី ទេវី ពិតជាមានកិត្តិយសណាស់ ដែល Miss grand International Vietnam បានអញ្ជើញរូបនាងខ្ញុំចូលរួមកម្មវិធី (Internal Travel Expo Ho Chi Minh) នៅថ្ងៃទី06/09/22-10/09/22 ដែលមានវត្តមាន Miss grand Internal Vietnam ( Nguyễn Thúc Thùy Tiên) និងមានវត្តមាន Miss grand ទាំង៥ប្រទេសចូលរួមផងដែរ។ ហើយនាងខ្ញុំបានអញ្ជើញលោក ថាច់ សាថេន Thach Sathen ជាអ្នកបកប្រែភាសាវៀតណាម ជូនរូបនាងខ្ញុំ សូមតាមដានទាំងអស់គ្នាណា»៕
ចែករំលែកព័តមាននេះ