អាចថាជាការបង្ហាញមួយដល់ពន្លកសិល្បៈជើងក្រោយ នៅពេលដែលអតីតតារាចម្រៀងលេចធ្លោ សាន ផានិត បានបង្ហាញទស្សនៈយល់ឃើញ ហើយបានបា.ញ់ចូលដល់បេក្ខភាពប្រឡងចម្រៀងដ៏លេចធ្លោ គឺបេក្ខជន ថុល សុភិទិ។ បើយើងយកមកវិភាគ
រាជធានីភ្នំពេញ ៖ អតីតតារាចម្រៀងលេចធ្លោលោក សាន ផានិត បានបង្ហាញទស្សនៈយល់ឃើញ របស់លោក ដោយបានបញ្ចេញសារមួយ ដាក់ចំៗ ថុល សុភិទិ ដែលជាបេក្ខភាពប្រឡងចម្រៀងដ៏លេចធ្លោមួយរូបដែលមិនបានឈ្នះពាននៃការប្រកួតចម្រៀងលំដាប់ពិភពលោក Cambodian Idol រដូវកាលទី ៤ ដែលទើបចប់ទៅកាលពីរាត្រីអាទិត្យ ទី ២៨ ខែសីហា ឆ្នាំ២០២២កន្លងទៅនេះ។
បើវិភាគទៅលើខ្លឹមសារ ដែលលោក សាន ផានិត បានបញ្ចេញនោះ គឺលោកហាក់មានចេតនារំលេចនូវចំណុចមួយចំនួនដែលនាំឱ្យ បុរសសង្ហា ថុល សុភិទិ មិនអាចមានប្រជាប្រិយភាពវ៉ាដាច់បេក្ខជនផ្សេងទៀតដែលបានចូលរួមប្រកួតប្រជែងក្នុងកម្មវិធីនោះ។ ចំណុចម្យ៉ាងទៀត គឺលោក សាន ផានិត ចង់បញេញសារដាស់តឿនដល់យុវវ័យផ្សេងទៀត ពិសេសអ្នកដែលត្រៀមខ្លួនមកប្រឡងចម្រៀងក្រោយៗ គួរតែប្រុងប្រយ័ត្នអ្វីខ្លះ អំឡុងខ្លួនវិវត្តន៍ចូលដល់ចំណុចខ្លាំង ដែលមានអ្នកតាមមើលលើសលុប។
ប្រាកដណាស់ កន្លងមក ភាគរយដែលមហាជនយើងមើលឃើញគឺថា ថុល សុភិទិ មានសម្លេងគាំទ្រច្រើននិងមានប្រជាប្រិយភាព ហើយខ្លះគិតថា ៨០% គឺលោកនឹងក្លាយជាម្ចាស់ពានរដូវកាលទី៤ ក្រោយ សុ ភិទិ ធ្វើបានល្អ និងមានបទមួយចំនួនដែលលោកបានបកស្រាយនៅក្នុងការប្រឡងគឺផ្ទុះការគាំទ្រខ្លាំង។ ក្រោយមក បន្ទាប់ពីឆក់បានបេះដូងអ្នកទស្សនា គេកត់សម្គាល់ឃើញថា ភិទិ លេចមុខមាត់តាមកន្លែងច្រៀងខាងក្រៅញឹក។ ពេលខ្លះបានភ្ជាប់ខ្លួនជាមួយបរិយាកាសក្រៅយ៉ាងខ្លាំងក្លានិងបានចែករំលែកច្រើននូវសកម្មភាពរបស់លោកពេញបណ្តាញសង្គមហ្វេសប៊ុក។
បើតាមការយល់ឃើញ ខាងហង្សមាស ហាក់មិនចង់ឃើញតារាខ្លួនដើរឆ្វេចឆ្វាចជល់កែវ នាំអោយប៉ះពាល់ភ្នែកញាតិ។
យ៉ាងណាមិញ បើយោងតាមសំណេររបស់រៀមច្បង សាន ផានិត បានដាក់ចំៗទៅ សុ ភិទ ដោយបានបង្ហោះរូបថត សុ ភិទិ ប្រៀបធៀប សុ ភិធិ ទៅនឹងកញ្ញា រ៉េត ស៊ូហ្សាណា និងលោក ម៉ៅ ហាជី អតីតបេក្ខជនដែលធ្លាប់បានប្រឡងចម្រៀង តែមិនបានទទួលជ័យលាភី តែអ្នកទាំងពីរកំពុងតែក្តោបបានទីផ្សារសិល្បៈយ៉ាងខ្លាំងក្លា។
លោក សាន ផានិត ម្ចាស់បទ «ទូរស័ព្ទប្រាប់ផង» ដែលជាបទផ្ទុះកក្រើកកាលពីដើមឆ្នាំ ២០០០ នោះបានសរសេរសំណេរមានខ្លឹមសារយ៉ាងចាក់ដោត ដៅចំពោះ សុ ភិទិថា «វាសនាប្អូនអាចលើសពួកគាត់ទាំងពីរ បើប្អូនចរិតល្អ ហើយហង្យមាសលើកស្ទួយ។ ហេតុផលដែលប្អូនស្រយ៉ុត ៖ ១- មើលទៅហាក់ដូច High Show រាល់សកម្មភាពក្នុងបណ្តាញសង្គមញឹកញយ មុនទឹកផ្តាច់ព្រ័ត្រលើផេកផ្ទាល់ខ្លួន។ ២- រើសបទខុសមិនដល់សមត្ថភាព ប្រើសំឡេងដែកនៅមានកម្រិត វគ្គក្រោយៗមកបន្ទាប់ពីបទ «គេងយោលអង្រឹង» ក្រៅពីនេះ ប្អូនមានទាំងអស់ជាកញ្ចប់ហើយដាច់ដោយឡែក ស្រលះល្អណាស់។ ៣- បែកធ្លាយប្អូនចេញតាមហាង ផាប់ ក្លឹប នានា ឡើងច្រៀងបញ្ចេញអោយហ្វេនៗឃើញអោយកាន់តែច្រើនជាងលើឆាកប្រឡង តែមហាជនអាចគិតផ្សេងថា មើលទៅដូចប្អូនចូលចិត្តដើរលេងយប់ច្រៀងអនាធិបតេយ្យ មោទនភាព ល។ល។ ៤- បែកធ្លាយព័ត៌មានលោកឪពុកប្អូន ផ្កាយ២ ជាគ្រួសារអភិជន ខុសឆ្ងាយពី តិចម៉េង ដូចមេឃនឹងដី ។ ពីបង ។ សាន ផានិត ឯករាជ្យ ។
ជាការកត់សម្គាល់ ការលើកពានរដូវកាលទី៤ មកដល់យប់ថ្ងៃទី២៨ ខែសីហា ឆ្នាំ២០២២ ហើយមហាជនបាញ់ព្រួញ លីម តិច ម៉េង ជាងគេ ខណៈ ថុល សុភិទិ ក៏វ៉ាប្រដេញមិនចាញ់គ្នា។ លីម តិចម៉េង ត្រូវគេប្រដូចនឹង ណុប ប៉ាយ៉ារិទ្ឋ កាលពីនៅក្មេង ទាំងរូបរាង សំឡេង គឺចង់ប្រហែល ណុប ប៉ាយ៉ារិទ្ឋ រហូតរៀមច្បង ប៉ាយ៉ារិទ្ឋ ភ្ញាក់ផ្អើលអោយតែឃើញ តិចម៉េង មកច្រៀងម្តងណា ដូចដាស់អោយនឹកគ្រប់រូបភាពពីអតីតកាល។
ធាតុពិត បើគិតពីគុណភាពសំឡេង តិចម៉េង សំឡេងធ្ងន់ល្អ។ ជាសំឡេងតួឯក ប្រើបានគ្រប់ទម្រង់ គណៈកម្មាការទាំង៤ ស្មានមិនដល់ ព្រោះល្អលើសពីការគិត។ ហ្វេនពេញចិត្ត ថុល សុភិទិ ជាច្រើនសោកសៅ ដែលអាយដលរបស់ខ្លួន មិនអាចដណ្តើមពានបាន ខណៈមុននេះ សន្ទុះគាំទ្រខ្លាំងដូចទឹកបាក់ទំនប់។ ពេលនេះ ថុល សុភិទិ បានត្រឹមតួរង ហើយបុរសមានមន្តស្នេហ៍ សំឡេងពីរោះលួងលោមរូបនេះ ក៏បន្តមានហ្វេនៗជាច្រើន ស្រឡាញ់ពេញបេះដូង សព្វទិសទី និងផ្តាំអោយតស៊ូលើសិល្បៈបន្តទៀត ព្រោះ ភិទិ មានទីផ្សារសិល្បៈចាប់ពីពេលនេះតទៅ។
ចែករំលែកព័តមាននេះ