ផ្អើលផ្ទះសំណាក់ White River ព្រោះតែស្អុយខ្លាំងពេក
រាជធានីភ្នំពេញ ៖ ដោយសារតែមានធំក្លិនស្អុយអាសោចខ្លាំងពេក បុគ្គលិកបម្រើការងារនៅក្នុងផ្ទះសំណាក់ក៏នាំគ្នាដើររកមើលតាំងពីជាន់ផ្ទាល់ដីរហូតដល់ជាន់ទី២ ទើបដឹងថា …
រាជធានីភ្នំពេញ ៖ ដោយសារតែមានធំក្លិនស្អុយអាសោចខ្លាំងពេក បុគ្គលិកបម្រើការងារនៅក្នុងផ្ទះសំណាក់ក៏នាំគ្នាដើររកមើលតាំងពីជាន់ផ្ទាល់ដីរហូតដល់ជាន់ទី២ ទើបដឹងថា បុរសជនជាតិអាល្លឺម៉ង់ម្នាក់បានធ្វើអត្តឃាតយ៉ាងចម្លែក ។ ហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១០ និង៣០នាទីព្រឹក ថ្ងៃទី២១ ខែមករា ឆ្នាំ២០១៧ នៅក្នុងបន្ទប់ជាន់ទី២ ក្នុងផ្ទះសំណាក់យីហោ White River ផ្ទះលេខ១៤២A5-១៤២A6 ផ្លូវលេខ១៧២ សង្កាត់ជ័យជំនះ ខណ្ឌដូនពេញ ។
ប្រភពព័ត៌មានពីមន្ត្រីនគរបាលបានឱ្យដឹងថា បុរសរងគ្រោះឈ្មោះ TEICH MICHAEL អាយុ៥២ឆ្នាំ ជនជាតិអាល្លឺម៉ង់ ជាអ្នកទេសចរណ៍ ។
ប្រភពឲ្យដឹងទៀតថា មុនពេលកើតហេតុ បុគ្គលិកបម្រើការនៅក្នុងផ្ទះសំណាក់យីហោ White River បានធំក្លិន ស្អុយយ៉ាងខ្លាំង ក៏នាំគ្នាដើរឆែកឆេររកតាមបន្ទប់ជាច្រើន តាំងពីជាន់ក្រោមរហូតទៅដល់ជាន់ទី២ ពេលដល់បន្ទប់មួយដែលគេមិនបានឃើញបុរសជនបរទេសដែលស្នាក់នៅទីនោះចេញមកខាងក្រៅ២ថ្ងៃហើយ ហើយបិទទ្វារចាក់សោរជាប់ទៀត ដោយមានការសង្ស័យពួកគេក៏បានយកកូនសោចាក់ចូលទៅក្នុងបន្ទប់មើល ទើបប្រទះឃើញសាកសពរបស់បុរសម្នាក់មានសភាពហើម និងស្អុយយ៉ាងអសោចទៅហើយបង្កឲ្យមានការភ្ញាក់ផ្អើល និងរាយការណ៍ទៅប្រាប់សមត្ថកិច្ចមូលដ្ឋានឲ្យបានដឹងពីរឿងនេះ ។
ក្រោយពេលកម្លាំងសមត្ថកិច្ចមូលដ្ឋាន និងជំនាញបានចុះទៅធ្វើការត្រួតពិនិត្យ និងកោសល្យវិច្ច័យ បានឃើញថា បុរសជាជាតិអាល្លឺម៉ង់រងគ្រោះបានស្លាប់ដោយសារតែការធ្វើអត្តឃាតសម្លាប់ខ្លួនឯងប្រាកដមែន ដោយបានចូលទៅក្នុងបន្ទប់ទឹកបិទទ្វារ រួចយកធ្យូងអនាម័យទៅដុតបង្កជាផ្សែងបណ្តាលឲ្យថប់ដង្ហើមស្លាប់តែម្តង ។
ក្រោយពេលកើតហេតុ សពជនរងគ្រោះត្រូវបានបញ្ជូនទៅរក្សាទុកនៅមន្ទីរពេទ្យមិត្តភាពខ្មែរ-សូវៀត ដើម្បីរង់ចាំក្រុមគ្រួសារមកទទួលយកទៅធ្វើបុណ្យទៅតាមប្រពៃណីឯប្រទេសកំណើតវិញរបស់គេវិញ ៕
ចែករំលែកព័តមាននេះ