ADផ្ទាំងផ្សព្វផ្សាយពាណិជ្ជកម្ម

Picture

ប្រឡូក​សិល្បៈ​ទើប​២​ឆ្នាំ ស្រី​ស្អាត សុខ ចិន្តា បង្ហាញ​មហិច្ឆតា​ធំ​មួយទៀត

1 ឆ្នាំ មុន
  • ភ្នំពេញ

តារា​សម្តែង​វ័យក្មេង​នាង សុខ ចិ​ន្ត ហៅ Emily បាន​បង្ហាញ​មហិច្ឆតា​ធំ​មួយទៀត បន្ទាប់​ពី​នាង​សម្រេច​បំណង​ចូល​ប្រឡូក​វិស័យ​សិល្បៈ​ទើបតែ​២​ឆ្នាំ​ប៉ុណ្ណោះ​។ មហិច្ឆតា​ធំ​របស់​តារា​ស្រី​វ័យ​២៤​ឆ្នាំ​រូប​នេះ គឺ​ការ​ក្លាយជា

រាជធានី​ភ្នំពេញ ៖ តារា​សម្តែង​វ័យក្មេង​នាង សុខ ចិ​ន្ត ហៅ Emily បាន​បង្ហាញ​មហិច្ឆតា​ធំ​មួយទៀត បន្ទាប់​ពី​នាង​សម្រេច​បំណង​ចូល​ប្រឡូក​វិស័យ​សិល្បៈ​ទើបតែ​២​ឆ្នាំ​ប៉ុណ្ណោះ​។ មហិច្ឆតា​ធំ​របស់​តារា​ស្រី​វ័យ​២៤​ឆ្នាំ​រូប​នេះ គឺ​ការ​ក្លាយជា​អ្នកដឹកនាំ​រឿង​នា​ពេល​អនាគត ខណៈ​ពេល​អាជីព​មួយ​នេះ ក៏​ជា​បំណង​ធំ​របស់​នាង​ផង​ដែរ​។

ជា​និស្សិត​ផ្នែក​អក្សរសាស្ត្រ​ខ្មែរ នៃ​សកល​វិទ្យាល័យ​ភូមិន្ទ​ភ្នំពេញ ស្រី​ស្អាត សុខ ចិន្តា បាន​លើក​ឡើង​ប្រាប់​កោះសន្តិភាព​តាម​សារ​អេ​ឡិច​ត្រូ​និ​ច​ថា នាង​បាន​ឈាន​ជើង​ចូល​សិល្ប​: តាម​រយៈ​កម្មវិធី «​ធីតា​ឯក​ស​ង្រា្ក​ន្ត​» ដែល​រៀប​ចាំ​ដោយ​ក្រុមហ៊ុន​មួយ សហការ​ជាមួយ​ទូរទស្សន៍ ទ​ទក និង​ជា​ឆ្នាំ​ដំបូង​របស់​កម្មវិធី​។

នាង​បញ្ជាក់​ថា បន្ទាប់​ពី​ប្រកួត​ចប់ នាង​ទទួល​បាន​ចំណាត់ថ្នាក់ Top10 ក្នុង​កម្មវិធី ហើយ​ខាង​ក្រុមហ៊ុន​ក៏​បាន​អញ្ជើញ​អោយ​ចូល​ជា​សិល្ប​ការិនី​ប្រចាំ​ក្រុមហ៊ុន ដើម្បី​សិក្សា និង​បណ្តុះបណ្តាល​ជំនាញ​សិល្បៈ​បន្ថែម ដោយ​មាន​ទាំង​ការ​ហាត់​ច្រៀង រាំ ពិធី​ការិនី និង​សម្តែង​។

នាង​បន្ថែម​ថា ឆ្លងកាត់​រយៈពេល​មួយ​ឆ្នាំ ខាង​ម្ចាស់​ក្រុមហ៊ុន និង​នាង​ផ្ទាល់​បាន​ជ្រើសរើស​យក​ជំនាញ​សិល្បៈ​ផ្នែក​សម្តែង និង​ពិធី​ការិនី​។ សុខ ចិន្តា លើក​ឡើង​បន្ថែម​ថា គិត​មក​ដល់​ពេល​នេះ នាង​បាន​ចូល​សិល្បៈ​រយៈពេល​ពីរ​ឆ្នាំ​ហើយ បន្ទាប់​ពី​ចំណាយពេល​មួយ​ឆ្នាំ​ដើម្បី​ហ្វិ​ត​ហាត់​។

នាង​ថា ខ្ញុំ​បាន​ចាប់ផ្តើម​ចេញ​សម្តែង​រឿង​ដំបូង​នៅ​លើ​កញ្ចក់​ទូរទស្សន៍ CTN គឺ​រឿង​មន្ត​ស្នេហ៍​គ្រូពេទ្យ​ឆ្នាស់ និង​រឿង​ជា​ច្រើន​ទៀត​ដូច​ជា​រឿង ពិស​ទាសករ របស់ Bayon TV រឿង​នាង​កែង​មុខសេះ ដែល​កំពុង​ចាក់​ផ្សាយ​នៅ CTN និង​រឿង ការ​ចង​ចាំ​របស់ Sastra និង​រឿង​ជា​ច្រើន​ទៀត​សរុប​ប្រហែល​ជិត​២០​រឿង​។ នាង​បញ្ជាក់​ថា បច្ចុប្បន្ន នាង​បាន​ត្រៀម​រឿង​ជា​ច្រើន​បង ដែល​មាន​ទាំង​រឿង​សម្រាប់​បញ្ចាំង​ក្នុង​រោងកុន និង​រឿង​សម្រាប់​បញ្ចាំង​នៅ​លើ​កញ្ចក់​ទូរទស្សន៍​ផង​ដែរ​។

បើ​តាម សុខ ចិន្តា បន្ទាប់​ពី​ប្រឡូក​ក្នុង​វិស័យ​សិល្បៈ​មួយរ​យៈមក​សម្រាប់​នាង​គែ​មានការ​ផ្លាស់​ប្តូរ​ច្រើន​ដោយ​មាន​ទស្សនិកជន​បាន​ស្គាល់​ច្រើន និង​តែងតែ​ទទួល​បានការ​ខំ​មិនល្អ​ៗ​ពី​ការ​សម្តែង​ពី​សំណាក់​បងប្អូន​ហើយ​ក៏​មាន​មតិ​រិះគន់ ដើម្បី​ស្ថាបនា​មួយ​ចំនួន​ផង​ដែរ​។ នាង​ថា ខ្ញុំ​តែងតែ​ទទួល​បានការ​ខំ​មិនល្អ​ៗ​ពី​អ្នកដឹកនាំ​រឿង និង​អ្នកនិពន្ធ​ជា​ច្រើន​រាល់​ការ​សម្តែង​របស់ខ្ញុំ​ផង​ដែរ​។

នាង​បញ្ជាក់​ថា ចំពោះ​ការ​សម្តែង គឺ​នាង​អាច​សម្តែង​បាន​ទាំងអស់ ហើយ​រឿង​ដែល​មាន​ឈុត​ស្និទ្ធស្នាល​ខ្លាំង​នាង​ក៏​ធ្លាប់​បាន​សម្តែង​រួច​មក​ហើយ ដោយ​កន្លង​មក​ខាង​អ្នកដឹកនាំ​ក៏​មានការ​សាកសួរ​ជា​មុន វា​អាស្រ័យ​លើ​សាច់​រឿង និង​ទិច​និ​ច​ក្នុង​ការ​សម្តែង​។ នាង​ថា ឈុត​បែប​នឹង​ជា​ទូទៅ គឺ​តែង​តែ​មានការ​ខ្មាស​អៀន​ខ្លះ​ៗ តែ​វា​ជា​ការ​សម្តែង ហើយ​សម្រាប់​ឈុត​ដែល​ពិបាក​ៗ​មិនមែន​មាន​តែ​ឈុត​ស្នេហា​ទេ បើ​ថត​ជា​រឿង​ខ្មោច ឬ​រឿង​បែប Action គឺ​មានការ​ពិបាក​ខ្លាំង​ជាង​។

សុខ ចិន្តា លើក​ឡើង​បន្ថែម​ថា នាង​ពិតជា​ស្រលាញ់​ខាង​វិស័យ​សិល្បៈ​ខ្លាំង ហើយ​ទៅ​ថ្ងៃ​អនាគត បើ​ទីផ្សារ​ការងារ​នៅ​តែ​មាន​សក្តា​នុ​ព ល​នាង​នឹង​នៅ​តែ​បន្ត ហើយ​ជា​ពិសេស​នាង​ក៏​ចង់​ក្លាយជា​អ្នកដឹកនាំ​រឿង​មួយ​រូប​ផង​ដែរ​។

ដោយឡែក​ពាក់ព័ន្ធ​ជីវិត​ឯកជន​វិញ តារា​ស្រី​ដែល​មានស្រុក​កំណើត​នៅ​ខេត្ត​ត្បូងឃ្មុំ​រូប​នេះ​បាន​បញ្ជាក់​​ថា បច្ចុប្បន្ន​នាង​មិន​ទាន់​គិតគូរ​រឿង​គូស្រករ​នៅឡើយ​ទេ ដោយសារ​នាង​ចង់​ពង្រឹង​អាជីព​សិល្បៈ​នេះ​អោយ​មាន​ភាពរឹងមាំ​ជាង​នេះ​សិន​។ យ៉ាងណា​នាង​ទទួលស្គាល់​ថា ចាប់តាំងពី​ប្រឡូក​ក្នុង​សិល្បៈ​នា​ពេល​នេះ គឺ​ក៏​មាន​បុរស​មួយ​ចំនួន​ព្យាយាម​ទាក់ទង​នាង​ដែរ ប៉ុន្តែ​នាង​នៅ​មិន​ទាន់​ទទួល​យក​។ នាង​បញ្ជាក់​ថា បុរស​ដែល​នាង​នឹង​យក​ធ្វើ​ជា​គូ​អនាគត​នោះ​គឺ​មិនមែន​ជា​បុរស​នៅ​ក្នុង​សិល្បៈ​ដូច​គ្នា​ឡើយ ពោល​គឺជា​អ្នក​រកស៊ី​ធម្មតា និង​មានចិត្ត​ស្រឡាញ់​នាង និង​គ្រួសារ​នាង​គឺ​គ្រប់គ្រាន់​ហើយ​៕

អត្ថបទសរសេរ ដោយ

កែសម្រួលដោយ