ADផ្ទាំងផ្សព្វផ្សាយពាណិជ្ជកម្ម

Picture

ស្រឡាំងកាំង​គ្រប់​គ្នា​! Ronaldo ចាក​ចេញពី Old Trafford ទាំង​ការ​ប្រកួត​មិន​ទាន់​ចប់

1 អាទិត្យ មុន

អង់គ្លេស ៖ ប្រព័ន្ធ​ផ្សព្វផ្សាយ​អង់គ្លេស​បាន​រាយការណ៍​ថា ខ្សែប្រយុទ្ធ Cristiano Ronaldo បាន​ចាក​

អង់គ្លេស ៖ ប្រព័ន្ធ​ផ្សព្វផ្សាយ​អង់គ្លេស​បាន​រាយការណ៍​ថា ខ្សែប្រយុទ្ធ Cristiano Ronaldo បាន​ចាក​ចេញពី​កីឡដ្ឋាន Old Trafford ខណៈ​ដែល​ការ​ប្រកួត​មិត្តភាព​របស់​ក្រុម Manchester United នឹង Rayo Vallecano មិន​ទាន់​បញ្ចប់​៩០​នាទី​។ ដែល​សកម្មភាព​នេះ បង្កើន​ភាព​ងើយ​ឆ្ងល់​បន្ថែម​ទៀត​សម្រាប់​អ្នកគាំទ្រ ចំពោះ​អនាគត​ខ្សែប្រយុទ្ធ​រូប​នេះ​។

Ronaldo បាន​ត្រឡប់​មក​ហ្វឹកហាត់​ជាមួយ​ក្រុម Man Utd វិញ​ជា​លើក​ដំបូង បន្ទាប់​ពី​ខកខាន​អស់​ជា​ច្រើន​ខែ​។ ហើយ​រូបគេ​ថែម​ទាំង​បាន​បង្ហាញខ្លួន​នៅ​ក្នុង​ការ​ប្រកួត​មិត្តភាព​ទល់​នឹង​ក្រុម​ភ្ញៀវ Rayo Vallecano កាលពី​ថ្ងៃ​ទី​៣១ ខែកក្កដា កន្លង​ទៅ​ថែម​ទៀត​ផង​។ ដែល​ក្រុម​ទាំង​២​បាន​បញ្ចប់​ទៅ​ក្នុង​លទ្ធផល​ស្មើគ្នា ១-១​។

Ronaldo បាន​លេង​៤៥​នាទី​ដំបូង​នៃ​ការ​ប្រកួត​។ ប៉ុន្តែ​ខ្សែប្រយុទ្ធ​ព័រ​ទុ​យ​ហ្គា​ល់វ័យ​៣៧​ឆ្នាំ​រូប​នេះ គឺជា​កីឡាករ​តែ​មួយ​គត់ ដែល​ត្រូវ​បាន​ប្តូរ​ចេញ​ដោយ​អ្នកចាត់ការ​ទូទៅ Erik ten Hag នៅ​ក្នុង​តង់​ទី​១​។ ហើយ​ក្រោយមក Ronaldo ត្រូវ​បាន​ថត​ជាប់​កំពុង​ដើរ​ចេញពី​កីឡដ្ឋាន Old Trafford ខណៈ​ដែល​ការ​ប្រកួត​មិន​ទាន់​ចប់​៩០​នាទី​ផង​។ ហើយ​ការ​ចាកចេញ​នេះ កើតឡើង​ចំ​ពេល​មាន​ភាព​មិន​ច្បាស់លាស់​អំពី​អនាគត​របស់​គេ​ជាមួយ​ក្លិប Man Utd ដែល​របូត​ឱកាស​លេង​ពានរង្វាន់ UEFA Champions League រដូវ​កាល​ក្រោយ​។

កាសែត The Time បាន​ចុះ​ផ្សាយ​ថា Ronaldo ទទួល​បានការ​ស្វាគមន៍​យ៉ាង​កក់ក្តៅ​ជាទី​បំផុត​ពី​សំណាក់​អ្នកគាំទ្រ Man Utd នៅ​ឯ​កីឡដ្ឋាន Old Trafford ចំពោះ​ការ​វិល​ត្រឡប់​មក​រួម​ក្រុម​វិញ​។ ប៉ុន្តែ​គ្រប់​គ្នា​ហាក់​ស្រឡាំងកាំង​យ៉ាង​ខ្លាំង នៅ​ពេល​ខ្សែប្រយុទ្ធ​ឆ្នើម​របស់​ពួក​គេ​ចាកចេញ​យ៉ាង​លឿន​ទៅ​កាន់​ឡាន​របស់​គេ​ទាំង​ការ​ប្រកួត​មិន​ទាន់​បញ្ចប់​៕ (​ដកស្រង់​ចេញពី Daily Mail)

Picture
Picture
Picture
Picture
Picture