សភាវៀតណាមអនុម័តការកាត់ពន្ធ៥០% លើប្រេងឥន្ធនៈ
វៀតណាម ៖ សភាវៀតណាមនៅថ្ងៃពុធ ទី ៦ ខែកក្កដានេះ បានអនុម័តផែនការកាត់បន្ថយពន្ធ
វៀតណាម ៖ សភាវៀតណាមនៅថ្ងៃពុធ ទី ៦ ខែកក្កដានេះ បានអនុម័តផែនការកាត់បន្ថយពន្ធ
វៀតណាម ៖ សភាវៀតណាមនៅថ្ងៃពុធ ទី ៦ ខែកក្កដានេះ បានអនុម័តផែនការកាត់បន្ថយពន្ធបរិស្ថានចំនួន ៥០ភាគរយលើប្រេងឥន្ធនៈ ជាលើកទី ២ក្នងរយៈពេល ៣ខែ ខណៈដែលការកើនឡើងនៃតម្លៃថាមពលបានដាក់សម្ពាធលើអតិផរណា។ នេះបើយោងតាមការចុះផ្សាយរបស់ទូរទស្សន៍រដ្ឋវៀតណាម។
ទូរទស្សន៍វៀតណាម (VTV) បានចុះផ្សាយថា ការកាត់ពន្ធដែលនឹងអនុវត្តន៍ចាប់ពីថ្ងៃទី ១១ ខែកក្កដា ដល់បំណាចឆ្នាំ ២០២២នេះ មានគោលបំណងជួយទប់ទល់នឹងផលប៉ះពាល់អវិជ្ជមាននៃការកើនឡើងថ្លៃដឹកជញ្ជូនលើសេដ្ឋកិច្ច។
វៀតណាមមានបំណងរក្សាអតិផរណាឲ្យស្ថិតក្រោម ៤ភាគរយសម្រាប់ឆ្នាំ ២០២២នេះ។ តម្លៃទំនិញប្រើប្រាស់របស់ខ្លួនក្នុងខែមិថុនា កើនឡើង ៣,៣៧ភាគរយធៀបទៅនឹងឆ្នាំមុន តម្លៃម្ហូបអាហារ និងថាមពលខ្ពស់ ខណៈដែលថ្លៃដឹកជញ្ជូនកើនឡើង ២១,៤ភាគរយ ធៀបនឹងឆ្នាំមុន។
ពន្ធបរិស្ថាន នឹងត្រូវកាត់បន្ថយពាក់កណ្តាលមកត្រឹម ១.០០០ដុង ឬ ០,០៤២ដុល្លារក្នុងមួយលីត្រសម្រាប់សាំង និង ៥០០ដុងសម្រាប់ប្រេងម៉ាស៊ូត។
ពន្ធលើប្រេងឥន្ធនៈយន្តហោះនឹងត្រូវកាត់បន្ថយចំនួន ៥០០ដុង មកត្រឹម ១.០០០ដុងក្នុងមួយលីត្រ ខណៈពន្ធប្រេងកាតនឹងត្រូវរក្សាត្រឹម ៣០០ដុងក្នុងមួយលីត្រដដែល។
ក្រសួងហិរញ្ញវត្ថុប៉ាន់ស្មានថា ការប្រមូលពន្ធនឹងកាត់បន្ថយចំនួន ១,៣៩ពាន់លានដុល្លារក្រោមអត្រាថ្មីនេះ។
សូមបញ្ជាក់ថា កាលពីសប្តាហ៍មុន វៀតណាមនិយាយថា ខ្លួនគ្រោងនឹងកាត់បន្ថយពន្ធភាគច្រើនលើប្រេងសាំងពី ២០ភាគរយ មកត្រឹម ១២ភាគ ពន្ធប្រើប្រាស់ពិសេស និងពន្ធបន្ថែមលើឥន្ធនៈ៕ (យោងតាមប្រភព៖ Reuters)
ចែករំលែកព័តមាននេះ