ភ្នំពេញ៖ គណៈកម្មការចំពោះកិច្ចចាក់វ៉ាក់សាំង បង្ការជំងឺកូវីដ១៩ បានប្រកាសផ្អាកជាបណ្តោះអាសន្ននូវការចាក់វ៉ាក់សាំងកូវីដ១៩ ចំនួន ៣ថ្ងៃ ថ្ងៃទី៤-៦ ខែមិថុនា ឆ្នាំ២០២២ ក្នុងអំឡុងពេលបោះឆ្នោតជ្រើសរើសក្រុមប្រឹក្សាឃុំសង្កាត់ នាថ្ងៃទី៥ ខែមិថុនា ឆ្នាំ២០២២។
សេចក្តីជូនដំណឹង បង្ហាញថា ការងារចាក់វ៉ាក់សាំង កូវីដ១៩ នៅទូទាំងប្រទេស ត្រូវបានផ្អាកជាបណ្តោះអាសន្ន ចំនួន ៣ថ្ងៃ ចាប់ពីថ្ងៃទី៤ ដល់ថ្ងៃទី៦ ខែមិថុនា ឆ្នាំ២០២២ ដើម្បីសម្រួលដល់ប្រជាពលរដ្ឋ និងក្រុមការងារចាក់វ៉ាក់សាំងទាំងអស់ អាចធ្វើដំណើរទៅចូលរួមក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ នៅថ្ងៃទី៥ ខែមិថុនា ឆ្នាំ២០២២ ខាងមុខនេះ នៅមូលដ្ឋានរបស់ខ្លួនរៀងៗខ្លួន។
តាមសេចក្តីជូនដំណឹង ការចាក់វ៉ាក់សាំងកូវីដ១៩ ជូនប្រជាជន ត្រូវដំណើរការជាប្រក្រតីឡើងវិញ ចាប់ពីថ្ងៃទី៧ ខែមិថុនា ឆ្នាំ២០២២ ដោយក្រុមការងារ ត្រូវរៀបចំឱ្យបានរួចរាល់ ដើម្បីធានាបានថា ប្រជាជន អាចមកចាក់វ៉ាក់សាំងវិញបាន នៅថ្ងៃទី៧ ខែមិថុនានេះ៕
ចែករំលែកព័តមាននេះ