ស្ងាត់ពីសិល្បៈយូរពេក ស្រីស្អាត ពៅ លីដា ត្រូវគេសង្ស័យរឿងមួយ
- ភ្នំពេញ
តារាសម្តែងនាង ពៅ លីដា មួយរយៈចុងក្រោយនេះ ត្រូវបានគេមើលឃើញថា នាងហាក់ស្ងប់ស្ងាត់ខ្លាំងពីការងារសិល្បៈ រហូតធ្វើអោយទស្សនិកជនមួយចំនួនសង្ស័យថា
តារាសម្តែងនាង ពៅ លីដា មួយរយៈចុងក្រោយនេះ ត្រូវបានគេមើលឃើញថា នាងហាក់ស្ងប់ស្ងាត់ខ្លាំងពីការងារសិល្បៈ រហូតធ្វើអោយទស្សនិកជនមួយចំនួនសង្ស័យថា
រាជធានីភ្នំពេញ ៖ តារាសម្តែងនាង ពៅ លីដា មួយរយៈចុងក្រោយនេះ ត្រូវបានគេមើលឃើញថា នាងហាក់ស្ងប់ស្ងាត់ខ្លាំងពីការងារសិល្បៈ រហូតធ្វើអោយទស្សនិកជនមួយចំនួនសង្ស័យថា នាងអាចឈប់ពីសិល្បៈកសាងគ្រួសារហើយ។
យ៉ាងណា ពៅ លីដា ទទួលស្គាល់ថា មួយរយៈចុងក្រោយនេះ នាងពិតជាបាត់វត្តមានពីការសម្តែងផ្សេងៗពិតមែន ប៉ុន្តែនាងមិនបានបោះបង់ចោលសិល្បៈនោះឡើយ។
នៅក្នុងបទសម្ភាសន៍ជាមួយសារព័ត៌មានក្នុងស្រុក ពៅ លីដា បានលើកឡើងថា ដោយសារតែនាងមិនបានបង្ហាញវត្តមានសម្តែងថ្មីបន្ថែមទៀតនោះ ទើបបង្កើតអោយមានពាក្យចចាមអារាមថា នាងឈប់ពីសិល្បៈ។ នាងបញ្ជាក់ថា តាមពិតនាងមិនបានឈប់ពីសិល្បៈឡើយ ពោលគឺនាងនៅទទួលការថតដដែល មិនដូចពាក្យចចាមអារាមខាងលើនេះឡើយ។
នាងបន្ថែមថា កន្លងមក មូលហេតុដែលធ្វើអោយនាងបាត់មុខ គឺដោយសារពេលនោះ នាងជាប់ពុតធ្មេញ ហើយគាប់ជួនបញ្ហាជំងឺកូវីដទៀតនោះ ទើបធ្វើអោយនាងខកខានលើផ្នែកសិល្បៈនេះប្រមាណជា៣ឆ្នាំ។
យ៉ាងណា បើតាម ពៅ លីដា ថា រហូតមកទល់នាពេលនេះ នាងមិនដែលមានបំណងបោះបង់សិល្បៈនាពេលនេះឡើយ ប៉ុន្តែនឹងនៅបន្តការសិល្បៈ រហូតបើទោះបីជានាងត្រូវមានគ្រួសារក៏ដោយ សំខាន់ប្រសិនបើនៅមានទស្សនិកជននៅគាំទ្រ។
ពៅ លីដា លើកឡើងថា បន្ទាប់ពីការស្ងប់ស្ងាត់ជំងឺកូវីដនាពេលនេះ នាងសូមប្រកាសប្រាប់ទស្សនិកជន ជាពិសេសបណ្តាផលិតកម្មនានាថា នាងនឹងទទួលការថតនានាឡើងវិញ ដោយមិនបានឈប់ពីសិល្បៈនោះឡើយ។
ជាការកត់សម្គាល់ តារាសម្តែង ពៅ លីដា កន្លងមក តារាស្រីរូបនេះក៏ត្រូវបានចាត់ទុកជាតារាដែលមានហាងឆេងទីផ្សារការងារសិល្បៈខ្ពស់ម្នាក់ផងដែរ ដោយសារនាងបានបង្ហាញវត្តមានសម្តែងជាបន្តបន្ទាប់ពីថា ថត MV ឬខ្សែភាពយន្តនោះឡើយ។
យ៉ាងណា បើទោះបីជាមួយរយៈនេះ នាងមិនសូវបានបង្ហាញការសម្តែងថ្នីៗក៏ដោយ ប៉ុន្តែតារាស្រីរូបនេះតែងតែបង្ហាញមុខស្ទើរមិនដាច់នៅពេលចូលរួមកម្មវិធីនានា របស់អ្នកសិល្បៈដូចគ្នាផងដែរ៕
ចែករំលែកព័តមាននេះ