យុវជនម្នាក់បានរងរបួស និងម្នាក់ទៀតរត់គេចខ្លួនទាន់ ចំណែកគោយន្តកន្ត្រៃចំនួន០២គ្រឿងវិញ រងការខូចខាតទាំងស្រុងតែម្តង ខណៈពេលដែលក្រុមយោធាដែលនៅយាមដីមានទំនាស់ បានដកកាំភ្លើងបា.ញ់ជាច្រើនគ្រាប់ ខណៈពេល
ខេត្តកំពង់ស្ពឺ ៖ យុវជនម្នាក់បានរងរបួស និងម្នាក់ទៀតរត់គេចខ្លួនទាន់ ចំណែកគោយន្តកន្ត្រៃចំនួន០២គ្រឿងវិញ រងការខូចខាតទាំងស្រុងតែម្តង ខណៈពេលដែលក្រុមយោធាដែលនៅយាមដីមានទំនាស់ បានដកកាំភ្លើងបាញ់ជាច្រើនគ្រាប់ ខណៈពេលប្រជាពលរដ្ឋបើកគោយន្តដឹកបង្គោលរបង ឆ្លងកាត់មុខស្នាក់ការយាមរបស់ពួកគាត់។ ហេតុការណ៍បាញ់កាំភ្លើងគំរា.ម និងប្រើហិ.ង្សាមកលើប្រជាពលរដ្ឋ បណ្តាលឱ្យរងរបួសនេះ បានកើតឡើងកាលពីវេលាម៉ោង០៤និង៣០នាទីរសៀល ថ្ងៃទី១១ ខែមេសា ឆ្នាំ២០២២ នៅចំណុចព្រៃសហគមន៍ (ឧត្តមស្រែពស់) ស្ថិតនៅក្នុងភូមិពោធិមាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
យោងតាមរបាយការណ៍របស់សមត្ថកិច្ចបានឱ្យដឹងថា វេលាម៉ោង១៦និង៣០នាទី ថ្ងៃទី១១ ខែមេសា ឆ្នាំ២០២២ មានករណីហិ.ង្សាបង្កអោយមានរបួសស្នាម និងបាញ់គំរា.មកំហែង ព្រមទាំងបំផ្លិចបំផ្លាញគោយន្តដឹកបង្កោលរបងចំនួន០២គ្រឿងនៅចំណុចស្រែមួយ ស្ថិតនៅក្នុងភូមិពោធិ៍មាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ដែលបង្កឡើងដោយយោធាជាច្រើននាក់នៅចាំដីដែលមានទំនាស់ នៅចំណុចស្រែច្រាប ស្ថិតក្នុងភូមិពោធិ៍មាស ហើយជនបង្កនោះបានរត់គេចខ្លួនបាត់ ក្រោយពេលបង្កហេតុរួច។
ចំណែកជនរងគ្រោះមានចំនួន០២នាក់ ទី១- មានឈ្មោះ ស៊ីម ចំប៉ា ភេទប្រុស អាយុ២២ឆ្នាំ មុខរបរកសិករ រស់នៅភូមិពោធិមាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ជាអ្នកបើកបរគោយន្ត បានរងរបួសចំ.ក និងដាច់ត្រចៀកខាងស្តាំ និងទី២- មានឈ្មោះ ខឿន គា ភេទប្រុស អាយុ២៤ឆ្នាំ មុខរបរកសិករ រស់នៅភូមិ-ឃុំជាមួយគ្នា មិនមានរងរបួសនោះទេ ព្រោះរត់គេចខ្លួនរួចពីការប្រើហិ.ង្សា និងបាញ់គំរា.មរបស់កម្លាំងទាហានយាមដី ដោយបើកគោយន្តពីមុខក្រោយគ្នា បណ្តាលឱ្យរងការខូចខាតគោយន្តទាំងស្រុង ដោយជនបង្កជាយោធានោះ បានយកកាំភ្លើងបាញ់បំបែកកង់គោយន្តផ្នែកខាងក្រោយ កាត់ខ្សែពានគោយន្ត និងយកដីខ្សាច់ចាក់ដាក់ចូលក្នុងម៉ាស៊ីនគោយន្តទាំងពីរគ្រឿងទៀត បណ្តាលឱ្យរងការខូចខាតទាំង២គ្រឿងទាំងស្រុងតែម្តង។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ