ADផ្ទាំងផ្សព្វផ្សាយពាណិជ្ជកម្ម

Picture

មហោស្រព​ភាពយន្ត​ជប៉ុន​៖ ឆ្លុះ​បញ្ចាំង​ពី​កិច្ច​សហប្រតិបត្តិការ​រវាង​កម្ពុជា​-​ជប៉ុន​លើ​វិស័យ​ភាពយន្ត

4 ខែ មុន
  • ភ្នំពេញ

រាជធានី​ភ្នំពេញ​៖ ជា​រៀង​រាល់​ឆ្នាំ ចាប់ពី​ឆ្នាំ​២០១៥​មក មហោស្រព​ភាពយន្ត បាន​រៀបចំ​នៅ​ក្នុង​រាជធានី​ភ្នំពេញ និង​ខេត្ត​មួយ​ចំនួន នៃ​ព្រះរាជាណាចក្រ​កម្ពុជា ដែល​បាន​នាំ​មក​នូវ​ភាពយន្ត​ជា​ច្រើន​ប្រកបដោយ​គុណ​តម្លៃ សម្រាប់​ប្រជាពលរដ្ឋ​កម្ពុជា​បាន​ទស្សនា និង​សិក្សា​ស្វែង​យល់​ពី​វប្បធម៌…

រាជធានី​ភ្នំពេញ​៖ ជា​រៀង​រាល់​ឆ្នាំ ចាប់ពី​ឆ្នាំ​២០១៥​មក មហោស្រព​ភាពយន្ត បាន​រៀបចំ​នៅ​ក្នុង​រាជធានី​ភ្នំពេញ និង​ខេត្ត​មួយ​ចំនួន នៃ​ព្រះរាជាណាចក្រ​កម្ពុជា ដែល​បាន​នាំ​មក​នូវ​ភាពយន្ត​ជា​ច្រើន​ប្រកបដោយ​គុណ​តម្លៃ សម្រាប់​ប្រជាពលរដ្ឋ​កម្ពុជា​បាន​ទស្សនា និង​សិក្សា​ស្វែង​យល់​ពី​វប្បធម៌ ប្រពៃណី ទំនៀមទំលាប់ ការ​រស់នៅ​របស់​ប្រជាជន​ជប៉ុន​ ។

Picture
រូបភាព៖ ស្រី គំនិត

ក្រៅពី​ការ​ចាក់​បញ្ចាំងភាពយន្ត ប្រទេស​ជប៉ុន​ក៏​បាន​ចូលរួម​ចំណែក​សំខាន់​ក្នុង​ការ​បណ្តុះបណ្តាល​ជំនាញ​ភាពយន្ត​ជូន​ដល់​ផលិតករ និង​អ្នកបច្ចេកទេស​ភាពយន្ត​កម្ពុជា តួយ៉ាង​ប៉ុន្មាន​ខែ​ចុង​ក្រោយ​នេះ ក្រោម​កិច្ច​សហ​រវាង​មូលនិធិ​ជប៉ុន ការិយាល័យ​អាស៊ី​ភ្នំពេញ និង​នាយកដ្ឋាន​សិល្ប​ភាពយន្ត​នៃ​ក្រសួង​វប្បធម៌ និង​វិចិត្រសិល្បៈ និង​អង្គការ​ឈូករ័ត្ន​បាន​បើក​វគ្គ​បណ្តុះបណ្តាល​ជំនាញ​សរសេរ​អត្ថបទ​ភាពយន្ត ជំនាញ​ថត ជំនាញ​កាត់ត​ដំឡើង​រូប ព្រមទាំង​ជំនាញ​យក​សំឡេង ជូន​ដល់​សិក្ខាកាម​ដែល​ជា​យុវជន​កម្ពុជា​ផង​ដែរ​ ។

Picture
លោក​ជំទាវ​បណ្ឌិត​សភាចា​រ្យ ភឿ​ង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ ។ រូបភាព៖ ស្រី គំនិត

ក្នុង​ឱកាស​បើក​មហោស្រព​ភាពយន្ត​ជប៉ុន​ឆ្នាំ​២០២២ នា​ថ្ងៃ​ទី​១៤ ខែមករា កន្លង​ទៅ​នេះ លោក​ជំទាវ​បណ្ឌិត​សភាចា​រ្យ ភឿ​ង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ បាន​ថ្លៃ​ង​ថា​៖ «​ក្នុង​នាម​ក្រសួង​វប្បធម៌ និង​វិចិត្រសិល្បៈ​នៃ​ព្រះរាជាណាចក្រ​កម្ពុជា និង​ក្នុង​នាមខ្លួន​ខ្ញុំ​ផ្ទាល់ សូម​សំដែង​នូវ​ការ​កោតសរសើរ និង​វាយតម្លៃ​ខ្ពស់​ដល់​ការ​ខិតខំ​ប្រឹងប្រែង​របស់​ស្ថានទូត​ជប៉ុន ប្រចាំ​នៅ​កម្ពុជា​និង​មូលនិធិ​ជប៉ុន ការ​រិ​យា​ល័យ​អាស៊ី​ភ្នំពេញ ដែល​បាន​ផ្តួចផ្តើម​គំនិត​រៀបចំ​មហោស្រព​ភាពយន្ត​ជប៉ុន​នៅ​ក្នុង​រាជធានី​ភ្នំពេញ​។ ជប៉ុន គឺជា​ប្រទេស​មួយ ដែល​បាន​ចូលរួម​ចំណែក​ដ៏​សំខាន់​ក្នុង​ការ​ដំណើរការ​ស្វែងរក​សន្តិភាព ការ​ស្តារ និង​អភិវឌ្ឍ​សេដ្ឋកិច្ច​នៅ​កម្ពុជា​»​ ។

Picture
រូបភាព៖ ស្រី គំនិត

លោក​ជំទាវ​បណ្ឌិត​សភាចា​រ្យ ភឿ​ង ស​កុ​ណា បាន​បន្ត​ថា​៖ «​ក្រសួង​វប្បធម៌​ចាត់​ទុក​ថា ការ​រៀបចំ​មហោស្រព​ភាពយន្ត​ជប៉ុន​នេះ គឺជា​ការ​ជួយ​ជំរុញ​និង​លើកកម្ពស់​ទំនាក់ទំនង​ទ្វេភាគី កម្ពុជា​-​ជប៉ុន ឱ្យ​កាន់តែ​ស្អិតរ​មួ​ត​ថែម​ទៀត ពិសេស​លើ​វិស័យ​សិល្បៈ វប្បធម៌ ។

Picture
ឯកឧត្តម មិ​កា​មិ ម៉ាសា​ហ៊ី​រ៉ូ ឯកអគ្គរាជទូត​វិសាមញ្ញ និង​ពេញ​សមត្ថភាព របស់​ប្រទេស​ជប៉ុន​ប្រចាំ​ព្រះរាជាណាចក្រ​កម្ពុជា ។ រូបភាព៖ ស្រី គំនិត

នា​ឱកាស​ថ្ងៃ​ដដែល​នេះ​ផង​ដែរ ឯកឧត្តម មិ​កា​មិ ម៉ាសា​ហ៊ី​រ៉ូ ឯកអគ្គរាជទូត​វិសាមញ្ញ និង​ពេញ​សមត្ថភាព របស់​ប្រទេស​ជប៉ុន​ប្រចាំ​ព្រះរាជាណាចក្រ​កម្ពុជា បាន​ថ្លែង​ថា​៖ «​ខ្ញុំ​សូម​ថ្លែងអំណរគុណ​លោក​ជំទាវ ភឿ​ង ស​កុ​ណា ដែល​បាន​អញ្ជើញ​ចូលរួម​ពិធី​បើក​ជា​រៀង​រាល់​ឆ្នាំ ខណៈ​ដែល​លោក​ជំទាវ​មានការ​មមាញឹក​យ៉ាងណា​ក៏​ដោយ ។ ខ្ញុំ​ពិតជា​រីករាយ​ក្រៃ​លែង ដែល​បាន​ចូលរួម​ក្នុង​ពិធី​បើក​មហោស្រព​ភាពយន្ត​ជប៉ុន​ឆ្នាំ​២០២២ ។ យើងខ្ញុំ​សូម​ថ្លែងអំណរគុណ​ចំពោះ​ក្រសួង​វប្បធម៌ និង​វិចិត្រសិល្បៈ មជ្ឈមណ្ឌល​អាស៊ី​នៃ​មូលនិធិ​ជប៉ុន និង CJCC ដែល​បាន​ខិតខំ​ប្រឹងប្រែង​រៀបចំ​ព្រឹត្តិការណ៍​នេះ សម្រេច​បាន​ក្នុង​រយៈពេល​ដ៏​ខ្លី ដោយសារ​ឥទ្ធិពល​នៃ​កូ​វី​ដ​-១៩ ។ មហោស្រព​ភាពយន្ត​ជប៉ុន បន្ថែម​ពី​ការ​ទទួល​បាន​ភាព​រីករាយ​ទស្សនា​ភាពយន្ត ខ្ញុំ​សង្ឃឹមថា ប្រជាជន កម្ពុជា​នឹង​បាន​ស្វែង​យល់​សង្គម និង​វប្បធម៌​ជប៉ុន​ដ៏​សម្បូរ​បែប តាម​រយៈ​ភាពយន្ត​ជា​ច្រើន​ប្រភេទ​ផ្សេង​ៗ ហើយ​ចាប់អារម្មណ៍​លើ​ប្រទេស​ជប៉ុន​។ ខ្ញុំ​សូម​អញ្ជើញលោក លោកស្រី ក្មួយ​ៗ ដែល​មិនសូវ​មាន​ទំនាក់ទំនង ឬ ស្គាល់​ជប៉ុន​មក​ទស្សនា​ភាពយន្ត​ជប៉ុន​ទាំងនេះ​កុំបី​ខាន​» ។

Picture
រូបភាព៖ ស្រី គំនិត

ឯកអគ្គរាជទូត​ជប៉ុន បាន​បន្ថែម​ថា ដោយសារ​តែ​ការ​រីក​រាលដាល​នៃ​វី​រ៉ុ​ស​កូ​វី​ដ​១៩​បំ​លែងខ្លួន​ថ្មី យើង​បន្ត​ចាំបាច់​ត្រូវ​មាន​ភាព​ប៉ិនប្រសព្វ និង​ចាត់វិធានការ​ការពារ​ការ​ឆ្លង សម្រាប់​ការ​រៀបចំ​ព្រឹត្តិការណ៍​វប្បធម៌​ដូច​ឆ្នាំ​មុន​ៗ​។ ទោះបី​ស្ថិត​នៅ​ក្នុង​បរិយាកាស​តាម​បែប​គន្លង​ថ្មី​ក៏​ដោយ ក្នុង​នាម​ស្ថានទូត លោក​ចង់​ធ្វើ​កិច្ចការ​យ៉ាង​សកម្ម​ដោយ​សហប្រតិបត្តិការ​ជាមួយ​ស្ថាប័ន ពាក់ព័ន្ធ​ផ្សេង​ៗ ដើម្បី​ឱ្យ​ប្រជាជន​កម្ពុជា​បាន​ស្គាល់​ប្រទេស​ជប៉ុន​កាន់តែ​ច្រើន​ឡើង ​។

Picture
រូបភាព៖ ស្រី គំនិត

គួរ​បញ្ជាក់​ផង​ដែរ​ថា ក្រោយ​ការ​បើក​មហោស្រព ក៏​មានការ​ចាក់​បញ្ចាំងភាពយន្ត​រឿង “Pupelle of Chimney Town” ដែល​ជា​ភាពយន្ត​ពេញ​និយម​ក្នុង​ប្រទេស​ជប៉ុន ដោយ​វា​ជា​រឿង​គំនូរជីវចល យក​ចេញពី​សៀវភៅ​រូបភាព​ដែល​មាន​រូប​ស្រស់​ស្អាត​ខ្លាំង​ណាស់ ហើយ​សាច់​រឿង​បែប​មនោសញ្ចេតនា​ផង​ដែរ ។ រីឯ​ការ​ចាក់​បញ្ចាំង​រឿង គឺ​ចាប់ពី​ថ្ងៃ​ទី ១៤ ទី​១៥ ទី​១៦ ទី​២២ ទី​២៣ ខែមករា ឆ្នាំ​២០២២ នៅ​រាជធានី​ភ្នំពេញ នៅ​រោង​ភាពយន្ត Major Cineplex Aeon Mall Sen Sok city ៕

Picture
រូបភាព៖ ស្រី គំនិត
Picture
រូបភាព៖ ស្រី គំនិត
Picture