ADផ្ទាំងផ្សព្វផ្សាយពាណិជ្ជកម្ម

Picture

វី​ដេ​អូ​ស្ត្រី​​ម្នាក់​បី​សត្វ​​តោ​​ដើរ​តាម​ផ្លូវ​ កំពុង​កក្រើក​ខ្លាំង​លើ​អ៊ីនធើរ​ណេត

7 ខែ មុន

បរទេស ៖ ថ្មី​ៗ​នេះ វី​ដេ​អូ​ស្ត្រី​ម្នាក់នៅ​ប្រទេស​គុយ​វ៉ែត ដែល​បី​សត្វ​ចិញ្ចឹម​ដើរ​ឆ្លងកាត់​ផ្លូវ បន្ទាប់​ពី​វា​រួច​​ចេញពីផ្ទះ​កំពុង​តែ​កក្រើក​

បរទេស ៖ ថ្មី​ៗ​នេះ វី​ដេ​អូ​ស្ត្រី​ម្នាក់នៅ​ប្រទេស​គុយ​វ៉ែត ដែល​បី​សត្វ​ចិញ្ចឹម​ដើរ​ឆ្លងកាត់​ផ្លូវ បន្ទាប់​ពី​វា​រួច​​ចេញពីផ្ទះ​កំពុង​តែ​កក្រើក​ខ្លាំង​នៅ​លើ​ប្រព័ន្ធ​អ៊ីនធឺណិត​។ ហើយ​អ្វី​ដែល​គ្រប់​គ្នា​ចាប់អារម្មណ៍ និង​ភ្ញាក់ផ្អើល​បំផុត​នោះ​គឺ​សត្វ​ចិញ្ចឹមរបស់​​នាង​គឺជា​សត្វ​តោ​។

វី​ដេ​អូ​ថត​ចេញពី​អ្នក​រស់នៅ​តំបន់ Sabahiya ភាគ​ខាងត្បូង​នៃ​ទីក្រុង​គុយ​វ៉ែត បង្ហាញ​ពី​សកម្មភាព​ស្ត្រី​ជា​ម្ចាស់​សត្វ​តោ​កំពុង​តស៊ូ​បីត្រកង​សត្វ​តោ​របស់​នាង ដែល​កំពុង​រើ​បំរះ​ និង​គ្រហឹម​ខ្លាំង​ៗ ដោយសារ​វា​មិន​ចង់​ត្រឡប់​ទៅ​ផ្ទះ​វិញ​។

យោង​តាម​ប្រភព​ពី​គេហទំព័រ Al Arabiya បានឱ្យ​ដឹង​ថា ប៉ូ​លី​ស​បរិស្ថាន​ត្រូវ​បាន​ហៅ​ទៅ​ដល់​កន្លែង​កើតហេតុ ហើយ​មន្ត្រី​ក៏​បាន​ជួយ​ស្ត្រី​រូប​នោះ ដើម្បី​ចាប់​តោ​បញ្ជូន​ត្រឡប់​ទៅ​ផ្ទះ​របស់​នាង​វិញ ។

ការ​រក្សា​សត្វ​កម្រ​ជា​សត្វ​ចិញ្ចឹម គឺជា​រឿង​ដ៏​ពេញ​និយម​បំផុត​នៅ​រដ្ឋ​ឈូង​សមុទ្រ​ជា​ច្រើន ទោះបី​វា​ជា​ទ​ង្វើ​ខុសច្បាប់​យ៉ាងណា​ក៏​ដោយ ហើយ​ក្នុង​នោះ​រួម​ទាំង​នៅ​ប្រទេស​គុយ​វ៉ែត​ផង​ដែរ​៕ (​ដកស្រង់​ចេញពី Dailymail)

Picture
Picture
Picture