ADផ្ទាំងផ្សព្វផ្សាយពាណិជ្ជកម្ម

Picture

សហគមន៍​ទេសចរណ៍ ​កំពុង​បំពាក់​បន្ថែម​ជំនាញ​ទទួលភ្ញៀវ អនាម័យ និង​សុវត្ថិភាព​ចំណីអាហារ​

7 ខែ មុន
  • ភ្នំពេញ

រាជធានី​ភ្នំពេញ ​៖ សហគមន៍​ទេសចរណ៍​ផ្តើម​ទទួល​ការ​បណ្តុះបណ្តាល​លើ​ជំនាញ​បដិសណ្ឋារកិច្ច​ទេសចរណ៍​និង​អនាម​យ័​ និង​សុវត្ថិ ភាព​ចំណីអាហារ ខណៈ​ដែល​កម្ពុជា​កំពុង​ខិតខំ​ស្តារ​វិស័យ​ទេសចរណ៍​ឡើង​វិញ​ក្រោយ​ពី​បាន​រង​ផល​ប៉ះពាល់​យ៉ាងធ្ងន់ធ្ងរ​ពី​ជំងឺ​កូ​វី​ដ ​១៩ ប្រមាណ​ជា ​២ ​ឆ្នាំ​មកនេះ​…

រាជធានី​ភ្នំពេញ ​៖ សហគមន៍​ទេសចរណ៍​ផ្តើម​ទទួល​ការ​បណ្តុះបណ្តាល​លើ​ជំនាញ​បដិសណ្ឋារកិច្ច​ទេសចរណ៍​និង​អនាម​យ័​ និង​សុវត្ថិ ភាព​ចំណីអាហារ ខណៈ​ដែល​កម្ពុជា​កំពុង​ខិតខំ​ស្តារ​វិស័យ​ទេសចរណ៍​ឡើង​វិញ​ក្រោយ​ពី​បាន​រង​ផល​ប៉ះពាល់​យ៉ាងធ្ងន់ធ្ងរ​ពី​ជំងឺ​កូ​វី​ដ ​១៩ ប្រមាណ​ជា ​២ ​ឆ្នាំ​មកនេះ​ ។

Picture

ផ្តើម​ចេញពី​សហគមន៍​ទេសចរ​បាគង​ភូមិ​ខ្ញុំ ស្ថិត​នៅ​ក្នុង​ខេត្តសៀមរាប កាលពី​ពី​ថ្មី​នេះ មាន​សហគមន៍​ទេសចរណ៍​ចំនួន ​២០ ​បាន​ចូល​រួមការ​បណ្តុះបណ្តាល​នៅ​ទីនោះ​ ។ លោក​ជុក ជំនោរ ប្រធាន​នាយកដ្ឋាន​អភិវឌ្ឍ​ទេសចរ​នៃ​ក្រសួងទេសចរណ៍ និយាយ​ថា ក្រុមការងារ​គណៈកម្មាធិការ​ជាតិ​គ្រប់គ្រង​ និង​អភិវឌ្ឍ​សហគមន៍​អេកូ​ទេសចរណ៍ និង​សហគមន៍​ទេសចរណ៍​បាន​រៀបចំ​វគ្គ​បណ្តុះបណ្តាល​ស្តី​ពី​ការ​ផ្តល់​បដិសណ្ឋារកិច្ច​ទេសចរណ៍ និង​អនាម័យ និង​សុវត្ថិភាព​ចំណីអាហារ​ដល់​អ្នក​ផ្តល់​សេវាកម្ម និង​ចុងភៅ​ដើម្បី​ជំរុញ​វិស័យ​ទេសចរណ៍​នៅ​កម្ពុជា​ ។

Picture

លោក​បញ្ជាក់​ថា តាម​គម្រោង​នឹង​ធ្វើការ​បណ្តុះបណ្តាល​បន្តបន្ទាប់​ទៅ​ដល់​ប្រជា​សហគមន៍​ផ្សេង​ៗ​ទៀត ដើម្បី​ឲ្យ​ពួក​គាត់​បាន​ពង្រឹង​បន្ថែម​នូវ​ជំនាញ​បដិសណ្ឋារកិច្ច​និង​ការ​គ្រប់គ្រង​ផ្នែក​អនាម​យ័​និង​សុវត្ថិភាព​ចំណីអាហារ​ឲ្យ​កាន់តែ​ប្រសើរ​ថែម​ទៀត​ ។
«វគ្គប​ណ្តុះ​បណ្តាក​នោះ​ក៏​ដើម្បី​ត្រៀមលក្ខណៈ​ទទួលភ្ញៀវ​ទេសចរ​ក្នុង​ពេល​ដែល​កម្ពុជា​ត្រូវ​បាន​បើក​ទ្បើ​ង​វិញ​លើ​គ្រប់​វិ​ស័យ ​។ យើង​នឹង​បើក​វគ្គ​បណ្តុះបណ្តាល​ដូច​គ្នា​នេះ​ដ​លយ​ប្រជា​សហគមន៍​បន្តបន្ទាប់​ទៀត នៅ​ដើមឆ្នាំ ​២០២២​ ខាង​មុខ​ដូច​ជា​សហគមន៍​អូរ​ជាំ​នៅ​ខេត្តបាត់ដំបង សហគមន៍​ស្រែ​អំពិល​នៅ​ខេត្តកំពង់ឆ្នាំង សហគមន៍​រាំង​ខ្វាវ​នៅ​ខេត្តពោធិសាត់​ជាដើម​”​នេះ​ជា​ការ​បញ្ជាក់​របស់​លោក ជុក ជំនោរ ​។

Picture

មន្ត្រី​ឲ្យ​ដឹង​ថា ការ​ធ្វើ​បដិសណ្ឋារកិច្ច ការ​ផ្តល់​ភាព​ញញឹម ការ​រួសរាយ​រាក់ទាក់​ដល់​ភ្ញៀវ​ទេសចរ រួម​ទាំង ស្តង់ដារ​អនាម​យ័​ចំណីអាហារ​ស្រប​តាម​ការ​ណែនាំ​របស់​ក្រសួង​ទេសចរ​គឺជា​បញ្ហា​សំខាន់​មិន​អាច​ខ្វះ​បាន ​។​ ប្រជា​សហគមន៍​ទាំងអស់​ត្រូវ​តែ​ចេះ​ និង​ពង្រឹង​ជំនាញ​នោះ​ ។ ​លោក​ថា ផ្តើម​ពី​ការ​ពង្រឹងគុណភាព​ចំណីអាហារ​ដែល​អាច​និយាយ​ថា ប្រកបដោយ​ស្តង់ដារ​នោះ វា​នឹង​ក្លាយជា​ផលិតផល​មួយ​ថ្មី​ទៀត​ដែល​អាច​ឈាន​ទៅ​ដល់​ការ​កំណត់​នូវ​អត្តសញ្ញាណ​ខេត្ត​មួយ តំបន់​មួយ មាន​ទេសចរ​ប្រចាំ​តំបន់​មួយ​ថែម​ទៀត ​៕

Picture
Picture
Picture